RHIAN, NI-LIP SYNC ANG HIRIT NI VP SARA SA SENADO, NIRESBAKAN

ni Nitz Miralles @Bida  | September 4, 2024

Galit ang mga supporters ni Vice-President Sara Duterte kay Rhian Ramos dahil sa pagsawsaw daw ng aktres sa isyu. 

Nag-post kasi si Rhian ng ini-lip sync niyang sagot ni VP Sara sa hearing sa Senado kung saan nabanggit ang salitang “Shimenet Like,” na ang ibig sabihin ay “She may not like.”

Dinagdagan pa raw ni Rhian ang kanyang kasalanan sa pamamagitan ng paggamit ng hashtag na #ShimenetLike. Para raw pinuna ni Rhian ang accent ni VP Sara, kaya binabakbakan siya ng mga supporters nito. 

Hindi yata aware ang Kapuso actress sa reaksiyon, kaya naka-post pa rin ang reels.

Ang tanong ng mga netizens, galit din ba ang mga supporters ni VP Sara sa mga celebrities na nag-comment at nag-like sa post ni Rhian? Marami silang nag-comment at sa mga comments, naaliw sila sa aktres, magaling daw palang mag-lip sync at may sense of humor ito.

May mga nagsabi kay Rhian na tiyak magiging isyu siya dahil sa kanyang ginawa. Totoo nga, may mga isyu na sa kanya. 

Depensa naman ng mga fans ng aktres, katuwaan lang ang pagpo-post ng reels at sana ay walang personalan.

Samantala, pagkatapos ng mahusay na pagganap bilang si Filipina dela Cruz sa Pulang Araw (PA), sa Sang’gre susunod na mapapanood si Rhian. Maganda rin ang role niya rito bilang kakambal ni Solenn Heussaff.

---

SECURE raw si Chloe San Jose sa jowa niyang si Carlos Yulo na hindi siya ipagpapalit kahit sa celebrity crush nitong si Andrea Brillantes (Blythe). Kaya si Chloe pa ang kumuha ng photos nina Carlos at Andrea na ipinost niya sa Instagram (IG).

Sa unang photo, sina Andrea at Carlos lang ang magkasama at may caption na: “Look at my bb @c_edrielzxs w/ bb girl @blythe.” 

Sa isa pang photo, magkakasama na silang tatlo at may caption na: “Goddess @blythe.”

Kahit may mga comments na bagay sina Carlos at Blythe at sila ang bagong love team, hindi patitinag si Chloe. 

May isa pang nag-comment na dapat kabahan na si Chloe San Jose ngayong nakilala na ni Carlos Yulo ang kanyang celebrity crush.

---

NAG-POST na si Kyline Alcantara ng mga photos na nasa New York City (NY) siya, pero solo picture pa lang niya, wala pang picture with her mom na sabi nito, kasama niya sa NY. 

Well, kasama rin daw ni Kyline at ng kanyang mom na lumipad ang rumored boyfriend nitong si Kobe Paras. Si Kobe raw ang kumuha ng photos ni Kyline, kaya glowing at blooming siya at lumabas ang tunay na ganda dahil walang make-up. 

Hindi nabanggit ni Kyline na makakasama nila sa NY si Kobe. Ang mga fans na ang nag-assume na magkasama ang dalawa. Hindi raw kasi papayag si Kobe na wala siya sa tabi ni Kyline sa birthday nito noong September 3.

Kaya ang mga comments ng mga fans, laging kasama si Kobe. Mag-enjoy daw sila sa kanilang bakasyon, manatiling in love, at kasunod nito ang request na mag-post naman sila ng mga larawan nila para may ayuda ang kanilang mga fans.

Nabanggit ni Kyline na sa Sept. 9, makakabalik na sila mula sa NY, in time para sa premiere ng Shining Inheritance (SI) ng GMA-7 na pinagbibidahan nila ni Kate Valdez. Kasama rito sina Wendell Ramos, Paul Salas, Coney Reyes, atbp..

Ganern, Kim? XIAN, NA-IN LOVE RAW KAY IRIS DAHIL MARUNONG MAG-PIANO

ni Nitz Miralles @Bida  | September 3, 2024

Napansin namin na mas mabait na ang mga netizens sa mga comments nila sa girlfriend ni Xian Lim na si Iris Lee, hindi na sila masyadong naba-bash, unlike noong una.

Sa IG Reels post nga nito na sabay silang nagpa-piano ni Xian, nakita na rin ng mga netizens ang beauty ni Iris.

Maganda raw pala si Iris, brilliant at elegant ang datingan. Nakakatuwa raw silang tingnan ni Xian na nagpa-piano together at nakitang bagay pala sila.

May nag-comment pa na marunong palang mag-piano si Iris at isa raw ito sa mga dahilan kung bakit na-in love si Xian sa kanya. Idagdag pa na pareho silang involved sa filmmaking dahil bukod sa pag-arte, nagdidirek din si Xian at nagsusulat ng script.

Nagkaroon lang ng hate comments kay Iris sa pagpa-piano niya. Hindi raw siya marunong, matigas ang mga daliri, at baka pinag-aralan lang ang piece na tinugtog nila ni Xian for video purposes at pang-post.

Kahit ano pang hate comments kay Iris, basta si Xian, naniniwalang magaling siya. Nag-comment kasi ito ng “Weee, galing naman,” with matching clapping emoji.

In love raw si Xian kay Iris, sabi ng mga netizens, at makikita rin kung paano siya tumingin sa GF.

Samantala, sa isang post ni Xian, nasa Hong Kong sila ni Iris at may mga kasamang kaibigan. Sa isa nga nitong photo, kasama niya si JK Labajo. Kapag bumalik sa trabaho si Xian, magpapagupit na siguro ito. Iniisyu kasi sa kanya ang mahabang buhok.

---

Kaya naging emotional…

ALDEN, MAS NAKILALA RAW SI KATHRYN SA TAPING

NAGHAHANAP na naman ng ayuda ang KathDen fans nina Kathryn Bernardo at Alden Richards dahil mula nang bumalik ang dalawa matapos ang shooting nila ng Hello, Love, Again (HLA) sa Canada, wala na namang balita sa kanila, walang sightings at ‘yun ang nami-miss ng mga fans.

Ang isa sa mga huling larawan ng KathDen na nagpakilig sa mga fans ay magkatabi sila ng upuan sa eroplano. ‘Yun na ang huling silip sa dalawa at ang sumunod ay nagkani-kanya muna sila at hinarap ang kani-kanyang trabaho.

Si Kathryn, sa kanyang mga endorsements, at si Alden, sa shooting ng Pulang Araw (PA) kung saan, balik siya sa pagiging si Eduardo dela Cruz. 

Hindi dini-disappoint ni Alden ang mga viewers ng historical drama series dahil consistent siya sa husay. Ganu’n din ang ibang cast, pagalingan sila.

---

Samantala, si Alden na ang nagkuwento kung bakit umiyak at naging emosyonal siya sa last shooting day nila ng HLA. May photo nila nina Kathryn, Joross Gamboa at Direk Cathy Garcia-Sampana na namumugto ang mga mata ng aktor. Biniro pa siya ni Joross na umiyak daw.

“I felt a little bit sentimental, of course, with the place and ang haba ng time na magkakasama kami du’n. Parang nagulat ako na in an instant, tapos na pala,” sabi ni Alden kay Nelson Canlas.

“Mas naging solid, mas naging close, mas nakilala namin ‘yung isa’t isa. At the same time, you really get to know the person once you get to work with her in a setup na matagal magkasama,” patuloy ni Alden.

Sa November 13, 2024 ang playdate ng HLA at ngayon pa lang, nag-i-schedule na ng block screening ang mga fans. Ayaw magbigay ng spoiler ni Alden sa story ng movie at ang sinabi lang sa mga karakter nila ni Kathryn na sina Joy at Ethan, “This is a more mature take on both characters.”

---

MAY ice cream business na sa Quezon City ang mag-asawang Arthur Solinap at Rochelle Pangilinan na tinawag nilang Wiggies Q Chub. 

Walang mabilhan ng ganitong ice cream sa QC ang isa sa mga rason kung bakit pinasok nina Rochelle at Arthur ang ice cream business.

“Palagi kaming nag-o-order ng ice cream, wala kami palaging mabilhan dito sa QC. Naisipan namin, ‘Bakit kaya hindi tayo magtayo ng hub dito?’ So du’n nag-start,” kuwento ni Arthur kay Nelson Canlas.

Nag-post naman si Rochelle ng photo ng cast ng Pepito Manaloto (PM) kung saan, kasama si Arthur, ay pinasalamatan nila ang suporta ng PM family sa kanilang kabubukas na negosyo.

Ang susunod nito, sa taping ng Pulang Araw (PA) na kabilang naman sa cast si Rochelle Pangilinan, siya magdadala ng ice cream. 

Ang tiyak, magkakaroon ng ibang branches ang Wiggies Q Chub nila dahil ang ice cream, kahit malamig ang panahon at kahit umuulan, may kakain pa rin.

Ayaw tantanan sa EDSA bus lane… GOMA, ‘DI IDINE-DELETE ANG PAMBA-BASH SA KANYA

ni Nitz Miralles @Bida  | September 2, 2024

Wala pang nagre-react, pero totoong may comment si Leyte 4th District Representative Richard “Goma” Gomez sa pagbangga ng Chinese Coast Guard vessel sa Philippine Coast Guard ship na BRP Teresa Magbanua.

Ipinost ni Goma ang reels ng pagbangga ng Chinese Coast Guard sa BRP Teresa Magbanua at comment nito, “Eto ang ungas, walang traffic pero nambabangga. Wala bang bus lane? Hahahahaha!”

Tiyak na may mati-trigger na naman sa post/comment na ito ni Goma, kaya lang, hindi pa tapos ang netizens sa pagko-comment tungkol sa suggestion ni Goma para ma-ease ang traffic sa EDSA.

In fairness, hindi idine-delete ni Goma ang hate comments sa kanya sa Instagram (IG) kahit maraming galit at kung anu-anong masasamang salita ang ibinabato sa kanya. Libreng mababasa ng bibisita sa IG niya ang mga comments na karamihan, hindi pa nahihimasmasan sa galit kay Richard Gomez.

---

Ang busy ni Dennis Trillo. Habang umeere pa ang Pulang Araw (PA), gagawin niya ang MMFF entry ng GMA Pictures at GMA Public Affairs na Green Bones (GB). 

Magsu-shoot na rin yata siya ng international series niyang Severino dahil sa post ni Dennis na magkakasama sila ng ibang cast gaya nina Meryll Soriano at Dolly de Leon.

May photo rin si Dennis kasama si Director Yam Laranas at ibig kayang sabihin nito, si Yam ang magdidirek ng Severino: The First Serial Killer (STFSK)? 

Naalala namin si Direk Yam sa The Road (TR) na isa sa mga scary local films na nagawa niya, kaya naniniwala kaming magiging the best ang international series na tatampukan ni Dennis.

And speaking of Dennis, nagsimula na niyang ipakita ang pagiging masama ng karakter niyang si Lt. Col. Yuta Saitoh nang patayin sa saksak ang karakter ng kapwa Hapones sa PA dahil lang magkaiba sila ng paniniwala tungkol sa giyera.

Simula sa episode this Monday, lalo pang kaiinisan at baka mamura pa si Dennis dahil simula na ang giyera sa historical series ng GMA-7.

Ang husay pa naman niyang maging kontrabida at hindi iisiping first time niyang gawin ito. May natatakot na nga sa kanya tuwing siya ang nasa eksena dahil alam na may masama siyang gagawin.

May mare-rape pa yata si Dennis, kaya lalong magagalit sa kanya ang mga viewers ng series. Marami pa siyang kasamaang gagawin sa series, kaya ihanda ang inyong mga puso.

Samantala, sinagot ni Dennis ang comment ng isang viewer ng series na, “He really needs to work on his Japanese accent though. So does David Licauco, neither of them sound native.”

Sagot ni Dennis, “Thank you, mag-practice pa kami ni Amigo ko,” na ang tinutukoy ay si David. Sa pangakong ito ni Dennis, siguradong kanyang gagawin.

Napansin lang namin, hindi pa rin naka-move on ang ibang mga netizens sa naging isyu ni Dennis sa ABS-CBN. Ang dami pa ring galit sa kanya at kinokontra kapag may nagko-comment na pinupuri ang pagiging mahusay niyang aktor. 

Siguradong ang mga kumukuwestiyon sa husay at pagiging magaling na aktor ng mister ni Jennylyn Mercado ay hindi pa napapanood si Dennis. Kung napanood man, puro kapintasan nito ang kanilang nakikita.

---

MAY chance encounter si Charo Santos-Concio kina Barbie Forteza at David Licauco sa hindi binanggit na lugar. Dahil nasa Thailand ngayon sina Barbie at David, baka sa airport sila nagkitang tatlo.

Ipinost ni Charo sa kanyang Instagram (IG) ang photo nila nina Barbie at may caption na, “A chance encounter.” 

Ipinost ni Barbie sa IG ang same picture at may caption na “Super nice to see you po, Ma’am. Have a safe trip po.”

Sa caption ni Barbie, mukhang sa airport sila nagkita-kita at maganda ang feedback ng mga netizens dito. Ang cute pa nga ng photo nila dahil naka-abresiyete pa si Charo sa braso ni David.

Nasa Thailand pala sina Barbie at David for a TVC shoot, at sa ilang araw, malalaman natin kung ano’ng produkto ang kinunan ng TVC sa Thailand.

---

NAGPASALAMAT si AJ Raval sa positive comment ng isang netizen sa kanya dahil minsan lang may positive comment sa mga posts niya. 

Sabi ng netizen, by watching AJ sa interbyu sa kanya ni Julius Babao, ramdam niyang mabuting tao si AJ at may mabuting puso.

Hindi man sumagot sa salita si AJ, emoji ng pasasalamat ang ibinalik niya sa nag-comment sa kanya ng papuri at hindi bashing. Pero, may mga galit pa rin kay AJ dahil siya ang love ngayon ni Aljur Abrenica. Mas marunong pa ang mga ito kaysa kina AJ, Aljur, at Kylie Padilla, ang ex ni Aljur na nakapag-move on na.