INC lang daw ang nakakaalam… RURU AT BIANCA, KASAL NA

ni Nitz Miralles @Bida  | August 16, 2024

Photo: Ruru at Bianca - Bianca Umali / IG

Nag-comment lang si Michelle Dee ng, “Can you two just get married na?” bilang reaction sa photo nina Ruru Madrid at Bianca Umali na nasa swimming, napunta na sa kasal ang convo ng mga fans.

May nag-agree kay Michelle na dapat magpakasal na ang dalawa, pero may humirit na kasal na raw sina Ruru at Bianca at ang nagsabi raw ay ang mga taga-lokal ng Luzon. 

Kung totoo ang tsika, sana raw i-confirm ng couple. 

May nag-comment pa ng, “Only INC knows,” at “I think they are married already.”

Of course, saka lang tayo maniwala kapag sina Ruru at Bianca na mismo ang nag-confirm at wala namang masama kung totoong kasal na sila. Siguro naman, hindi makakabawas sa kanilang popularity kung totoong mag-asawa na nga ang dalawa.

Bibigyan pa rin sila ng project ng GMA Network at si Ruru nga, habang hindi pa gagawin ang Book 2 ng Lolong, kasama sa MMFF entry ng GMA Pictures at GMA Public Affairs na Green Bones. 

Si Bianca naman, may Sang’gre at may pelikula sa Pocket Media Films.

Dahil din sa comment na ‘yun ni Michelle, may mga comments na laging sumasamba sa Batasan sina Ruru Madrid at Bianca Umali. Nahihiya lang daw sila na lapitan ang dalawa dahil nga sumasamba at sumasamba rin ang mga nakakakita sa mag-sweetheart.

---

NAKAKALOKA ang mga bashers ni Chloe San Jose, ang controversial girlfriend ni Carlos Yulo, dahil kung anu-ano na ang itinatawag sa kanya. 

Akala namin, tama na ‘yung tinawag siyang ‘Goldilocks’ dahil sa blonde hair niya, pero mas may iba pa palang naisip na itawag sa kanya.

Inisip pa namin kung sino ang tinawag ng netizen na “Hydrogen Peroxide” na sumingit daw sa picture taking nina Carlos at Heart Evangelista. Saka lang namin naintindihan kung sino ang tinawag na ganu’n dahil na rin sa mga sumunod na comments.

Nabuhusan daw ang hair ni Chloe ng hydrogen peroxide.

Hindi pa nakakarating kay Chloe ang latest na tawag sa kanya, tingnan natin kung sasagutin niya. 

Palaban si Chloe at itinatama ang mga maling naisusulat at nasasabi tungkol sa kanya, na dapat lang.

Gaya na lang sa nagtanong kung paano niya na-afford ang business class sa eroplano, sagot nito, “I don’t have to explain every single bit of my income, just know that I CAN

AFFORD IT MYSELF, LOL (Laugh Out Loud).”

May paglilinaw din siya sa comment na Grade 12 lang ang inabot niya sa Melbourne, Australia. 

Sey niya, “Huh, Grade 12 lang tinapos? Sorry, I did a course on being an enrolled nurse and now taking up my bachelor of psychological sciences. Get your facts right.”

Marami rin ang gusto si Chloe nang pumunta siya sa Rizal Coliseum na for sure, kasama ni Carlos. Marami ang nag-chant ng kanyang pangalan. 

Positive rin ang reaction ng mga netizens sa kanya at patunay daw ‘yun na tanggap siya bilang nobya ni Carlos. Acknowledgement din daw ‘yun ng pagkilala sa naitulong niya sa pagiging champion ng kanyang dyowa.

May nagtanong lang kung 'di ba babalik sa Melbourne si Chloe? Dito na raw ba siya sa Pilipinas mag-i-stay? Paano ang pag-aaral niya sa Melbourne? 

Si Chloe San Jose lang ang makakasagot niyan, pero dahil ayaw niyang magpainterbyu, hindi natin malalaman ang kanyang sagot.

Pinangalanang Zandro… JODI, MAY BAGONG AMPON

ni Nitz Miralles @Bida  | August 15, 2024

Photo: Jodi Sta. Maria / IG

Pinasalamatan ng mga animal lovers si Jodi Sta. Maria sa ginawa niyang pag-adopt sa isang puppy habang nasa taping siya ng Lavender Fields (LF). 

Ikinuwento nito sa Instagram (IG) kung paano niya nakita ang puppy na pinangalanan niyang Zandro o Z at nag-post ng photos ng lucky puppy.

Kuwento ni Jodi, “Hello everyone! Meet the newest member of my fur family-Zandro or Z!

“Yesterday at taping I noticed a small movement from afar. Hindi ko masyado pinansin kasi nagba-block si Direk Manny ng scene. So when it was time for us to move to position for our car chase scene, may dalawang puppy was just a little over a month old on top of a concrete barrier sa tulay. They were scared and didn’t know what to do. Obviously, they had been abandoned.

“Without hesitation bumaba ako sa picture vehicle at kinuha ang dalawa. Sinakay sa kotse at isinama sa car scene. O ‘di ba instant artista sila.

“The chocolate brown colored puppy was adopted by Direk Manny which he named Lav. I got this cutie and named him Zandro- kasi si Kuya Albert Martinez ang kasama ko when I found him.

“After pack-up I headed home with the newest member of our family. You are safe now little Z. Mommy will love and protect you.”

Nauna nang nag-adopt ng cat si Jodi na pinangalanan niyang “Naia” na sabi nito, nagbigay sa kanya ng “So much joy, love, and countless purrs into my life.”

Isinelebreyt pa nga nito ang National Kitten Day at may photos ni Naia. 

May paalala rin si Jodi sa mga may fur babies to have them spayed or neutered kung ayaw nilang dumami ang mga ito. May hashtag pa siyang #AdoptDon’tShop na kanyang ginagawa.

Ang daming nag-like sa post ni Jodi about little Z kabilang ang fur moms na sina Heart Evangelista, Carla Abellana, Rita Avila, pati sina Vina Morales, Jean Garcia, Lotlot de Leon, Cherry Pie Picache, Gabbi Garcia, Kathryn Bernardo, Jericho Rosales, Jolina Magdangal, Vina Morales at Gary Valenciano.

---

Naging cause ng online war ng Kapamilya at Kapuso fans ang lumabas na photo ni Jennylyn Mercado na may hawak na bouquet of flowers at may tarpaulin ng ABS-CBN sa kanyang likod. 

Nakadagdag sa tension ng mga fans ang caption ng photo na isang ganap na Kapamilya na si Jen. Pumirma na raw ito ng kontrata sa ABS-CBN kahapon at may press conference na sumunod para formal siyang i-welcome bilang Kapamilya. 

Ang daming nag-react, may mga nagalit sa GMA Network dahil bakit daw hindi nila ini-renew ang kontrata ni Jennylyn.

May mga nangantiyaw naman kay Dennis Trillo dahil nga sa naging isyu sa kanya tungkol sa ABS-CBN. Ano raw ang masasabi ng aktor na lumipat na talaga sa ABS-CBN ang asawa niya?

Mixed reactions naman ang ibang Kapamilya fans, may natuwa sa paglipat daw ni Jennylyn, pero may mga ayaw din. Marami raw Kapamilya stars na dapat i-prioritize ang ABS-CBN at hayaan na nila sa GMA Network ang misis ni Dennis.

Hanggang may nagsabing Photoshopped ang picture ni Jennylyn at inilabas ang original picture nito. Old photo pala ‘yun at sa GMA Network siya pumirma ng kontrata at may tarpaulin ng Kapuso Network sa kanyang likod.

Tsinek namin ang Facebook (FB) ng manager ni Jennylyn na si Becky Aguila, wala itong balita sa diumano’y pagpirma ng aktres sa ABS-CBN. May employee rin ang ABS-CBN na nagsabing fake ang balita, kaya medyo humupa ang sagutan ng dalawang kampo ng fans.

Hanggang hindi nakakapag-renew ng kontrata sa GMA Network si Jennylyn, hindi matatapos ang mga ganitong balita. 

Pero, sinabi naman nito sa launching niya bilang endorser ng Beautederm na Kapuso pa rin siya. Ang tanong, kailan siya pipirma sa GMA Network?

Iingay uli ang isyung ito kapag na-release na ang single ba o EP ni Jennylyn Mercado sa Star Music at dito talaga siya may kontrata.

Hollywood actor ang bida… ALDEN, PROUD NA CO-PRODUCER NG INTERNATIONAL WAR MOVIE

ni Nitz Miralles @Bida  | August 14, 2024

Photo: Alden Richards / Scott Adkins

Ang positive ng announcement ni Alden Richards nang ibinalita niyang co-producer siya sa international war movie na Death March (DM) na pinagbibidahan ng Hollywood actor na si Scott Adkins, pero may humirit agad na basher.

Comment ng basher, sana ay mabago ang paniniwala nating mga Pilipino na hindi enough na may foreign actor sa movie ay pang-international na ang datingan. 

Mabuti at may dumepensa agad kay Alden. Hindi pa nga raw lumalabas ang movie, hinusgahan na at kung anu-ano na ang sinasabi.

Anyway, sa bansa ang shooting ng war movie at ramdam ang tuwa ni Alden sa post niyang, “Thrilled to co-produce a film that brings together talents from the Philippines, US, Europe, Australia and Japan. Can’t wait to unveil this journey with the world.”

Kasama si Gabbi Garcia sa cast ng DM sa direction ni Louis Mandylor. Hintayin natin ang cast reveal para malaman ang iba pang cast ng movie na co-produced ng Myriad Entertainment ni Alden.

In fairness, swak ang movie na DM sa series ng GMA-7 na Pulang Araw na isa si Alden sa mga bida. May death march scene sa series na inaabangan ng mga viewers para makita kung paano ine-execute ni Direk Dominic Zapata.

Still on Alden, nainterbyu sila nina Kathryn Bernardo at Direk Cathy Garcia-Sampana ng CBC News ng Canada to talk about their movie Hello, Love, Again (HLA). Ipinakita pa ng CBC News ang maraming fans na pumunta sa shooting para makita sina Alden at Kathryn at makapagpa-picture sa kanila.

Kahit may nagsabing maling rason ang balita, mas marami naman ang natuwa na ini-report ng CBC News ang shooting at nainterbyu pa ang mga bida. Early promo raw ito sa movie na showing sa November 13.

---

May post si Claudine Barretto na, “To all my Claudinians and my Palanggas, please watch me as I answer all the Questions and updates po sa mga naglalabasan po mamaya (kahapon). I will keep you all posted as to what time ako magla-live stream to give my side of the story. 

“‘Wag po kayong mag-alala sa akin, I  will be addressing the interviews of the people involved po. Stay positive po tayong lahat at sana maunawaan at malinawan kayo sa mga isasagot ko po na isa-isa. I love you all so much and God bless all of you, have a blessed day.”

May mas mahabang post pa si Claudine at sinabing may special guests siya sa kanyang live streaming. Tungkol yata ito sa isa niyang post na about sa mga kaibigan niyang walang loyalty, abusive at may kasama pang photo ng cobra.

Kaya lang, ipinauna na ni Claudine na hindi siya magbabanggit ng pangalan kung sino ang kaibigan niyang ito na nagsamantala sa mga fans niya sa Cebu, at pera na naman ang pinag-ugatan ng gulong ito. 

Kahit walang binabanggit na pangalan si Claudine, parang alam na ng kanyang mga fans kung sino ang kaibigan niyang ito.

Kasama kaya sa pinag-usapan at nilinaw ni Claudine ang isyu nila ni Angelu de Leon at kung bakit hindi na sila friends? 

Sa guesting ni Angelu sa Fast Talk with Boy Abunda (FTBA), wish nitong maging okay na sila ni Claudine Barretto.

---

KAHIT airing pa ang Widows’ War (WW) at tila mahaba pa ang itatakbo, nag-celebrate na ang cast at production and creative team dahil sa success ng murder mystery series. Masaya ang lahat ng involved sa series na inaabangan gabi-gabi at ang mga viewers, laging may kaba sa mga pasabog.

Kabilang sa pinakamasaya ay si Bea Alonzo na gumaganap sa role ni Sam, ginugulat at tinatakot nito ang mga viewers na nakatutok sa mga mangyayari. Pero gusto ng mga viewers ang mga catfight nila ni Carla Abellana who plays George.

Samantala, nabanggit ni Bea sa My Mother, My Story hosted by Boy Abunda na nasaktan siya para sa mom niya na ginawang kontrabida sa breakup nila ni Dominic Roque. Pinalabas na kasalanan ng mom niyang si Mary Anne Ranollo ang hindi pagkatuloy ng wedding nila ni Dominic.

“Ang masakit lang sa ‘kin, siyempre, nadadamay sila, ‘yun ‘yung medyo may thing kasi ako, sanay ako, eh. Hello? Matagal ko nang ginagawa ‘to. 

“Pero kapag ‘yung pamilya na ‘yung nadadamay, tapos, gumagawa pa sila ng mga theories, tapos ginagawang villain ang nanay ko, masakit. Masakit ‘yun,” pahayag ni Bea.

Na-ishare ni Bea na malaki ang pasasalamat niya sa nanay niya na laging nasa tabi niya tuwing may problema siya sa kanyang buhay at career. 

Kuwento ng aktres, isang beses, niyakap siya ng mom niya nang mahigpit at hinayaan siyang ibuhos ang emosyon, kasama na siguro ang pag-iyak, at tumagal ‘yun nang ilang oras.

May sinabi pa si Bea sa interbyu sa kanya ni Boy Abunda na, “I turned out to be a strong woman because of my mom.”