Hirit ng fans, magsama sa movie… KATHRYN AT NADINE, NAG-FOLLOW NA SA ISA'T ISA SA IG

ni Nitz Miralles @Bida  | September 7, 2024

Makikitang nag-follow sa isa’t isa sa Instagram (IG) sina Kathryn Bernardo at Nadine Lustre matapos lumabas sa social media ang photo nilang dalawa na magkasama. Kuha ang larawan nila nang magkita sa birthday party ni Dr. Aivee Teo, owner ng The Aivee Clinic na pareho nilang pinupuntahan.

May photo pang nag-cheers ng wine sina Kathryn at Nadine kasama ang ibang Aivee babies na sina Heart Evangelista, Sofia Andres, Kylie Verzosa at Maricel Soriano. 

Hindi naman magkaaway ang dalawa at siguro naman, nagkikita sila sa mga showbiz events. Hindi lang sila nagkakatsikahan at walang pagkakataon na maging magkaibigan, kaya ngayon lang nila na-follow ang isa’t isa sa Instagram (IG).

Dahil friends at follower na sa IG ang isa’t isa, matitigil na rin ang awayan ng kani-kanyang mga fans nila. Isyu lagi sa dalawang kampo kung sino ang mas sikat at sino ang mas mahusay na aktres sa dalawa. May nabasa pa kami na pati acting trophies na napanalunan nina Kathryn at Nadine ay binibilang.

Masaya ang mga fans nina Nadine at Kathryn na hindi kasama sa mga nag-aaway-away. Sila itong nagre-request na sana ay magsama sila sa pelikula o kahit sa TV series. 

Ang request pa ng mga fans, drama ang gawin ng dalawa, ‘yung parehong gray ang character nila at paiiyakin sila.

Samantala, nakapag-photo shoot na sina Kathryn at Alden Richards para sa publicity at promo ng kanilang movie na Hello, Love, Again (HLA) na marami nang nagsasabing magiging box-office hit gaya ng una nilang pelikula na Hello, Love, Goodbye (HLG).

---

SOLD-OUT na ang tiket para sa September 13, 2024 Videoke Hits: OPM Edition concert ni Ice Seguerra, kaya nagdagdag ng panibagong concert date ang Fire and Ice Live, ang producer ng concert.

Sa ipinadalang press release, nakasaad ang, “Para sa mga hindi nakabili ng ticket, may pagkakataon na para makisaya dahil nagdagdag pa ng isang show sa Nobyembre 8, 2024 sa Music Museum.” 

Kailangan lang agahan ang pagbili ng tiket dahil siguradong maso-sold-out na naman at mauubusan kayo.

Sa third edition ng hit concert ni Ice, puno pa rin ng iconic OPM hits ang concert. Kakaibang experience ito dahil pagsasamahin ang saya ng karaoke at ang energy ng isang live performance na siguradong magugustuhan ng audience.

Nagpasalamat si Ice sa malaking suporta sa kanyang concert, “Hi, guys! Ngayon pa lang, gusto ko pong magpasalamat sa napakagandang birthday gift ninyo sa ‘kin. Pramis, gagalingan ko talaga para sa inyong lahat. At dahil ang dami pang gustong maki-jam, nagdagdag kami ng bagong date para sa isa pang VIDEOKE HITS OPM EDITION.”

---

Pamilya at GF, tuloy ang word war…

CARLOS, AYAW MA-BASH, NI-LIMIT ANG PUWEDENG MAG-COMMENT SA FB

AYAW na sigurong makabasa ng negative comments o pamba-bash sa kanya kaya limitado na ang puwedeng mag-comment sa bagong post ni Carlos Yulo sa Facebook (FB).

Ang positive nga naman ng post ni Carlos at good news ang kanyang ibinalita, may kasama pang videos and photos, tapos iba-bash lang siya. Kaya mas maganda kung limitado na lang ang makakapag-comment.

Ibinalita ni Carlos na bumalik siya sa Paris (kasama ang girlfriend na si Chloe San Jose).

Caption ni Carlos sa post, “Returning to Paris feels surreal—what a journey it’s been. But this time, it’s more than just about me.”

Ini-skip namin ang kasunod na binanggit ni Carlos dahil promo sa isa niyang car company.

Dagdag pa niya, “Now, as I return to Paris, I’m excited to see how everything we’ve worked on comes to life. This isn’t just a return; it’s a celebration of how far we’ve come and the possibilities that lie ahead. Let’s keep pushing the limits and creating new memories together.”

Tamang-tama ang ginawa ni Carlos na limitahan ang puwedeng mag-comment sa kanyang post dahil may isyu na naman ngayon between his dad and his girlfriend. 

Kailan nga kaya matatapos ang isyu at online war ng pamilya Yulo?

Hipag daw ang kabit… JASMINE, NAGSALITA NA SA PAGIGING THIRD PARTY SA HIWALAYANG ANNE-ERWAN

ni Nitz Miralles @Bida  | September 6, 2024

Ang sagot ni Jasmine Curtis-Smith ay “super fake” sa comment ng isang fan na sana, fake ang hiwalayan nina Anne Curtis at Erwan Heussaff.

Kasama si Jasmine sa isyu dahil sa fake news na siya ang dahilan ng paghihiwalay ng kapatid niya at ni Erwan.

Sa nag-comment pa na never magiging kabit si Cristy (name ng karakter ni Jasmine sa Asawa ng Asawa Ko), ang sagot nito, “Mygasssshhh, what for? Ayaw nating tularan si Shaira.”

Ang Shaira naman na tinutukoy ni Jasmine ay ang karakter ni Liezel Lopez sa Asawa ng Asawa Ko (ANAK) na laging nakakalaban ni Cristy dahil kay Jordan (Rayver Cruz) sa nasabi pa ring hit series ng GMA-7.

Nakakatuwa si Jasmine dahil sa halip na mapikon sa fake news na siya diumano ang rason ng break-up ng marriage nina Anne at Erwan, sumagot siya sa karakter ni Cristy sa tinatampukang series. 

Sa nabanggit na mang-aagaw siya ng asawa, ang sagot ni Jasmine, “Girl, gulung-gulo na me kay Shaira, Jordan at Leon. Dadagdagan pa talaga ‘to. Don’t me, please. Busy ako. Hahaha!”

Marami ang nagmamahal kay Jasmine, kaya nagpasalamat sila na hindi totoo ang tsika sa kanila ni Erwan. Hindi yata aware ang pasimuno sa fake news na matagal nang live-in sina Jasmine at boyfriend nitong si Jeff Ortega. 

Inamin ni Jasmine Curtis-Smith na matagal na ang pset-up nila ni Jeff bago pa ang fake news sa kanila ni Erwan Heussaff. 

Obviously, hindi ito alam ng nagpakalat ng fake news.

---

ANG comment ni Dingdong Dantes ay “Rakenroll! Marian Rivera,” sa announcement ng GMA Pictures na magkakaroon ng nationwide showing ang Balota, ang Cinemalaya film na pinagbidahan ng wifey niyang si Marian.

Ini-announce kasi na, “Due to insistent public demand, Balota is opening in cinemas nationwide on October 16! Witness the Cinemalaya 2024 box office hit starring Best Actress award Marian Rivera in a new cut.”

Marami ang nag-request na ipalabas ang nasabing pelikula sa mas marami at mas malalapit na cinemas, at heto na nga. Mapapanood na at masasagot na ang mga tanong kung bakit nanalong Best Actress sa Cinemalaya 2024 si Marian.

May mga teachers na nag-react sa balitang ito, kasama raw sila sa manonood ng Balota at nagpasalamat sa pelikula at kay Marian. Mapapanood na raw ang mga paghihirap at pinagdaraanan nilang risks tuwing eleksiyon. Right timing din daw ang showing nito dahil sa gaganaping midterm election next year.

Samantala, winelkam nina Dingdong Dantes at Marian Rivera ang September sa isang dance patikim sa reels. May mga bumati na sa mag-asawa ng Merry Christmas, patunay na malapit na ang Pasko at isama na rin ang Bagong Taon.

---

NAGKAPIRMAHAN ng kontrata ang Columbia Pictures at GMA Pictures para sa distribution rights ng 2024 MMFF entry ng GMA Pictures na Green Bones (GB). Present sa contract signing ang mga bida ng nasabing pelikula na sina Dennis Trillo at Ruru Madrid.

Kasisimula pa lang ng shooting ng GB sa direksiyon ni Zig Dulay, heto at may magandang balita agad na idi-distribute ito ng Columbia Pictures. Ibig sabihin nito, may English subtitle ang movie kung ganyang idi-distribute pati yata sa ibang bansa.

Pang-second international project ito ni Dennis ‘pag nagkataon dahil ‘yung Severino na kanya ring pagbibidahan ay international series daw. So, hindi lang sa Pilipinas ang airing, pati sa ibang bansa.

And speaking of Dennis, napuri na naman ang husay niya sa pagganap bilang ruthless na si Col. Yuta Saitoh sa Pulang Araw (PA). Ang husay niya sa role ng malupit na opisyal ng Japanese army at pati pagde-deliver ng kanyang Japanese lines. Bongga, ‘di ba?

---

Habang nasa New York sila ni Kiko…

SHARON, GUSTONG BUMILI NG MGA BUILDINGS

NAG-E-ENJOY sa New York (NY) sina Sharon Cuneta at Kiko Pangilinan, lalo’t kasama ang mga anak na sina Frankie at Miel Pangilinan. Sey ni Sharon sa isang post, “Missing home, but just SOOO HAPPY being with Kiko and our kids!!!”

Binati rin ni Sharon si Miel sa birthday nito noong September 2. 

“My bunso baby girl turned 20! Happy Birthday, my Yellie!!! I love you so much and am so proud of the woman you’ve become!”

Sa isang video at photos, makikita sina Sharon at Kiko na nakatalikod, naglalakad na magka-holding hands at magkayakap. Ayon kay Sharon, paborito ng mga anak nila ni Kiko na kunan sila ng stolen shots.

“This is me and Kiko when I’m happy-wanting to buy buildings but without the money to be able to!!!” ang caption sa post ni Sharon Cuneta.

Ganu’n, Kyline? HIRIT NG FANS: PRINSESA BEAUTY ANG BAGAY KAY MAVY

ni Nitz Miralles @Bida  | September 5, 2024

Ang laki ng ipinayat ni Mavy Legaspi at comment ni Chariz Solomon, “Ang payat moooo but beautiful!” 

Ang sagot ni Mavy, “It’s been a journey... 40lbs down.” 

Kaya swak ang caption niya sa post niya na, “Been doing just fine.”

Sa mga unang posts ni Mavy, makikita siyang nagwo-workout na hindi raw fun at may nabanggit pang hirap na hirap siya sa pagpapapayat. 

Worth it ang pagwo-workout ng aktor at siguradong may kasamang diet. Kita n’yo naman sa photo niya, ang nipis na ng kanyang katawan.

Masaya ang kaibigan ni Mavy sa bagong body built niya, mas gumuwapo raw siya, good looking inside and out, pang-prinsipe raw ang kaguwapuhan niya, kaya bagay sa kanya ang mala-prinsesa sa ganda na girlfriend.

Hindi lang talaga maiwasan sa mga fans ang mag-shade kay Kyline Alcantara at pati na rin kay Kobe Paras. 

Sa mga comments na flat-chested daw si Kyline nagsimula ang bardagulan ng mga fans ni Mavy at mga fans ni Kyline. May sumagot kasing fan ni Kyline na ang babaw ng basehan ng pagmamahal at relasyon kung dahil lang sa malaki ang boobs.

Anyway, tama ang ibang mga fans na mag-move on na ang mga fans ni Mavy at fans ni Kyline; tutal pareho nang nakapag-move on ang mag-ex. Si Kyline Alcantara may Kobe Paras na at si Mavy, pumayat na nang bongga. 

Para masaya ang buhay, bawal ang shading.

---

Idinaan nina Drew Arellano at Iya Villania sa pagsasayaw sa musika ng Mambo No. 5 ang pag-aanunsiyo na nagdadalantao ang TV host sa kanilang ika-limang anak. 

Ang ganda ng ideya ng mga Arellano na i-announce na buntis muli si Iya.

Sa simula, si Drew lang ang nagsasayaw. Sa sumunod na eksena, magkakasama na sila bilang pamilya habang karga ni Iya ang bunso. Si Drew ang may hawak ng dalawa nilang boys, at nasa harap nila ang kanilang unica hija.

Ang sumunod na eksena, ipinakita ang Arellano kids mula sa panganay, sa second boy, sa kanilang babae, at sa bunso. Ang huling eksena ay ang ultrasound result ni Iya.

Maraming nag-congratulate kina Iya at Drew, gaya ng may basketball team na sila. May nagsabing hindi siya nasorpresa at ramdam na lahat ay masaya na madaragdagan na naman ang Arellano kids.

May nag-comment na ginalingan nina Iya at Drew sa baby-making department at ang sagot ni Iya, “Final clearance na ‘to before shop closes.” 

May mga naniniwala pang madaragdagan pa ang Arellano kids, kaya abangan na lang!

Dahil buntis na naman si Iya, mapapanood uli natin ang magaling niyang pagtatago ng baby bump habang nagre-report sa Chika Minute ng 24-Oras. Ilang linggo ring hindi siya mapapanood kapag malapit nang manganak.

---

BONGGA si Angelica Yulo, ang mom ni Carlos Yulo, dahil hindi na lang pagbebenta ng garlic longganisa ang pinagkakaabalahan, nag-live selling na rin siya. 

Patok sa mga netizens ang mga ibinenta niyang beauty products at mga damit. Tinulungan siya sa bago niyang negosyo ng anak na si Eldrew.

Suportado ng mga netizens ang live selling ni Angelica at ipino-promote pa siya.

Suportahan daw ang mga nagsisimula at small business na gaya sa live selling. ‘Katuwa lang dahil may mga comments na si Eldrew lang ang binati at hindi si Carlos at pinayuhang galingan ang training.

Napagod yata si Angelica dahil nag-post ng, “All invoices sent. Tomorrow na po kami mag-verify ng payments and shipping fee (SF), thank you so much. Rest po muna kami.”