KATHRYN AT DOMINIC, SABAY NAG-GYM, PATI SA BEAUTY CLINIC

ni Nitz Miralles @Bida  | June 18, 2024

May shippers din pala sina Kathryn Bernardo at Dominic Roque dahil nadadalas ang kanilang pagkikita. 

Dahil siguro parehong single, naisip ng mga fans na i-ship sila. Pero katuwaan lang naman ito at alam nilang magkabarkada ang dalawa at matagal nang magkaibigan.

Saka, “Bro” ang tawag ni Kathryn kay Dominic at kahit nu’ng may karelasyon pa ang aktres, close na sila ng ex-BF ni Bea Alonzo. 

Nakitaan ng chemistry ang dalawa at bagay daw. May nagbiro pa nga na puwedeng maging sila. 

May mga kumontra lang na fans nina Kathryn at Alden Richards at maging ang Kathryn-Jericho Rosales supporters. Hindi pa raw nakakapaglayag nang husto ang KathDen (Kathryn at Alden), may bago na namang isini-ship sa aktres.

Hintayin daw kapag nagkasama na sina Kathryn at Alden sa shooting ng Hello, Love Again sa Canada at siguradong lalayag nang husto ang KathDen. 

Hindi pa magkasama sa shooting sina Kathryn at Alden dahil mga eksena muna ng huli sa Hong Kong ang kinukunan, saka isusunod ni Direk Cathy Garcia-Sampana ang mga eksena sa Canada.

Anyway, kabilang si Dominic sa mga nakasama ni Kathryn sa birthday niya. Spotted uli sila nang sabay mag-workout sa gym at nitong huli ay sa Aivee beauty clinic. 

Dahil magkaibigan, marami pang beses na makikitang magkasama sina Kathryn at Dominic, kaya happy ang mga shippers nila.

---

Anak, kahit 'di pa pinakakasalan…

JERIC, TANGGAP NA TANGGAP NA SI ALJUR PARA KAY AJ 

Photo: Jeric Raval, Aljur Abrenica at AJ Raval.jpg

Binati ni AJ Raval ng “Happy Father’s Day” si Aljur Abrenica. Sa Instagram (IG) Stories lang ni AJ ang greetings niya kay Aljur dahil alam nito na kapag nabasa ng nakararami, maba-bash na naman siya o sila ni Aljur.

So, magka-live-in na sina AJ at Aljur dahil sila ang magkasama nu’ng Father’s Day. 

May photo post din si AJ na kasama naman ni Aljur ang dad niyang si Jeric Raval at kapatid yata niya at binati rin niya ang dad niya ng "Happy Father’s Day".

Ibig sabihin nito, tanggap na tanggap na ni Jeric si Aljur na partner ng anak niyang si AJ.

Sana nga, maikasal na ang dalawa para mas solid ang saya ni Jeric na sa mga interviews, sinasabing gusto niyang pakasalan ni Aljur si AJ.

---

SIGNATURE song ng singer/music producer/cosplayer/radio disc jockey/recording artist na si Debbie Lopez ang song ng M2M na Pretty Boy. 

Kinanta niya ang song sa launching ng single niyang Ang Higugmaon Ka at kinanta rin ang song nang mag-guest siya sa Radyo Agila ng NET25 to promote the said single.

Special kay Debbie ang nasabing song dahil audition piece niya ito sa worldwide app na Sessions Live Music Stream at dito rin siya nagsimulang makilala. Saka, bagay sa timbre ng kanyang boses ang song at dahil special ito, hindi nakakagulat kung isama niya sa kanyang repertoire sa gagawing concert.

In-announce ni Debbie sa launching ng kanyang single na magkakaroon siya ng concert sa December after the promo of her single. Magkakaroon pa nga siya ng launching sa Cebu na kanyang hometown at may iba pang schedule ng promo.

Double special ang launching ng single ni Debbie dahil birthday niya noong June 15 at may pa-birthday cake sa kanya ang management niya. 

“Success in life” ang birthday wish ni Debbie, kasama na rin ang success ng kanyang single na hindi lang Cebuano ang makaka-relate.

Single si Debbie, na-trauma yata nang maging biktima ng ghosting ng boyfriend na online lang nakilala at sa video call lang nakita ang mukha. Huli na nang malaman niyang may ibang girlfriend ang boyfriend niyang isang seaman.

Wala rin siyang pag-asa sa crush niyang si JM de Guzman dahil girlfriend na nito si Donnalyn Bartolome. Kaya, focused na lang si Debbie sa sinisimulang recording career.

---

ANG ganda ng Father’s Day greetings ni Sunshine Cruz kay Cesar Montano. 

Sabi nito, “Happy Father’s Day to the father of my children. Thank you for making up and making time to be with these girls. May God bless you! Cheers.”

May kasamang photo ni Cesar at mga anak nila at partner ni Cesar ngayon ang post ni Sunshine. Ikinatuwa ng mga netizens na maayos ang relasyon nina Cesar at partner nito kay Sunshine at sa mga anak ng dating mag-asawa.

Sa nakaraang birthday ng partner ni Cesar na si Kath, binati rin siya ni Sunshine at keri nila na magkasama sa mga special occasions at magpa-picture together.

Mamimigay uli ng kotse… WILLIE, PINALITAN NA ANG TITLE NG SHOW

ni Nitz Miralles @Bida  | June 16, 2024

Wil To Win (WTW) na ang title ng bagong show ni Willie Revillame sa TV5, pero hindi pa in-announce kung kailan magsisimula ang show na airing Monday to Friday. Pati ang time slot ng show, hindi pa binanggit. 

Bongga ang mga papremyo sa WTW at sa pilot episode nga raw, bukod sa cash prizes, mamimigay ang show at si Willie ng brand new car. Of course, hindi mawawala ang ipamimigay na jacket na trademark na niya.

Sey ni Willie, “For almost seven years, araw-araw ko kayong kasama sa GMA. Maraming mga pagsubok, maraming nangyari, may luha ng kaligayahan. May luha ng hinagpis na araw-araw kong nararamdaman.

“Sorry ho, naging emotional ako kasi mawawala na ho si Wowowin. Magpapaalam na po ang programang Wowowin. May bago na tayong programa dito sa TV5, ang Wil to Win.”

Anyway, hindi binanggit ang time slot ng WTW ni Willie, pero dahil last two weeks na lang ng game show nina Kayla Rivera at Jerald Napoles, malamang, ang show ni Willie ang ipalit sa time slot nitong 5:30 PM. 

---

After ma-stroke… 

ARNOLD, NAKA-DIAPER NA

May update si Arnold Clavio sa kanyang kondisyon na nagpahirap sa kanya, ang hemorrhagic stroke. 

Naka-confine pa rin siya sa St. Luke’s Medical Center sa Quezon City. For three days, regular ang pagtse-check sa kanya ng neurologist, cardiologist at rehab doctor to monitor his condition at para malaman kung kailangan ba siyang operahan.

“Pero dahil hindi naman tumabingi ang aking mukha o nabulol ang aking pagsasalita, ‘di ko na kailangan na maoperahan. Base sa kanilang paliwanag, ‘His slight bleeding is in the thalamus area (left side) which is responsible for sensation and some muscle control that’s why his right legs and arms had numbness and until now feels weak. It’s systemic and warning sign. The bleeding is in the small vessels which is good. If the brain is a tree in the forest the bleeding happened in the grass area... meaning manageable,” pagse-share ni Arnold.

“Good news, I am out of danger. Sabi nga ni Doc, ‘No more worries. The worst is over! You’re a lucky man!’ Ang kailangang gawin na lang ay mapababa ang aking BP (blood pressure) at sugar level,” patuloy ni Arnold.

Sa Day 2 ng kanyang confinement na nakaupo si Arnold, mahaba pa raw ang laban na haharapin niya. Ang laki raw ng pagbabago ng buhay niya habang nasa Acute Stroke Unit (ASU) siya ng hospital. Bawal pa siyang tumayo at kailangan niyang mag-adult diaper.

Sey ni Igan, “Para na rin akong sanggol na nililinisan at hinihilamusan araw-araw para maging presko ang pakiramdam. At may bago pala akong kaibigan - si Insulin!

“Abangan ang pag-graduate ko sa ASU at simula ng aking therapy at rehabilitation. At sana, ang aking kuwento ay makapagligtas ng maraming buhay.”

Matagal-tagal ding hindi mapapanood si Arnold sa Saksi at Unang Hirit sa GMA-7 dahil nagpapagaling. Marami ang nagpadala ng mensahe sa kanyang paggaling.

---

MASIPAG mag-like at mag-comment si Kobe Paras sa post ni Kyline Alcantara, kaya tuluy-tuloy ang kilig ng kanilang mga shippers. Kaya ‘pag hindi nagla-like si Kobe, nagtatanong agad ang mga fans kung bakit wala ito. Naging obligayon tuloy nito ang mag-like sa post ni Kyline, or else, may mga maghahanap.

Kahit marami ang natutuwa kay Kyline, mapapansin din na marami ang galit sa kanya o baka naiinggit lang. May mga tao na hindi matanggap na napasok na ni Kyline ang mundo ng mga fashionista at sosyal. Invited siya sa mga events at launching ng mga luxury brands at rubbing elbow siya sa mga rich and influential sa fashion industry.

Ayun, may tumawag sa kanyang “feelingera,” “pa-sosyal,” “trying hard to be in” at “asang-asa” raw kay Kobe. Kaya pinayuhan siyang ‘wag masyadong umasa kay Kobe para hindi siya muling masaktan.

Marami na naman ang mga bashers ni Kyline nang dumalo siya sa Mega Ball. May mga comments na hindi bagay sa masayang post ng isa sa lead actress ng Shining Inheritance na malapit nang mapanood sa GMA-7, kaya dinelete. Ang inis siguro ng mga bashers na hindi na mabasa ang comment niya.

Saka, wala pang dapat ikabahala ang mga naiinggit na napansin ni Kobe si Kyline dahil from a source, wala pang romantic involvement ang dalawa. Kaya, kalma lang!

Naglaro ng golf… IGAN ARNOLD, NA-STROKE HABANG NAGDA-DRIVE

ni Nitz Miralles @Bida  | June 15, 2024

Sa kanyang Instagram, idinetalye ng newscaster/TV host na si Arnold Clavio ang

pagkakaospital niya dahil sa stroke. 

Kuwento nito, galing siya sa paglalaro ng golf sa Eastridge Golf Course sa Antipolo nang makaramdam ng numbness ng kanyang right arm and leg. Hindi na rin daw niya maramdaman ang pag-apak sa pedal ng gas at break.

Huminto raw siya sa gasoline station to check himself, pero hirap siyang maglakad. Agad siyang tumingin sa salamin to know kung tabingi ba ang mukha niya o maga ang mga mata niya. 

Nakapag-drive pa si Arnold at huminto sa unang ospital na nakita at ‘yun ay ang Fatima University Medical Center. Doon nalaman na mataas ang blood pressure niya. 

Sambit ni Arnold, “Lumitaw ang blood pressure (BP) ko, nasa 220/120 at ang blood sugar ko ay umabot ng 270.

“Inirekomenda na isailalim ako sa CT scan. Du’n nakita na may slight bleeding ako sa kaliwang bahagi ng aking utak. At sa oras na ‘yun, ako ay nagkaroon na ng ‘hemorrhagic stroke’.”

Patuloy ni Arnold, “Inilipat ako sa St. Luke’s Hospital para maobserbahan pa. Agad akong inasikaso sa ER ng kanilang brain attack team at dinala sa Acute Stroke Unit ng ospital para ganap na bantayan ang aking BP at sugar.”

“Aral: Feeling ok does not mean you're ok. Feeling good does not mean we’re good. Listen to your body, traydor ang hypertension! Always check your BP.”

Aniya, “Thank you Lord. I personally experienced your miracle.”

---

Nakangiti si Bea Alonzo nang aminin sa interview niya kay Nelson Canlas ang pinag-uusapan ngayong pahayag niya. 

Malinaw ang naging reaction ni Bea sa binanggit ni Nelson na siya ang nakipahiwalay kay Dominic Roque.

“Hindi ako ang nakipag-break. Let’s leave it in the past. It’s amicable. OK naman kami. I think it will be disrespectful to the relationship and to the other person to talk about it. It’s a very sensitive topic. And gusto kong bigyan ng respeto at gusto kong iwan sa magandang paraan what we had,” paliwanag ni Bea.

Pagkatapos nitong sabihin nang nakangiti na hindi siya ang nakipag-break, hindi na nito binalikan ang topic ng breakup nila ni Dominic. Hindi rin nito binanggit ang pangalan ng aktor, bagay na na-appreciate sa kanya.

Ayon sa mga fans, itinaon ni Bea sa promo period ng Widows’ War ang sinabing hindi siya ang nakipag-break, bagay na ikinorek ng mga fans nito. Kinlaro lang daw ni Bea ang maling akala na siya ang nakipag-break at kung papansinin, agad tinapos ang isyu.

Mas napag-usapan ang Widows’ War at nabanggit ni Bea na isa sa mga nagustuhan niya sa murder mystery series ay lahat ng cast, gray ang character. Hindi malalaman up to the end kung sino ang killer.

Samantala, sumugod ang mga netizens sa Instagram (IG) ni Dominic at inakusahan siyang

pa-victim. Hindi naman daw pala siya ready magpakasal, bakit pa siya nag-propose? 

‘Yun bang hindi natin alam ang cause ng kanilang breakup, nanghusga na tayo.            

---

FUTURE First Lady ng Manila City pala si Rhian Ramos dahil tatakbong mayor ng siyudad ang boyfriend niyang si Sam Verzosa. 

Sinamahan ni Rhian ang boyfriend sa pagpapa-bless ng sasakyan donated by Sam sa simbahan sa Balic-Balic, Sampaloc.

Nag-setup din ng SV Mobile Clinic sa Sampaloc si Sam para matulungan for their medical needs ang mga taga-Sampaloc. 

Nakita naming maraming wheelchairs at service vans ang ipamimigay sa mga nangangailangan.

Sey ni Rhian, “Congratulations my booboo. I’m so proud of you, siguradong marami na namang matutulungan ang mga mobile clinics, serbisyo vans, libreng checkup at gamot, wheelchairs at lahat ng iba pang ibinahagi mo sa distrito ng Sampaloc, Manila. It means so much to me to witness my love sharing what God has blessed him with, understanding that having plenty is not just for you to enjoy, but a tool to live a life of purpose and service. I learn from you and you inspire me every day. God bless you my boo, naiiyak ako.”

Sa photos, makikitang tumulong si Rhian sa pamimigay ng gamot at kasama roon ang pakikipag-picture taking sa mga taong nagkagulo sa kanya. 

Kapag nanalo si Sam, mahahaluan na ng politics ang buhay ni Rhian. Ang wish ng kanyang mga fans, hindi nito iwan ang showbiz na hindi siguro nito gagawin. 

Nasa cast siya ng Sang’gre at excited na sa may pagka-kontrabida niyang role.