May ganern, Dominic?! KATHRYN, IUUWI NI ALDEN SA BAHAY PARA IPAKILALA SA PAMILYA

ni Nitz Miralles @Bida  | September 18, 2024

Binibiro si Alden Richards na iuuwi niya sa kanilang bahay si Kathryn Bernardo para ipakilala sa kanyang pamilya na nakatira sa Sta. Rosa, Laguna.

Ang first mall show kasi nila para sa kanilang movie na Hello, Love, Again (HLA) ay sa hometown ni Alden sa October 5, na gaganapin sa Ayala Malls Solenad Activity Park sa Nuvali. Ilang metro lang ang layo nito sa bahay nina Alden, kaya puwedeng-puwede silang mag-segue para maipakilala ng aktor sa kanyang pamilya si Kathryn.

Very supportive kasi sa HLA ang pamilya ni Alden. Katunayan, tumutulong ang sister ng aktor sa promotion ng movie. 

Saka, ilang beses nang na-meet ni Alden ang pamilya ni Kathryn dahil bumibisita siya sa bahay ng mga Bernardo. This time, si Kathryn naman ang may chance na makilala ang pamilya ng kanyang kapareha sa collab movie ng Star Cinema at GMA Films.

Isasabay sa first mall show ng HLA ang unveiling ng official poster na nagpapa-excite sa mga fans dahil finally, makikita na nila uli sina Alden at Kathryn bilang sina Ethan at Joy respectively.

---

PINABILIB ni Kyline Alcantara ang kanyang mga fans nang sumali sa ginanap na Yamaha bLU cRU All-star Racing Cup sa Carmona Racetrack sa Cavite. 

Astig ang datingan ng Shining Inheritance (SI) star sa kanyang suot na motorcycle gear.

Sey ni Kyline, “Did a first and never in my wildest dream that I have thought that I can do it. Thank you, Yamaha fam and YAMAHA bLU cRU ALL-STAR RACING CUP, for making me a team captain. That was such an epic moment and made me really kilig with adrenaline. Time to suit up and put my gears on to the next race.”

Tanong ng mga fans kay Kyline, meron ba siyang hindi kayang gawin? Ilabas na raw niya para hindi na sila magulat. 

Nakita pa lang nila si Kyline na rumampa sa runway sa New York Fashion Week (NYFW), tapos ngayon, nasa motorcycle race naman.

Ang sabi, motor ng tatay ni Kyline ang ginamit niya sa race, pero may nagsabi namang ipinahiram lang ito ng Yamaha. 

Whatever, ang mahalaga, successful ang first motorcycle race na sinalihan niya.

Nakasama ni Kyline si Ruru Madrid na captain naman ng kanyang team, at sumali rin sa motorcycle race sina Ella Cruz, Markus Paterson, Marlon Stockinger, at Miguel Tanfelix.

Hinanap ng mga fans nila si Kobe Paras at sa mga nag-like at nag-comment sa post ng aktres sa sinalihang race, wala ang pangalan ni Kobe. Na-miss ng kanilang shippers na mabasa ang pangalan nito.

---

MAY reunion ang mga stars ng That’s Entertainment (TE) sa Gen Z series ng GMA-7 na MAKA dahil magkakasama sina Romnick Sarmenta, Sharmaine Arnaiz, Maricar de Mesa, Jojo Alejar at Tina Paner. 

Natuwa ang mga fans ng TE dahil ngayon lang uli nila mapapanood nang sabay-sabay ang lima sa iisang show.

Enjoy ang lima na magkakasama uli sila at magaganda pa ang kani-kanilang role. 

Si Romnick ay gaganap na professor at si Maricar ay principal. 

Ang daming realization ng lima na makasama ang young cast na napupuri nila dahil mababait at magagalang daw. Maganda ang working experience nila sa mga bagets na kinakitaan din nila ng pagka-seryoso sa kanilang trabaho.

MOVIE NINA ALDEN AT KATHRYN, NOVEMBER PA ANG SHOWING, NAGBEBENTA NA NG TIKET

ni Nitz Miralles @Bida  | September 17, 2024

Parang mali ang reasoning ng mga bashers nina Kathryn Bernardo at Alden Richards na kaya may pre-selling ng ticket para sa movie nilang Hello, Love, Again (HLA) ay dahil magpa-flop daw ito. 

Para raw hindi mag-flop ang movie, kailangan nang magbenta ng ticket in advance.

Kinontra naman ng mga KathDen fans ang mga bashers at ipinaliwanag na kailangan ng pre-selling dahil mataas ang demand sa movie. Heto nga at sa update ng SM Malls na nanguna sa pre-selling ng tickets, mapapanood na sa 122 cinemas ang nasabing pelikula, combination na ito ng SM cinemas, Ayala Malls cinemas at Robinsons World cinemas. Ito ay kahit sa November 13, 2024 pa ang showing ng movie. 

Sigurado ring madaragdagan pa ang number of cinemas na paglalabasan ng HLA.

Maagang nag-sold-out ang ticket sa S’Maison-Director’s Club 3 sa 7:30 PM screening. Dito ang pinakamahal na tiket, P600 pero may kasamang popcorn at drinks.

Aabot na rin sa 40 ang block screenings na again, madaragdagan pa kapag palabas na ang pelikula ni Direk Cathy Garcia-Sampana. 

Ang nakakagulat, wala pang lumalabas na teaser, trailer at poster at hindi pa nga nagsisimula ang promo, pero mataas na ang demand. 

Hindi kaya nape-pressure sina Kathryn Bernardo, Alden Richards, Direk Cathy Garcia-Molina, Star Cinema at GMA Pictures na ngayon pa lang, nagbibilihan na ng ticket ang mga fans?

---

'Di makakain at makatulog, ipagdasal daw siya…

CLAUDINE, BUMAGSAK SA 97 LBS. ANG TIMBANG 

Humingi ng dasal si Claudine Barretto para sa paggaling ng mom niya at dasal na rin para sa kanya. Naka-confine kasi sa St. Luke’s BGC ang 87-year-old mom ni Claudine na si Mommy Inday dahil may lupus.

Pahayag ni Claudine, “I need all your prayers, please. She is the only parent I have left. I have been checking & taking care of her together with my kuyas Mito & @jjbarretto my Ate Michie & sister-in-law Connie. 

“Thank you po sa inyong lahat, isama n’yo na rin po ako sa prayers n’yo. I haven’t been eating & I’m down to 97 pounds and I haven’t been sleeping. God bless you all & your families as well.”

Marami agad ang sumagot sa pakiusap na prayers ni Claudine for her mom and for her. 

Sa dami ng mga nagdarasal sa kanila ng mom niya, for sure, gagaling si Mommy Inday at madaragdagan na rin ang timbang ni Claudine Barretto.

---

ANG galing mamili ng project ni Cong. Arjo Atayde dahil lahat ng ginagawa niyang pelikula, may impact at nananalo pa siya ng award. 

Siguradong masusundan ang napanalunan niyang Best Male Lead in TV Program/Series sa 2024 ContentAsia Awards para sa Cattleya Killer (CK) dahil sa trailer pa lang, maganda ang The Bagman at Moonglow.

Third season na ang The Bagman na nagpanalo sa kanya ng Best Actor sa Asian Academy Creative Awards in 2020. So, sanay nang manalo ng acting award si Arjo. Ang taray!

Ang lakas din ng impact ng teaser ng pelikulang Moonglow directed by Hollywood-based Filipino filmmaker na si Isabel Sandoval. Shot in Manila ang movie na set for release in 2025, kaya may pondo na si Arjo para sa acting award next year. 

Bongga lang ang sinabi nitong, “I don’t work for awards,” pero dahil magaling ngang actor, siya na ang nilalapitan ng acting award.

Proud wifey tiyak si Maine Mendoza na mahusay na aktor ang kanyang asawa. Pati pala press people and vloggers, excited na sa magiging baby nina Arjo at Maine, kaya lang, hindi pa dumarating sa buhay nila ang kanilang magiging mga babies. 

Sa ngayon, happy muna si Arjo na magiging tito na siya sa isisilang na anak ng kapatid na si Ria Atayde-Marudo at asawa nitong si Zanjoe Marudo.

“We are excited. I am excited sa magiging baby nina Ria at Zanjoe,” pahayag ni Arjo Atayde.

Hindi lang kay Heart… PIA, TODO-GAYA RIN KAY LIZA

ni Nitz Miralles @Bida  | September 16, 2024

Mukhang hindi lang sa fashion show ni Carolina Herrera sa New York Fashion Show (NYFS) ang gustong i-issue kay Pia Wurtzbach. May reels post ito na nasa Grand Central Terminal siya rumampa at may agad nag-comment ng “Did she just copied Liza (Soberano) with her reels?”

May sumagot agad ng “The digital creator did it. So negative! Why don’t you just be proud of our beauty queen?” 

Sinundan pa ng isang pro-Pia comment na, “‘Yan na naman! Umandar na naman pagka-negatron!!! You’re not welcome here, du’n ka sa kampo mo.”

Nakakaloka! Lahat ng galaw ni Pia, talagang may mga nakabantay. Pero, paano ‘yun at nag-comment si Liza ng “Soooo pretty” sa reels post na ito ni Pia? 

Pansin din na ginawa na lang comedy ng mga fans ni Pia Wurtzbach ang isyu sa Carolina Herrera, pinagtatawanan na lang nila.

Well, paano rin ‘yung bagong post ni Pia na naka-tag ang Carolina Herrera at ginamit pang hashtag ang  #CarolinaHerreraSpring25? Parang Carolina Herrera rin ang red dress niyang suot, ibig sabihin,welcome pa rin siyang magsuot ng Carolina Herrera creation kahit may isyu sa kanya.

---

GUSTO yata nina Dennis Trillo at Jennylyn Mercado na maging gymnast ang daughter nilang si Dylan dahil ngayon pa lang, itine-train na ang bagets. Nag-post ng reels si Jennylyn na nasa Gym Lab si Dylan at tinuturuan ng basic gymnast moves na bagay sa kanyang edad.

May caption ito na, “WARNING: Cutest gymnast in town. Ta-daaa!” ang post ni Jennylyn na kabilang sa mga nag-like ay si Dennis. 

Well, ang positive ng mga comments ng mga followers ni Jennylyn, maganda raw na hangga’t bata pa ay itine-train na si Dylan at malay nga naman nating lahat, maging future gymnast champion siya.

Nakakatuwa sina Jennlyn at Dennis dahil kapag wala silang commitment, focused sila kay Dylan. Tuloy pa ang taping ni Dennis ng Pulang Araw (PA) at nagsu-shooting na rin siya para sa MMFF entry na Green Bones (GB), kaya kapag may time, inilalabas nila si Dylan. 

Samantala, ang hindi masagot na tanong kay Jennylyn ay kung kailan siya magre-renew ng contract sa GMA Network? Tila wala pang paramdam ang magkabilang kampo, para raw sana magkaroon na ng bagong series si Jennylyn Mercado.

---

Grabeng level up dahil sa SB19…

STELL, FAST FOOD CREW DATI, ENDORSER NA NGAYON

DATI palang McDonald’s crew si SB19 member Stell Ajero bago siya naging member ng sikat na P-Pop group. Binalikan nito ang araw na nagtatrabaho siya sa McDo sa pa-fan meet ng fast food chain dahil endorser na rin ng McDo Chicken ang SB19.

Kuwento ni Stell, “Naging crew ako ng McDonald’s before nu’ng college po ako. Grabe ‘yung 360 (degree turn) from crew tapos ngayon endorser ng McDo.

“Every time po na binabalikan ko talaga ‘yung memory na ‘yun, naaalala ko lahat ng hardships, lahat ng mga nangyari sa ‘kin before.”

Dagdag pa nito, “And now, looking at it, ‘yung store ng McDo, parang ang daming memories na bumabalik.”

Ang layo na nga ng narating ni Stell at ng SB19, ilang hit songs na ang nai-produce nila at ilang sold-out concerts na ang ginawa ng grupo here and abroad. Ang maganda pa, they are allowed to pursue a solo career. Kaya, may sarili silang identity.

Sina Stell at Pablo (ng SB19 pa rin) nga ay napapanood bilang coaches sa The Voice Kids (TVK) na umeere sa GMA-7. Dahil pinangarap din ni Stell na pasukin ang acting, ‘wag tayong magulat kung isang araw, mapanood natin siya sa isang TV series o kaya’y sa pelikula.

---

MATUTUWA nito si Quezon City (QC) Councilor Alfred Vargas dahil sa balitang ang afternoon prime ng GMA-7 na Forever Young (FY) na kasama siya sa cast ang ipapalit sa magtatapos na Abot-Kamay na Pangarap (AKNP). 

The last time na nakausap ng press si Alfred, hindi pa nito alam kung kailan ang airing ng nasabing series na maganda raw at sana, mapanood dahil may sakit na tatalakayin.

Matagal na raw silang nagte-taping, hinahanapan na lang ng time slot at heto, nahanapan na nga. Gaganap siyang ama ng child actor na si Euwenn Mikaell Aleta at asawa naman niya si Nadine Samonte. Maganda ang story at magagaling daw ang kasama niyang cast.

Bongga ‘di ba? hindi pa rin iiwan ni Alfred ang showbiz kahit tuluy-tuloy ang pagiging public servant niya. 

Nabanggit nito na sa pagka-konsehal pa rin siya tatakbo sa darating na eleksiyon, kaya pagka-congressman pa rin ang tatakbuhin ng brother niyang si Rep. PM Vargas who is doing a great job daw.