Arci, balik-GMA-7, inulan ng bashers

ni Nitz Miralles @Bida | Mar. 28, 2025

Arci Muñoz - IG

May slight bashing na natatanggap si Arci Muñoz dahil sa balitang gagawa siya ng series sa GMA-7. Ini-announce ito ni Atty. Annette Gozon-Valdes sa premiere night ng Sinagtala The Movie. 

Balik-Kapuso si Arci sa series na ito na announcement pa lang, may nega reaction na ang ibang Kapamilya fans.

Supporting role lang daw ang ibibigay ng GMA sa kanya, kaya ‘wag na siyang bumalik. May nagsabi pang hindi naman siya sumikat noong Kapuso pa siya, kaya bakit pa siya babalik? 

May mga nag-comment naman na walang masama kung gagawa ng project sa GMA si Arci, sigurado naman na babalik din siya sa ABS-CBN kapag may project na ibinigay sa kanya.

Dahil wala pa namang detalye kung ano’ng project ang ibibigay ng GMA kay Arci, mas makabubuti sa kanyang mga fans na panoorin ang Sinagtala The Movie. Mahusay si Arci bilang si Carla. Naipakita nito ang pagiging musikero at muli niyang napanood ang sarili sa big screen.

Surreal daw ang feeling, kaya nagpapasalamat siya kay Director Mike Sandejas for the opportunity. Sa April 2 na ang simula ng showing ng movie in cinemas nationwide.

---

Nai-share ni Ben Chan sa kanyang Instagram (IG) ang TikTok (TT) video ni Dingdong Dantes sa pag-attend nila ni Marian Rivera sa Bench Body of Work Fashion Show.

Pinasalamatan ni Ben ang DongYan sa kanilang pagdalo at may kasunod siyang hirit.

“So cute! Thank you for taking time to be with us. Really appreciate your kind love and support. Next time, it would be great if we can bring you back onstage,” post ni Ben.

Sagot ni Dingdong, “Being beside you in the front row was definitely one for the books, Ninong. Such a memorable experience—just  like when Marian and I walked the same runway years ago. Congratulations once again on another milestone show for the BENCH brand!”

Nasa TikTok ang pagkukuwento ni Dingdong ng experience nila ni Marian as guests sa Bench Fashion Show. Inalala rin ni Dingdong nang rumampa siya for Bench noong 2008 at 2012.

Sabi naman ni Marian, “Ang maganda doon, chill lang kami today kasi manonood lang kami, hindi kami rarampa.”

Nabanggit din ng DongYan na special sa kanila ang Mall of Asia (MOA) dahil ‘yun ang venue ng kanilang wedding reception.

Samantala, marami ang naaliw nang ma-interview si Marian ni Karen Davila sa vlog nito dahil sa mga sagot ng aktres. Lalo pang naaliw ang mga nakapanood ng vlog dahil napasayaw si Karen ni Marian. Nagsayaw ang dalawa at makikitang hindi talaga dancer si Karen.

Nag-sorry si Karen sa dance moves niya. Ang nakakaaliw pa, nag-react ang anak nito ng more practice. Ang importante, nag-enjoy si Karen sa pagsasayaw.

---

Naglatag ng maraming ebidensiya… 

BUBOY, INILABAS ANG BAGONG MAG-INA, EX, PUMUTAK SA SOCMED

BIGLANG na-focus ang atensiyon kay Buboy Villar dahil sa paglabas ng balitang may bago siyang partner at may anak sila. Naglabas tuloy ng reaction ang ex ni Buboy na si Angillyn Gorens, naglatag ng maraming ebidensiya, pati screenshots ng exchange of messages nila at ni Buboy at ng pamilya ni Angillyn.

Si Buboy at ang bago nitong partner ang sinisisi sa kontrobersiya niya ngayon dahil may usapan pala na hindi niya ilalabas ang kanyang mag-ina, pero inilabas pa rin. Kaya ayun, naba-bash ang Kapuso actor.

Okey sana kung makakatulong ang ingay niya sa pelikulang Samahan ng mga Makasalanan (SNMM) kung saan kasama siya sa cast. Pero, kung puro kontrobersiya ang magiging ambag niya, sitahin kaya siya ng GMA Pictures na co-producer ng movie kasama si Chavit Singson?

May mga bashers na nga sa Instagram (IG) ni Buboy, minumura siya at may mga inaakusa sa kanya. Bina-body shame rin siya ng ibang mga netizens na unfair na kay Buboy. Hindi naka-off ang comment box ng kanyang IG, kaya open pa siya for bashings.

Bilang reaksiyon sa mga iniisyu sa kanya, nag-post si Buboy ng quote card mula sa Poet Circle na ang sabi, “Life will never be completely predictable, and that’s the beauty of it. Embrace the changes, trust the timing, and know that every chapter has a purpose.”

Obyus daw na crush ang actor… SANYA, BAD SHOT SA BARDA FANS DAHIL KAY DAVID

ni Nitz Miralles @Bida | Mar. 27, 2025

Sanya at David - IG

Alam kaya ni Sanya Lopez na may ilang BarDa fans nina Barbie Forteza at David Licauco na pinagseselosan siya? 

May mga nagsabing crush niya si David at ramdam daw ito ng mga fans habang ginagawa pa nila ang Pulang Araw (PA). May mga nagalit sa kanya dahil doon.

At mas tumindi pa ang selos ng ilang BarDa fans kay Sanya dahil magkasama sila sa comedy movie na Samahan Ng Mga Makasalanan (SNMM). Pati ang pagdya-jogging nilang magkasama at mga posts na minsan, magkapareho ang photos ay binigyan ng ibang meaning.

Magpo-promote ng SNMM sina Sanya at David at ibig sabihin, madalas silang magkakasama. Magkasama rin sila sa premiere night ng movie bago ang showing nito sa April 19, 2025, so paano na?

Si David nga rin ang inisip ng ilang fans na tinukoy ni Sanya na idine-date niya ngayon. “Businessman” lang ang clue na sinabi ni Sanya at si David agad ang inisip ng mga fans dahil businessman ito. Lalo sigurong nagkagulo kung ang clue ni Sanya ay ‘Chinese’ businessman.

In fairness, may ilang BarDa fans na susuportahan ang movie nina Sanya at David para kumita at para masundan pa ang project ng aktor. Susuportahan din daw nila ang movie ni Barbie kapag showing na kahit hindi si David ang kapareha.

Saka, wala naman daw isyu sina Sanya at Barbie Forteza kahit break na ang aktres sa kuya ni Sanya na si Jak Roberto. Nag-beso pa nga ang dalawa nang magkita sa 75th anniversary party ng GMA-7.

---

Habang naghihintay pa si Bea Alonzo ng susunod niyang series sa GMA-7, magge-guest muna siya sa pang-Holy Week episode ng Magpakailanman (MPK). In fact, nag-taping na siya kasama ang child actor na si Euwenn Mikael. Hindi pa nabanggit kung ano ang role nina Bea at Euwenn na first time magkakatrabaho.

Ibinigay din ng GMA-7 ang request ni Bea na si Zig Dulay ang magdirehe ng Holy Week special ng MPK. Ang biro ni Bea, na-miss niya si Direk Zig na naging director niya sa Widows’ War (WW). Hindi nga lang si Direk Zig ang nagtapos in directing the series dahil nag-focus sa pagdidirek ng Green Bones (GB).

Kaya, babawi sina Bea at Direk Zig ngayong magkatrabaho uli sila sa MPK na hindi lang yata isang araw ang taping. Magkakakuwentuhan ang dalawa habang nasa taping. Puwede nilang pag-usapan ang streaming ng WW sa Netflix sa April na inaabangan kahit ‘yung nakapanood na nang umere ito sa GMA-7.

Kung ibibigay ng GMA ang request ni Bea, si Direk Zig din ang gusto niyang maging director sa susunod niyang series sa Kapuso Network. Yes, Kapuso pa rin siya at fake news ang kumalat na hindi na ire-renew ng network ang kanyang kontrata.

Sa next series nga ng aktres, hindi na lang siya artista dahil makikipag-collab na rin siya sa story siguro at baka mag-suggest din siya ng cast na kanyang makakasama sa susunod niyang series.

---

MAKIKITA at makakausap namin ang child star na si Zion Cruz sa finale media conference ng Ang Himala ni Niño (AHNN) na napapanood sa TV5. Mako-congratulate na rin namin si Zion sa pagkakapanalo niyang Best Child Performer sa 38th Star Awards for TV.

Ang cute ni Niño, pinasalamatan ang lahat ng nakatulong sa kanya at ‘yung mga tumutulong pa.

“Maraming salamat po sa PMPC Star Awards at sa lahat ng bumubuo nito, to all press people, media, sa pagbibigay sa akin ng award na ito. Thank you po sa opportunity na ma-recognize bilang Best Child Performer—sobrang saya ko po at na-appreciate n’yo ang effort ng kagaya kong baguhan,” pasasalamat nito.

Pinasalamatan din nito ang mga kasama niya sa AHNN, TV5 family at acting coaches niya, ang MQuest Ventures at Media Quest at pati ang kanyang mga fans. 

Of course, pinasalamatan din nito ang kanyang family at para sa kanila ang napanalunan niya sa PMPC Star Awards for TV.

May mga nauna nang awards na napanalunan si Zion at pati si K Brosas, nanalong TV Actress of the Year. May mga nomination din si Zion at ang series sa ibang award-giving bodies.

Dahil kay Paulo… KIM AT ALDEN, FRIENDS NA RIN

ni Nitz Miralles @Bida | Mar. 26, 2025

Alden Richards at Kim Chiu - IG

Kinagiliwan ang repartee nina Alden Richards at Kim Chiu nang mag-host sa katatapos na PMPC Star Awards. 

Kampante raw ang dalawa kahit noon lang nagkasamang mag-host, nagbibiruan at para raw matagal nang magkakilala.

Maaaring sa Star Awards lang nakitang first time nag-host sina Alden at Kim nang magkasama, pero, matagal na silang magkaibigan at ‘yun ay dahil kay Paulo Avelino.

Nayaya ni Paulo si Kim na sa gym na pinupuntahan nila ni Alden mag-workout, na ginawa naman nito. Kaya, hindi na lang sina Paulo at Kim ang gym buddies, pati na sina Kim at Alden.

Nagkakasama ring tumakbo sina Paulo at Alden. Nayaya rin ni Alden sina Barbie Forteza at Kristoffer Martin. 

Nang makita ng KimPau fans ang larawan ng apat after their run, umaasa silang makakasama ng mga ito sa pagtakbo si Kim at nangyari nga ang kanilang wish. Last Sunday, sama-samang tumakbo sa Sta. Rosa, Laguna sina Alden, Barbie, Paulo at Kim at pagkatapos tumakbo, nag-breakfast sila sa bahay nina Alden sa Nuvali, Sta. Rosa. Salu-salo sa isang boodle fight ang apat, pati ang gym buddies nila, kaya isa ‘yun sa pinakamasayang breakfast ng grupo.

Looking forward ang mga fans na tatakbo rin sina Paulo at Kim sa Lights, Camera, Run! Takbo Para Sa Pelikulang Pilipino fundraising run organized by the Mowelfund. Isa si Alden sa mga punong-abala sa fundraising event bilang isa siya sa Board of Directors nito. Si Barbie, kinumpirma nang tatakbo at mas sasaya kung makakasama rin ang KimPau.

Patunay pa ng friendship nina Paulo at Alden ang pagpapa-block screening ni Alden ng movie nina Paulo at Kim na My Love Will Make You Disappear (MLWMYD). Hindi pa man nangyayari, nagpapasalamat na ang KimPau fans sa suporta ni Alden sa dalawa at sa kanilang pelikula na simula na ng showing ngayong araw.

---

Kasama sa highlights of the week ni KC Concepcion ang pagde-design niya ng Avec Moi jewelry necklace for her mom Sharon Cuneta. Solid gold, diamonds at pink sapphires ang necklace na ginawa ni KC na siya ring may-ari ng handmade jewelry.

Natuwa ang mga fans nina Sharon at KC na finally, nagawan na rin ni KC ng necklace ang mom niya. 

Sa isang post, nabanggit ni Sharon na nagpagawa nga siya ng necklace at waiting siya dahil marami raw nagpapagawa ng jewelry sa alaherang anak.

Kasama pa sa highlight ni KC ang “Cheering for the Borromeo bros playing La Salle ball.” Kahit walang binanggit na pangalan, alam ng mga fans na isa si Aly Borromeo sa mga tinukoy ni KC. 

Wish ng mga fans na may picture sana ang dalawa at isinama ni KC si Aly sa kanyang post para mas masaya raw.

Na-miss ng mga fans ang ayuda mula kina KC at Aly, kaya pati ang binanggit ni KC na, “Coffee date with @a.borromeo,” inakalang date nila ‘yun ni Aly. 

Pero, ang friend niyang si Annie Borromeo pala ang kanyang tinukoy, kaya nawala ang kilig ng mga fans.

---

Fans, todo-abang na… 

VICE AT ION, MAGBEBENTA NG GAMIT

IKINATUWA ng mga fans ni Vice Ganda at ng mga fans nila ni Ion Perez ang announcement ng Unkabogable Star.

Sabi ni Vice, “May Garage Sale ako on Thursday-Sunday 10am to 6pm sa 33 Sct. Santiago Diliman, QC. Barangay Laging Handa- 1103. 

“Waze pin: Siesta Horchata Cafe. Ion and I will be selling our preloved clothes and shoes. Meron ding mga brand new.”

Alam ng mga fans ang location ng garage sale nina Vice at Ion dahil ang fiancée ni Ryan Bang na si Paola Huyong ang may-ari nito. Nasa isang building lang ito ng Korean resto ni Ryan at madaling puntahan.

Excited ang mga fans nang mabasa ang announcement na ito ni Vice at may nag-worry na sa security. Pinayuhan ang dalawa na makipag-usap sa barangay para ma-assist sila sa security dahil siguradong marami ang pupunta. For sure, aasikasuhin ito nina Vice at Ion.

Ang wish naman ng ibang fans, maging affordable ang pre-loved items na ipapa-garage sale nina Vice at Ion para raw makabili sila. Nakakatuwa nga, may nagtanong kay Vice kung ano ang size ng shoes na ibebenta nila para nga naman mapaghandaan.

Pinaaabangan sa mga fans ang next announcement na tungkol siguro sa prices ng items at kasama na ang mga sizes ng shoes at pati siguro mga t-shirts.