PIA AT HEART, KAHIT MAGKASAMA SA EVENT, DEDMAHAN PA RIN

ni Nitz Miralles @Bida  | September 10, 2024

Um-attend si Pia Wurtzbach sa New York Fashion Week (NYFW), at as expected, hindi maiwasang mabanggit si Heart Evangelista. 

Nabuksan na naman kasi ang isyu na kaya lang nakakadalo sa mga fashion week si Pia dahil sa glam team niya ngayon na dating glam team ni Heart. Kung hindi raw sa glam team, hindi makakadalo si Pia dahil wala siyang contact.

Inalmahan ito ng mga fans ni Pia dahil international scene raw ang usapan at hindi ganu’n ka-powerful ang glam team ni Pia para sabihin sa organizer ng mga fashion week na imbitahan ito. 

Tila hindi na nga matatapos ang bardagulan ng kampo nina Heart at Pia, at mag-iisip ka tuloy kung ano ang puwedeng gawin para matigil na ang online war ng kanilang mga supporters.

Sa September 17-23, gaganapin ang Milan Fashion Week (MFW) at siguradong dadalo si Heart at malamang, dumalo rin si Pia. Susunod dito ang Paris Fashion Week (PFW) sa Sept. 23-October 1 na malamang daluhan din ng dalawa. 

Pero, kahit ilang fashion week ang kanilang puntahan, wala talagang chance na magkita, magbatian, mag-usap, at magpakuha ng photo na magkasama sina Heart at Pia.

There was one fashion show na pareho silang um-attend at muntik pang magkatabi, kaya lang, hindi pa rin sila nagkaroon ng chance na makapag-usap. 

Comment naman ng mga netizens, sino ba dapat ang unang bumati to break the ice para magbatian man lang ang dalawa kapag nagkita?

---

MAY pa-dinner si Bea Alonzo para sa mga kasama niya sa Widows’ War (WW) at imbitado yata ang lahat sa dami ng tao sa party. 

Parang sa bahay nina Bea ginawa ang party dahil sa Instagram (IG) Stories niya nakasulat ang: “Ready for the Widows’ War Thanksgiving Dinner.” 

Naka-tag din ang team na nag-setup ng dinner na pinangunahan nina Charisse Tinio at Gideon Hermosa.

Sa lumabas na reels, nag-enjoy lahat sa party, sagana sa food at may kantahan pa. Hindi videoke ang jamming ng cast, may live band na kinuha, kaya mas enjoy kumanta ang lahat. 

Mapapanood sa reels na nag-duet pa sina Bea at Carla Abellana. Nag-comment tuloy ang mga viewers na, “Friends na uli sina Sam (Bea) at George (Carla).”

Maganda ang ratings ng WW. Positive ang feedback ng mga viewers dahil gabi-gabi ay may pasabog sa serye. Napupuri ang acting ng buong cast dahil pati supporting at talent, lumalaban sa aktingan.

Nakatakdang mag-renew ng kontrata niya sa GMA Network si Bea at ang request ng kanyang mga fans, mga mala-WW project ang ibigay sa kanya ng network para lumabas ang pagiging best actress niya.

Hipag, itinurong kabit niya… ERWAN, NAGSALITA NA SA HIWALAYAN DAW NILA NI ANNE DAHIL NADAMAY NA SI JASMINE

ni Nitz Miralles @Bida  | September 9, 2024

Tama ang mga netizens, nadadamay sa fake news ng hiwalayan nina Anne Curtis at Erwan Heussaff ang mga taong close sa kanila, kabilang na ang kapatid ni Anne na si Jasmine Curtis-Smith na itinurong sanhi raw ng hiwalayan ng mag-asawa.

Napa-comment na rin ang boyfriend ni Jasmine na si Jeff Ortega sa post ni Erwan na ipinaliwanag kung bakit hindi sila mahilig mag-post ni Anne ng tungkol sa kanilang dalawa. 

Comment ni Jeff, “So not you to even do this.”  

May mga nag-agree kay Jeff, pero mas marami ang naniwalang tama lang na mag-react/comment si Erwan.

Ang ganda ng sinabi ng isang netizen na, “He has to. If you ever need to protect someone or something, you’d do the same.” 

Ito rin ang paniwala ng isa pang netizen, kailangang magsalita ni Erwan dahil may mga nadadamay na mahal at kapamilya nila. Bilang head of their family, natural lang na siya ang mag-address sa nonsense issue na ito. 

Kudos, Erwan Heussaff!

---

IN capital letters ang caption ni Carla Abellana na, “I AM ENRAGED” sa video ng katayan ng mga aso sa La Trinidad, Benguet. 

Sinundan pa ng comment nito na, “Bakit napaka-barbaric ninyo d’yan?”

Pati followers ni Carla sa Instagram (IG) ay nagalit din sa walang pakundangan na katayan ng mga aso sa nasabing lugar. 

Mabuti at nakunan ng video at ipinalabas sa news ng GMA Network. Sana ay magawan ng paraan para matigil na. Nagkakaisa ang mga netizens na dapat mahuli at maparusahan ang mga nagkatay ng mga aso sa La Trinidad dahil baka ulitin pa nila ito.

Animal lover si Carla. May mga fur babies siya na mahal na mahal niya at tumutulong siya sa kampanya ng Philippine Animal Welfare Society (PAWS) upang matigil ang pagkatay sa mga aso. 

Tumutulong din siya sa feeding programs ng stray animals, pati sa kanilang hospital and medicine needs, kaya’t natural na magalit ang aktres sa mga ganitong gawain.

Samantala, mula nang makalabas ng hospital, tuluy-tuloy na naman ang taping ni Carla para sa Widows’ War (WW) at alam mong galing siya sa sakit. May mga eksena kasing medyo malat pa ang boses niya, pero pagdating sa acting, all-out siya. 

Natuwa ang mga viewers ng nasabing series sa eksena nila ni Jean Garcia na napanood noong Biyernes. Hindi nagpatalo si Carla kay Jean, swak na swak ang sagot niyang, “Di ‘wag mong tingnan,” sa sinabi ni Aurora (Jean) na ayaw niyang makita si George (Carla).

---

Iba ang kasama, 'di si Kobe…

KYLINE, RUMAMPA SA NEW YORK FASHION WEEK 

MAY resibo si Kyline Alcantara sa pagrampa niya sa New York Fashion Week (NYFW) noong September 7. Ipinost ng Sparkle GMA Artist Center ang reels ng pagrampa ng Kapuso actress. Kaya sa mga magsasabing fake news ang pagrampa ng aktres, may video kayong mapapanood.

Sa Instagram (IG) Stories pa lang ni Kyline ipinost ang reels, kaya wala pang masyadong reaksiyon ang kanyang mga fans. 

Mapapanood sa video na cool at mukha namang hindi kinabahan ang aktres sa first time niyang pagrampa sa international runway at mataas pa ang sapatos na suot.

May isa pang bahagi ng reels na magkasama sila ni Michelle Dee na rumampa rin sa runway at inirampa nila ang creation ng fashion designer na si Chris Nick. 

Samantala, nakabalik na si Kyline mula sa New York dahil nabanggit na nandito siya sa premiere ng Shining Inheritance (SI) ngayong araw (September 9). 

Siguradong maiinterbyu siya at matatanong tungkol sa kanyang experience sa pagrampa sa NYFW.

Well, hinahanap pala ng mga fans ni Kyline si Kobe Paras na kasama niya sa New York. Bakit daw wala ito sa fashion show? Sa dami ng nanood, mahirap makita kung present ba si Kobe upang suportahan si Kyline. Puwede ring baka nag-pass muna si Kobe sa panonood at baka hindi interesado sa fashion show.

---

INILABAS ni Heart Evangelista ang kanyang pagiging singer nang kumanta siya sa birthday party ng stepchildren niya, ang kambal na anak ng asawang si Senate President Chiz Escudero. Tuwang-tuwa ang mga fans ni Heart na mapanood siyang muling kumakanta at todo-emote pa nga ito.

Pinuri si Heart dahil parang tunay na mga anak daw ang turing niya sa kambal na sina Chesi at Quino na sa kanya na lumaki. Kaya naman kahit wala pa silang anak ni Chiz, very motherly na si Heart sa dalawang bagets. 

Present siya sa dance recital ni Chesi at very proud siya sa husay sumayaw ng dalaga nila ni Chiz.

Good vibes ang mga comments sa post ni Heart sa birthday party ng kambal. Nakakapanibago na walang nag-aaway na mga fans nina Heart at Pia Wurtzbach. Wish ng ibang neutral fans, sana laging ganito ang IG nina Heart at Pia.

Obyus daw na may relasyon na, Bea… KATHRYN AT DOMINIC, TWINNING ANG SUOT SA PARTY

ni Nitz Miralles @Bida  | September 8, 2024

Wala kaming mahanap na photo nina Kathryn Bernardo at Dominic Roque na silang dalawa lang ang magkasama sa birthday party ni Dr. Aivee Teo. Ang nahanap naming larawan ng magkaibigan ay kasama ang birthday celebrator.

Well, twinning kasi ang suot na white polo ng dalawa sa party at ginawa na namang isyu ng mga bashers ni Kathryn.

Dahil magkapareho ang suot nilang white polo, ibig daw sabihin, more than friends ang relasyon nina Kathryn at Dominic. Paulit-ulit ang isyung ito at kahit anong paliwanag ang gawin ng magkaibigan, hindi pinaniniwalaan ng ayaw maniwala.

Pero, bakit nga kaya nagkapareha ng suot sa birthday party sina Kathryn at Dominic? Nag-usap ba sila na dapat pareho ang kanilang suot o nagkataon lang? 

Kung nagkataon lang, nagkagulatan tiyak ang dalawa nang magkita sa party na pareho ang kanilang suot.

Samantala, cover ng September issue ng Preview Lifestyle magazine ang leading lady ni Alden Richards sa pelikulang Hello, Love, Again (HLA) at ginulat nito ang kanyang mga fans sa kanyang mga suot. 

Ang ganda ng mga suot ni Kathryn Bernardo para sa magasin, lalo na ‘yung gown na naka-expose ang kanyang tagiliran.

Natutuwa ang mga fans niya sa pagiging daring na niya sa photo shoot. May isa pa siyang sinabi patungkol siguro sa kanyang photo shoot.

Sey ni Kathryn, “I feel like I’m in control of my own life now—my body, my choices.”  

Nag-agree ang kanyang mga fans sa tinuran niyang ito and about time na raw na ipakita niya ang other side at ang bagong image niya.

---

Kahit nagkatikiman sila ng aktor…

FANS KAY SANYA: PARA KAY KATHRYN LANG SI ALDEN

IPINA-BLESS ni Sanya Lopez ang bago niyang car at kita sa mukha ng aktres ang kasiyahan. 

Sey nito, “Guided by faith, ready for the road,” at makikita siya na idina-drive ang sasakyan.

Sa Our Lady of the Rosary sa Manaoag, Pangasinan daw nagpa-bless ng car si Sanya, ayon sa comment ng mga fans ng aktres. 

Ang fans din ang nagsabing sports car ang bagong sasakyan ng Pulang Araw (PA) actress, hindi kasi binanggit ni Sanya at hindi masyadong kita sa ipinost niyang video. 

Ang nasilip lang namin, parang top-down car ito at dream car siguro ng aktres.

Well, pinuri ang pagiging masipag at masinop ni Sanya dahil nauna rito, nakabili na rin siya ng sariling bahay, and for sure, may iba ring sasakyan. Dagdag na sasakyan lang itong bago niyang bili.

Anyway, inaabangan na ng mga fans nina Sanya at Alden Richards ang love scene nila sa PA. May mga magre-react tiyak sa eksena, lalo na ‘yung parang ayaw kay Sanya para kay Alden, kahit tambalan lang sa TV series.

Nakakatawa nga ang ibang mga fans, sana raw ay magka-boyfriend na si Sanya para hindi na siya nali-link kay Alden na sa ngayon, para lang daw kay Kathryn Bernardo. 

Ilang beses na ring nilinaw at itinanggi ng dalawa ang panliligaw diumano ni Alden kay Sanya, pero ayaw pa ring paniwalaan ng iba.

---

Palaban sa netizen…

CHLOE, NAGHAMONG PATUNAYAN NA MAY ANAK NA SIYA

ANG petty ng ibang netizens, lahat na lang, pinapansin sa Yulo family, lalo na ang mga kilos at sinasabi ni Carlos Yulo at GF nitong si Chloe San Jose. 

Pati nga sapatos na suot ni Chloe sa photo na magkasama sila ni Caloy, pinuna at inaway siya dahil doon.

Sabi ng netizen, alam naman daw ni Chloe na mas matangkad siya kay Caloy, bakit high-heeled shoes pa ang suot niya?

Nakaupo si Chloe sa picture at si Caloy ang nakatayo, kaya hindi mahahalata ang height difference nila.

Palaban si Chloe sa mga ibinabatong tsismis sa kanya at lagi siyang may sagot. Gaya nitong sabi ng isang netizen na may anak na siya, sagot ni Chloe, “Bigyan kita ng award ‘pag nahanap mo ‘yung anak ko na sinasabi mo.”

---

NAIINTRIGA ang mga fans ni Lovi Poe sa photos niya na nasa WildCard Boxing Club at nagba-boxing. May project daw ba ang aktres na boxer ang role niya, kaya siya nasa boxing club ni Freddie Roach?

Nauna nang nag-post si Lovi ng photo na kasama niya si Freddie Roach na kung naaalala ninyo, tumutulong kapag may laban si Manny Pacquiao. Sa boxing club din ni Mr. Roach nagte-training si Manny kapag nasa Los Angeles.

Wala pang binabanggit si Lovi kung para saan ang boxing training niya, nag-comment lang si Ronnie Lazaro ng, “Looking forward to our project. Yes, let’s shape up!” 

So, paghahanda nga sa upcoming project ni Lovi Poe ang boxing training na ginagawa niya.