Parehong mamimigay ng datung… DINGDONG AT WILLIE, TAPATAN NA!

ni Nitz Miralles @Bida  | July 1, 2024

Tututukan daw talaga ni Dingdong Dantes at ng buong AKTOR PH na ma-nominate si Vilma Santos at maiproklamang National Artist for Film and Broadcast Arts. Malakas daw ang pananampalataya niya na maibibigay kay Vilma ang naturang parangal. 

“The nomination is worth it,” sabi pa ni Dingdong. 

Nabanggit pala ni Dingdong na hindi niya maintindihan kung bakit malakas ang impact ni Vilma sa kanila ng asawang si Marian Rivera. Ninang nila sa kasal si Vilma, pero hindi pa niya nakakasama sa pelikula ang aktres and yet, ang feeling niya, nakatrabaho na niya ito.

Ayon kay Dingdong, “Siguro dahil napapanood ko ang movies n’ya, kaya ang feeling ko, kilalang-kilala ko na s’ya. Sana nga, makasama ko s’ya sa movies at gusto ko, drama ang project na gawin namin.”

Samantala, mukha namang pinaghahandaan ni Dingdong at ng GMA ang pagtatapat ng Family Feud at Wil to Win na ang host naman ay si Willie Revillame. 

Ia-announce ang cash prizes na mapapanalunan ng mga viewers ng show ni Dingdong, pantapat sa big prizes na ipamimigay ng show ni Willie.

Sa July 15, 5:00 PM ang pilot ng Wil to Win at one and a half hour ang airing time. Masasagasaan nito ang show ni Dingdong Dantes na nagsisimula ng 5:40 PM hanggang 6:30 PM.

---

WALA si Vilma Santos sa pa-presscon ng AKTOR PH para gawing pormal ang nominasyon sa kanya para sa National Artist Award for Film and Broadcast Arts. 

Nasa ibang bansa raw ngayon si Vilma at sa pagsilip namin sa kanyang Instagram, pinag-uusapan ng mga fans na nag-Alaska o Alaskan cruise sila ng kanyang pamilya. 

Sa photo post ni Vilma, makikitang nasa deck siya ng cruise at kumukuha ng photos at sa harap niya ang magandang view ng bundok na puno ng snow. Simple lang ang caption niya sa post na, “Praising all your creation, Lord.”

For sure, nakarating na kay Vilma na maraming grupo ang nagsusulong na ma-nominate siya at maiproklamang National Artist. 

Kumpleto ang supporting papers na dinala ni Vicky Dantes ng AKTOR PH sa National Commission for Culture and the Arts (NCCA). Pero, aabutin pala ng one and a half year ang proseso at dadaan pa sa deliberation para mapili at maiproklama ang awardee.

Nangako si Dingdong at ang AKTOR PH na tututukan ang proseso hanggang sa June next year, kung kailan ia-announce ang mga awardees na kinabibilangan nga ni Vilma.

Sa press release na ibinigay ng organisasyon, detalyado na nakasulat ang achievement ni Vilma sa entertainment industry, ang impact niya sa tao, ang achievement bilang public servant, pati legacy niya at pagiging inspirasyon sa kanyang colleagues.

Ang ganda ng parte ng speech ni Dingdong na ang sabi, “Vilma Santos’ nomination for the National Artist Award by AKTOR PH celebrates her enduring legacy, exceptional versatility, and significant contributions to Philippine arts and culture. Her sustained relevance, dedication to her craft, and influence on society underscore her deservingness for this prestigious honor.”

Mavy, knows mo ba ‘yan? KYLINE AT KOBE, HOLDING HANDS NA IN PUBLIC

ni Nitz Miralles @Bida  | June 28, 2024

Kung dati ay soft launch ang itinawag ng mga netizens sa relasyon nina Kyline Alcantara at Kobe Paras dahil nag-date na walang kasamang photos at wine, bouquet of flowers at food lang na in-order ang ipinakita, ngayon, hard launch na raw ang ginawa ng dalawa sa kanilang relasyon.

Ito ay nang makunan sila ng video na nakatalikod at naglalakad habang holding hands. Kulang na lang daw ay may pa-sway-sway sila ng hands habang naglalakad, pero okay na sa mga netizens ang nakita nila. Darating daw ang araw na nakaharap na sila habang magka-holding hands.

Dahil sa Instagram (IG) unang napanood ang video na unang nai-post ni Oscar Brad Recabarm, IG official na raw ang dalawa. 

Hindi lang nabanggit kung saan sila spotted. Mas makukumpirma pa at magiging opisyal ang pagiging couple ng dalawa kapag dumating sila sa GMA Gala 2024 na si

Kobe ang escort o ka-date ni Kyline. 

Kung dati, sabi ng isang close kay Kyline, hindi pa sigurado ang lead actress ng Shining Inheritance series ng GMA-7 kung sino ang makaka-date sa GMA Gala, siguro naman, safe nang sabihing si Kobe ang kasama ni Kyline na rarampa sa red carpet.

May mga nega comments pa rin sa dalawa, lalo na kay Kyline at ikinukumpara siya sa ex ni Kobe Paras, pero majority, natutuwa sa kanila. Bagay daw sila at may nagpayo pa kay Kyline Alcantara na ‘wag pansinin at dedmahin ang mga bitter at naiinggit.

---

NILALAMBING ni Rita Daniela si Vice Ganda na ipagprodyus siya ng concert at si Meme Vice ang nagpaalala kay Rita tungkol dito nang mag-guest ang Kapuso singer-actress sa It’s Showtime.

Kuwento ni Vice, first time pa lang nilang nag-meet ni Rita, kinumbinse na siya nito na ipag-produce siya ng concert. Sey daw ni Rita, kunin ang number niya at i-produce siya ng concert.

“Nu’ng first guesting niya rito, pumunta siya sa dressing room, ‘Meme! Ano na ‘yung concert ko? Nagpa-practice na ako!’” ani Vice.

Sa interview kay Rita ng GMA News Online, hiningan siya ng update sa proposal niya kay Vice.

“From Meme, I’m not sure pa. Siguro baka konting lambing pa natin sa kanya, tayong netizens, ‘no? Baka talagang umabot sa part na ‘yun,” sagot ni Rita.

Ibinalita pala ni Rita na may upcoming album siya at may isa pa siyang pasabog na lalabas before Christmas. 

Ipinromote na rin ni Rita ang Widows’ War na kasama siya sa cast at premiere sa July 1.

---

THIS Friday na ang finale ng My Guardian Alien (MGA), at inaabangan ng mga viewers kung magkakaroon ng happy ending sina Carlos (Gabby Concepcion) at Grace (Marian Rivera) at kung mabubuo ba ang kanilang dream family kasama si Doy (Raphael Landicho) o kung tuluyang mawawala si Grace sa earth.

Sa Wednesday episode kasi ng series, naglaho bigla si Grace pagkatapos gamutin si Doy gamit ang kanyang power. Sa dami ng kanyang pinagaling, naubusan siya ng power na naging rason ng kanyang paglaho.

Pampamilya ang series na siguradong tinutukan ng mga anak nina Marian at Dingdong Dantes na sina Zia at Sixto. Nabanggit ni Marian na kaya ito ang pinili niyang comeback series ay para mapanood ng kanyang mga anak.

Sa last taping day, malungkot ang cast na naging close sa set, at si Marian nga, niregaluhan pa ang cast at ang regalo niya kay Max Collins ay may kasama pang letter na na-appreciate naman ng aktres.

Sa pagtatapos ng MGA, ang hihintayin ng mga fans ni Marian ay ang Cinemalaya entry niyang Balota na sa August na ang screening. Si Gabby naman, back sa pagiging concert performer dahil may mga imbitasyon sa kanyang kumanta sa mga special events gaya ng mga wedding anniversary. May kasama pang sayaw ang pagkanta ni Gabby, kaya lalong natutuwa ang mga tao sa kanya.

---

TULOY ang pagpe-flex ni Sharon Cuneta sa masarap na iniluluto ng anak na si Frankie Pangilinan. Unang ifinlex ni Sharon ang adobong manok sa gata at sinundan ‘yun ng pagluluto ni Frankie nu’ng Father’s Day. 

Ang daming iniluto ni Frankie na sa photos pa lang, alam mong masarap na.

Ang latest na ifinlex ni Sharon ay ang Hainanese Chicken Rice, na twice na palang iniluto ni Frankie dahil sa kanyang request. 

Sey ni Sharon, “I requested that she cook this again tonight –as I fell in love with it when she cooked it last week! The BEST!!!”

Well, dahil sa husay magluto, may mga suggestion kay Sharon na gumawa sila ng vlog na nagluluto si Frankie. Sabi naman ng isa, sa galing magluto ng anak ay magbukas sila ng restaurant para marami ang makatikim ng iniluluto nito. May humingi naman ng recipe ng mga iniluto ni Frankie Pangilinan para kanilang gayahin.

Basta happy sa bagong buhay... DOM, DEDMA LANG NA MAY BAGONG BF NA RAW SI BEA

ni Nitz Miralles @Bida  | June 27, 2024

May sumugod sa Instagram (IG) ni Dominic Roque para lang i-share ang naibalita ni Ogie Diaz na may new boyfriend na si Bea Alonzo. Walang reaction si Dominic pati ang mga nakabasa sa nai-share ng mga netizens. I’m sure, may nag-abang sa isasagot ni Dominic, pero hindi siya sumagot.

Mas focused ang mga kaibigan at followers ni Dominic sa pagko-congratulate sa kanya sa ibinalita nitong baptism niya as a Christian. Ipinost nito ang baptism niya kasabay nina Cristine Reyes at Catriona Gray.

Sey ni Dominic, “Overflowing with gratitude for God’s grace. Baptized with love and faith alongside my closest friends in the church that feels like home. Grateful for the community, the pastors, and the journey of worship. @favor.mnl Thank you, Pastor James.”

Isa sa may magandang message for Dominic ay si Gina Alajar na nag-comment ng, “God bless your heart, Dom.” 

May mga comments din sina Cristine, Ara Mina, Gab Valenciano,  at pati nga ang BeaDom fans nina Dominic at Bea, nag-comment din na proud sila kay Dominic Roque.

---

Pabor sa divorce si Carla Abellana at muli niya itong sinabi sa interview sa kanya ni Nelson Canlas para sa 24 Oras. Nagpahayag na rin ng pagpabor sa divorce si Carla nang unang mai-report na naaprubahan sa Second Reading ng House of Representatives ang Absolute Divorce Act at hindi nagbago ang kanyang pananaw tungkol dito kahit marami ang hindi pabor.

Maganda ang argumento ni Carla tungkol dito.

Sey ni Carla, “Pabor ako sa divorce at sa tingin ko, ang daming magbe-benefit. Marriage can be toxic. There are marriages na nag-stay lang ang mag-asawa for their children, pero hindi na healthy. Sana maaprubahan at ma-finalize na.” 

Naibalita pala namin na magge-guest sa It’s Showtime ang cast ng Widows’ War to promote the series. Pero, sa mga nakita naming photos, si Carla lang ang nag-guest at nag-promote.

Samantala, may nakasabit sa bagong bahay ni Carla Abellana na quotation na “This Home Was Built By God, For God. Faith Over Fear, Always. Thank You Lord.”

---

BALITANG sa July 15 na magsisimula ang airing ng Will to Win (WTW), ang comeback show ni Willie Revillame sa TV5. Monday to Friday pa rin ito mapapanood, 5:00 PM, bago ang newscast ng network na Frontline Pilipinas.

Naibalita rin na malalaking papremyo ang ipamimigay ni Willie at ng kanyang show at bukod sa cash prizes, may brand new car pa na mapapanalunan ng masuwerteng contestant. 

Dahil matagal pa ang pilot ng WTW, tiyak na marami pang madaragdag na papremyo sa show.

Bukod kay Willie at sa maraming prizes, inaabangan din ng mga viewers ang magiging female co-hosts niya. Ipinakilala na sila, pero iba pa rin kapag napapanood na sila sa show at araw-araw na makakasama ni Willie Revillame.   

---

INUNAHAN na ni Ruffa Gutierrez ang Bb. Pilipinas sa pag-a-announce that she’ll be hosting the coronation night sa July 7. Nataon na birthday salubong ni Ruffa ang tawag ng Viva Artist Agency para ibalitang host siya ng nasabing pageant.

Singkwenta na si Ruffa sa birthday niya nu’ng June 24, pero wala sa hitsura niya at kahit ibinuking ni Karla Estrada na takot si Ruffa na mag-50 years old, para namang wala sa hitsura nito. Bagay nga ang caption niya sa post niyang “Unbothered.”

May appreciation post naman si Ruffa sa parents niyang sina Eddie Gutierrez at Annabelle Rama. 

Aniya, “Nothing fancy. Just spending quality time with my Mom & Dad on June 24, my actual birthday. Through thick and thin, my parents are always by my side. Thank you for all that you do. Hawak kamay forever and ever. I love you both.”

Hindi natapos ang birthday celebration ni Ruffa sa birthday salubong sa kanya dahil may pinaplano siyang birthday celebration with her friends sa Singapore. Sana naman, kasama si Herbert Bautista sa paglipad nila pa-Singapore. Open na naman sila sa kanilang relasyon at tanggap na si Herbert ng parents at siblings ni Ruffa.