Magandang regalo raw sa b-day niya… MARIAN, NAGKA-FIRST BEST ACTRESS AWARD SA EDAD NA 40

ni Nitz Miralles @Bida  | August 13, 2024

Photo: Marian Rivera

Isa sa mas nagpasaya sa 40th birthday ni Marian Rivera kahapon, August 12, ay ang pagkapanalo niya ng Best Actress sa 2024 Cinemalaya para sa pelikulang Balota. 

Naging emosyonal si Marian sa kanyang acceptance speech at ang sabi, “Napakagandang regalo ‘to sa ‘kin.”

Sa Instagram (IG), may post si Marian sa kanyang pagkapanalo na kung saan, marami ang nagpaabot ng congratulations sa kanya.

Pahayag ni Marian, “Nakuha ko ang aking unang acting award sa edad na forty (40). Isang bagay na akala ko’y ‘di ko na magagawa. Posible pala.

“Pero higit sa award, ang regalong natanggap ko ay muling pagliyab ng aking pagmamahal sa paggawa ng pelikula dahil sa inspirasyong ibinigay sa 'kin ng Cinemalaya community. Isa itong makabuluhang chapter sa buhay ko na hinding-hindi ko malilimutan. At ito ay naging posible dahil sa mga tao na tumulong sa ‘kin.

“Kay Direk Mike Tuviera, aking manager, na sinigurong wala na akong iba pang iisipin para magampanan ko ang role na si Teacher Emmy. Coach, salamat sa walang sawang paggabay.

“Sa GMA, sa pamumuno ni Ms. Cheryl Ching-Sy, salamat sa tiwala at sa pagbukas ng pinto para pasukin ko ang Cinemalaya. Sa mga kasama kong bumuo ng Balota, sa napakahusay na cast, staff, crew, Team ‘Marian’ at creatives-hanga ako sa inyo dahil ramdam ko ang tindi ng pagmamahal ninyo sa paggawa ng mga kuwentong may saysay.

“Sa aking pamilya, higit lalo sa aking kabiyak, salamat sa suporta mong buong-buo, Simula’t sapul ay nar’yan ka para bigyan ako ng lakas.

“Higit sa lahat, kay Direk Kip. Isinilang mo ang karakter ni Teacher Emmy. Ipinagkatiwala mo sa ‘kin, at kasama mo, tayong dalawa ang humubog sa kanyang malakas na boses. Salamat at dahil sa karakter na ‘to, naiparating mo ang mahalagang mensahe ng pelikula sa mga manonood, at ‘yun ay ipinagpapasalamat ko nang may kasamang pagpupuri sa ‘yong talento. Salamat, Lord. Walang hanggang pasasalamat sa 'yo!”

May post si Dingdong Dantes na photos ni Marian sa birthday celebration nito at ang caption lang ay: “Cuarenta.” Waiting ang DongYan (Dingdong at Marian) fans ng mas mahabang birthday greetings from Dingdong to his lovely Best Actress wife.

Still on Marian, comment ng kanyang mga fans, ginawa raw photo album ng Bench ang Guadalupe bridge sa mga billboards ng Bench Active na ine-endorse ng aktres. Nag-e-enjoy ang mga fans na makita ang naglalakihang billboards ni Marian Rivera.

---

Sobrang saya ng KimPau fans dahil matutupad ang wish nila na magsama sa pelikula sina Kim Chiu at Paulo Avelino. 

In fact, sa October 2, 2024 na ang playdate ng movie nilang My Love Will Make You Disappear (MLWMYD).

Produced ng ABS-CBN at Star Cinema ang first movie ng KimPau love team to be directed by Chad Vidanes. Sina Paulo at Kim pa lang ang in-announce sa cast, hintayin natin ang iba pa nilang makakasama.

Excited at kinikilig ang KimPau fans at nagsisimula na silang mag-ipon. Kasama sa kanilang pag-iipunan ang maraming block screenings na kanilang ioorganisa. 

May panawagan na nga ang ibang KimPau fans sa kapwa nila fans. Magsama-sama raw sila para maging successful ang first movie ng KimPau para may follow-up movie agad at para lahat ng genre ay gawin ng dalawa. May mga requests na rin ng international screenings na siguradong mangyayari.

---

Basag sa mga fans nila ni Kim…

XIAN AT GF NA SI IRIS, MAGDYA-JOGGING LANG, MAY KASAMA PANG PHOTOG

Xian Lee / IG

AYAW tigilan sina Xian Lim at Iris Lee na muling nagparamdam nang i-post ng aktor sa kanyang Instagram (IG) ang black and white photo nila ng nobya na nagdya-jogging sa Marikina Sports Oval.

Gaya-gaya raw sila kina Paulo Avelino at Kim Chiu na nag-jogging din sa same place. Sagot ng mga fans ni Xian, bawal daw bang mag-jogging at bawal ba sa Marikina Sports Oval? 

Bakit daw sina Jericho Rosales at Kathryn Bernardo, hindi masabihan ng KimPau fans na gaya-gaya dahil sa Marikina rin nila ito ginawa?

Sagot naman ng KimXi (Kim at Xian) fans, hindi sila sa Marikina nagdya-jogging noong sila pa, kundi sa Remy Field sa Olongapo. Saka, hindi raw ginagaya ang jogging dahil lahat ay puwede itong gawin.

'Kakatuwa dahil pati photo nina Xian Lim at Iris Lee ay isyu. Kailangan daw bang may photographer silang kasama at nakabuntot sa kanila para kunwari, candid ang kuha ng picture? 

Ayun, hindi pa rin tapos ang bardagulan ng mga fans at pati non-fans sa lumabas na picture ng dalawa.

‘Di ginawa kay Janine, Paulo… LJ, NAG-FOLLOW KAY KIM SA IG, BET DAW MAGING STEPMOM NG ANAK

ni Nitz Miralles @Bida  | August 12, 2024

Photo: Kim Chiu, Paulo Avelino at LJ Reyes at Aki - Chad Vidanes / LJ Reyes

Naniniwala ang KimPau (Kim Chiu at Paulo Avelino) fans na may something special na kina Kim Chiu at Paulo Avelino dahil sa pagpa-follow ni LJ Reyes (mom of Paulo’s son, Aki) kay Kim sa Instagram (IG) nito. Ibig sabihin daw, naniniwala si LJ na her son is in good hands kapag naging stepmom niya si Kim.

Naniniwala rin ang KimPau fans na isinama ni Paulo si Kim sa New York nang bisitahin nito si Aki, hindi lang daw nagpakita ang aktres. Wala ring pictures na magkakasama sila nina Paulo at Aki bilang respeto sa mag-ama at sa kanilang bonding time. Baka raw for private na ang photos ni Kim with Paulo at Aki.

Dahil magkasama nga raw sina Paulo at Kim nang bisitahin ng aktor ang anak, ibig sabihin, ipinakilala na ni Paulo si Kim kay Aki. 

Baka raw naikuwento ni Aki sa mom niya ang pagkikita nila ni Kim, kaya nag-follow na si LJ kay Kim.

Ang laki rin ng tuwa at nadoble ang kilig ng KimPau nang i-follow back ni Kim si LJ. Silang dalawa na raw ang magbabalitaan tungkol kay Aki dahil hindi pina-follow nina LJ at Paulo ang isa’t isa.

Nai-share ng mga fans na kay Kim lang ito ginawa ni LJ sa mga na-link kay Paulo dahil hindi niya ito ginawa kay Janine Gutierrez. 

Ang next na inaabangan ng KimPau fans ay kung magla-like at magko-comment sa kani-kanyang post sina LJ Reyes at Kim Chiu. Pangako ng isang KimPau fan, kapag nangyari ito, sasabog ang kanilang mga puso sa tuwa.

---

MAGSASAMA ba uli sa concert sina Sharon Cuneta at Gabby Concepcion? May nag-comment kasi sa comment box ni Sharon na nakabili na siya ng ticket para sa Dear Heart concert sa Thunder Valley Casino for November 15, 2024.

May mga sumunod na nag-comment na nakabili na rin sila ng ticket at may nag-comment pa na marami silang manonood sa concert. May humingi naman ng details tungkol sa concert, gaya ng saan makakabili.

Ang alam namin, sina Sharon at Gabby ang magkasama sa Dear Heart concert, nanood pa nga kami sa MOA Arena. Dapat may repeat ang concert na hindi na natuloy for some reasons. Tapos, heto ang balitang may Dear Heart concert sa Lincoln, California raw.

Nag-post kasi si Sharon ng, “A little birdie told me that I am going to do a concert tour in North America this Fall and I won’t be alone this time. Hmmm... I have a contract, should I sign it already? Comment below!”

Ang comment ng mga fans, pumirma na siya ng kontrata para matuloy ang concert na marami ang naghihintay. Hindi naman siguro magkakaroon ng conflict ang schedule ni Sharon Cuneta dahil may series siyang gagawin sa ABS-CBN. Magsisimula na yata ang taping ng Saving Grace series na magkasama sila ni Julia Montes.

---

ANG ganda ng reels na ipinost ni Jennylyn Mercado, sama-samang nag-malling sina Jazz, Calix at Dylan at ang maganda, sina Calix at Jazz ang may hawak kay Dylan. Short lang ang caption ni Jennylyn sa kanyang post na, “It’s always better together with my loves.”

Ang suwerte nila ni Dennis Trillo na magkasundo sina Calix at Jazz at madalas silang magkasama sa mga lakad. Sa pagdating ni Dylan, tatlo na ang mga anak nina Dennis at Jennylyn na laging magkakasama.

Nabanggit ni Jen sa launching niya as Beautederm endorser na wala silang problema ni Dennis kina Calix at Jazz at mahal ng dalawa ang sister nila. May isa pang reels na nasa swing sina Jazz at Dylan.

Anyway, hinihintay ng mga fans ni Jen kung kailan siya magre-renew ng kontrata sa GMA Network. Nakapirma na si Heart Evangelista, pumirma na rin si Carla Abellana at magre-renew din yata si Marian Rivera, kailan naman daw si Jennylyn Mercado?

Sana, kapag may kontrata na sa Kapuso ang aktres, bigyan agad siya ng project at request ng mga fans, sana ay mala-Rhodora X na series.

As for Dennis Trillo, mapapanood na siya sa Pulang Araw, lalabas na ang karakter niyang ruthless Japanese official na si Yuta Saitoh. 

First kontrabida role ito ng aktor, matagal niyang pinangarap, kaya sigurado tayong hindi niya sasayangin ang chance to portray the main villain in the said historical drama series.

Kapuso actor, mabenta talaga… ALDEN, AFTER KAY KATHRYN, KAY NADINE NAMAN

ni Nitz Miralles @Bida  | July 31, 2024

Photo: Alden Richards at Nadine Lustre / IG

Nakakatuwa ang mga fans nina Heart Evangelista at Pia Wurtzbach dahil isinasali nila sa ini-imagine nilang isyu ng dalawa ang ibang celebrities na wala namang kinalaman sa kani-kanilang idolo.

Gaya na lang ni Nadine Lustre na nakasama ni Heart sa isang event sa Makati. Naalala ng mga fans ni Heart na nagkasama sina Nadine at Pia sa isang event sa ibang bansa, nag-photo shoot ang dalawa at ipinost sa kani-kanyang Instagram (IG), kaya inakala agad ng mga fans ni Heart na maka-Pia si Nadine.

Kaya nang sina Nadine at Heart naman ang nagkasama, may mga nag-comment na hindi like ni Nadine si Heart dahil crush ni James Reid si Heart. At dahil doon, si Pia ang sinusuportahan nito. 

Hindi naisip ng mga nag-comment na matagal nang break sina Nadine at James at hindi na nga yata maalala ni Nadine na crush ng ex niya si Heart.

May nag-comment pa na hindi belong si Nadine na makasama nina Heart at Karen Davila, na inalmahan ng mga supporters ng una. Lumala pa ang isyu dahil pinagkumpara sina Nadine at Heart.

Speaking of Nadine, nabalitang magkakasama sila ni Alden Richards sa isang horror movie to be directed by Zig Dulay. 

Maaalalang nakipag-Zoom meeting si Nadine sa mga bosses ng GMA Pictures at GMA Public Affairs. Ito na yata ang rason ng meeting na ‘yun at ang pelikulang gagawin nila ay for 2025 na raw dahil pareho silang busy this year.

---

Pinuri ng mga netizens si Rhian Ramos dahil hindi lang nag-donate para sa relief goods, tumulong din sa garbage clean-up sa Quezon City kasama ang boyfriend na si Sam Verzosa. 

Nakansela raw ang taping niya (for Sang’gre), kaya sa halip na mag-workout at magbuhat ng weights, mas piniling magbuhat ng basura.

Sa likod ni Rhian, makikita ang gabundok na basura. Sila rin ni Sam ang nagdala ng equipment para maghakot ng basura para nga naman mas madaling mahakot ang mga ito. Nakipag-coordinate sina Rhian at Sam sa local government para walang sabit at walang magsabing umepal lang sila.

Tama ang sinabi ni Rhian na dahil sa Bagyong Carina, naipon ang basura at kailangang magtulung-tulong ang lahat para malinis ang paligid at walang magkasakit.

Aniya, “It was an uplifting experience to see heavy equipment and cleaning professionals also pouring in from other parts of Metro Manila to help clear the streets of district 4, QC.”

Pinasalamatan ni Rhian si Sam, “for being a good boyfriend, a helpful neighbor and an active servant of the country.”  

Tutulong sana ang ilang kaibigan at mga fans ni Rhian sa clean-up, pero hindi sila pinayagang lumapit sa basura. 

Iyon nga lang, tumulong na nga si Rhian, may nasabi pa rin ang ibang tao. Hindi na raw niya dapat in-announce na tumulong siya, bagay na sinagot agad ng mga fans ni Rhian.

Tama raw ang ginawa ni Rhian to announce what she did para ma-inspire ang tao na tumulong din. Para rin makita ng mga nagkakalat ng basura ang masamang epekto ng kanilang ginagawa at nagiging dahilan ng baha tuwing may bagyo.

Speaking of Rhian, pinuri siya sa mahusay na pagganap sa role ni Fina dela Cruz sa Pulang Araw. 

Sa pilot episode lang lumabas ang karakter ng aktres, pero dahil sa husay, tumatak nang husto ang karakter niya bilang ina ng mga batang gumanap sa role nina Barbie Forteza at Alden Richards.

Number one sa Netflix Philippines ang Pulang Araw at nag-trending din ang pilot episode sa GMA-7. Ang daming nagkagusto sa historical drama series na mula sa direction ni Dominic Zapata.

---

Nagkasakit pala si Gerald Anderson pagkatapos lumusong sa baha para tulungan ang mga na-stranded. 

Ipinost nito sa kanyang Instagram (IG) ang dalawang capsule na hawak niya at may caption na: “Last day of meds from the bottom of my heart, thank you everyone for all the love & concern.”

Nakita rin si Gerald sa St. Luke’s Medical Center kasama si Julia Barretto. Ibig sabihin, nagpa-checkup siya bago inumin ang hawak na gamot. Kaya, walang dapat ipag-worry ang mga fans ng aktor na baka wrong medicine ang iniinom nito.

May mga natakot for Gerald dahil baka nagka-leptospirosis na pala siya kahit walang open wound nang lumusong sa baha, at puwede pa ring magkasakit. 

Pero, okey na siya at handa na uling tumulong sa mga nangangailangan.