Kaya oks lang kahit see-through ang suot… HEART, NILALAGYAN NG FOUNDATION ANG NIPPLES

ni Nitz Miralles @Bida | Sep. 29, 2024

Hala! May shippers pa rin pala sina Heart Evangelista at Jericho Rosales. 

Kinilig sila na ginamit ni Heart na background song ang kanta ni Jericho na Pusong Ligaw sa pagrampa ng aktres sa Paris Fashion Week (PFW). 

Suot ang Schiaparelli gown sa pag-attend sa Schiaparelli fashion show, rumampa at umikut-ikot si Heart.

Napa-comment si Jericho ng “Hahahahahaha (clap emoji)” at sapat na ‘yun para makakuha ng 229 replies na karamihan, kinilig. Napa-throwback ang mga fans sa time na couple pa sina Heart at Jericho at inakala ng lahat na sila ang may forever.

Ilan sa mga comments: 

“Pinagalaw na ang baso.” 

“Kilig!” 

“OMG (oh, my God). Puwede pa po bang kiligin.” 

“Masayang-masaya ang mga dugo namin.” 

“I am so happy right now.” 

“Juice ko, Lord, tabang,” at iba pang nakakatawang reactions.

Well, wala pang sagot si Heart sa reaction ni Jericho. Pero lalong matutuwa ang mga fans at madaragdagan ang kikiligin kung sinagot ni Heart ang comment nito. 

Dahil dito, may mga requests na sana ay gumawa ng movie ang ex-couple at papayag naman daw tiyak si Senate President Chiz Escudero.

Saka friends na sina Heart at Jericho, nagkakasama sila kapag may get-together kasama ang iba pang close kina Mr. Johnny Manahan at Mariole Alberto. Nagtatabi pa nga sila sa mga photos, kaya posibleng mangyari ang request ng mga fans.

And speaking of Heart Evangelista, ang sikreto pala nito kaya okay lang rumampa na see-through ang suot na gown o anuman ang isuot na see-through ay nilalagyan ng foundation ang kanyang nipples, para raw hindi makita ang color kahit bakat sa suot.

---

HINDI pa rin napapagod maging public servant at maglingkod sa taumbayan si Sen. Lito Lapid dahil magsi-seek siya ng re-election at muli siyang tatakbong senador sa midterm elections sa 2025. 

Kaya abangan natin ang pagpa-file niya ng candidacy sa October.

Noon ngang September 26, kabilang ang senador sa mga inendorso ni President Bongbong Marcos (PBBM) na official candidate sa pagka-senador ng Alyansa para sa Bagong Pilipinas. Ginawa ang endorsement ni PBBM sa 12 senatorial candidates sa Philippine International Convention Center (PICC).

In fairness kay Sen. Lito, nananatili siya sa mataas na ranking sa mga surveys at nagpapasalamat siya sa mga sumusuporta at bumoboto sa kanya. 

Nagpahayag din ito ng pasasalamat sa endorsement ni PBBM, patunay na malaki ang tiwala sa kanya ng pangulo.

Aminado si Sen. Lito na malaki ang naitutulong ng Batang Quiapo (BQ) tuwing kumakandidato siya. Ang lakas ng recall sa tao ng role at karakter niya sa series ni Coco Martin bilang ‘Supremo.’ Ito nga agad ang itinatawag sa kanya kapag umiikot sa iba’t ibang parte ng bansa para mamahagi ng tulong.

---

Una nang in-unfollow ng BFF… 

YASSI, IN-UNFOLLOW NA RIN SI NADINE 

NAUUSO ang pag-unfollow sa mga celebrities at ang latest na nag-unfollow ay si Yassi Pressman. Ang in-unfollow nito ay si Nadine Lustre na nauna nang nag-unfollow sa kanya.

Kabilang si Yassi sa limang katao na in-unfollow ni Nadine na kinabibilangan din ng sister nitong si Issa Pressman, James Reid, Jeffrey Oh, atbp.. 

Actually, walang isyu kina Yassi at Nadine at friends ang dalawa, kaya lang, sister ni Yassi si Issa na girlfriend ni James.

Prerogative ni Nadine kung sino ang gustong i-unfollow at ganu'n din si Yassi. Pero, ang sabi, nananatiling naka-follow kay Nadine sa Instagram (IG) sina Issa at James.

---

MAY concert sa Singapore si Regine Velasquez na gaganapin sa October 26, 2024 sa Singapore Expo Hall at for sale na ang tiket. 

Excited na ang mga Pinoy na nasa Singapore na hindi makauwi para manood ng kanyang concert, may chance na raw silang manood ngayon.

Pero, bago ang concert sa Singapore, sa Gabay Guro event happening today, September 29 muna kakanta si Regine. Mga guro na dadalo sa National Teachers’ Month at World Teachers Day sa Meralco Theater ang kanyang mga audience.

Pinuri si Regine ni Ms. Chaye Cabal-Revilla, chairperson ng Gabay Guro dahil 17 years na siyang nagpe-perform, wala siyang absent at Hall of Famer na raw ito. Libre ang talent fee (TF) nito at ang iba pang performers, hosts at guests.

Ang sabi lang ni Regine Velasquez kung bakit lagi siyang may oras sa Gabay Guro, “Masayang makasama ang mga naghuhulma sa mga kabataan natin. It’s very inspiring and fulfilling for me.”

Sa October 6, 2024, gaganapin naman ang Gabay Guro Wellness Fest sa Ynares Sports Arena sa Shaw Boulevard. Magsu-zumba ang mga guro at marami pa silang activities sa buong araw.

Video kumalat, Sarah… RICHARD AT BARBIE, PAREHONG NASA ITALY

ni Nitz Miralles @Bida | Sep. 28, 2024

Nagkita sa Italy sina Richard Gutierrez at Barbie Imperial. Sumunod kaya si Barbie roon o pinasunod ni Richard?

Hindi agad bumalik ng Pilipinas ang aktor pagkatapos ng Cycle 2 taping ng Incognito. Parang si Daniel Padilla lang ang bumalik ng bansa at sina Richard, Maris Racal at Anthony Jennings ay namasyal muna.

Sa first post pa lang ni Barbie na nasa Italy siya, hula agad ng mga netizens na magkikita sila ni Richard dahil nga hindi agad bumalik ng bansa ang aktor. Saka, ano raw ang gagawin ni Barbie sa Italy kung hindi makikipagkita kay Richard.

Nakunan ng video at nai-post ang reels ng pagkikita-kita nina Anthony, Maris at Richard na kasama na si Barbie. Sabay-sabay na siguro silang babalik ng Pilipinas at maganda sana kung may makapag-interbyu kina Barbie at Richard para lang kumustahin sila at kung ano ang ginawa nila sa Italy.

Samantala, nag-comment pala ng emojis si Raymond Gutierrez (kakambal ni Richard) sa post ni Barbie na nasa Italy siya at may fan na nagtanong kung gusto ba ni Mond si Barbie for his twin? Hindi nga lang sumagot si Mond at mukhang hindi talaga ito sasagot sa pang-iintriga ng nagtanong.

---

Pagmamahal sa ina niyang isang guro at pagmamahal sa mga guro ang isa sa mga rason ni Gabby Concepcion kung bakit every year, present siya sa Gabay Guro (GG). 

Kahit siguro may trabaho ang aktor, gagawa ng paraan para makadalo sa event ng GG na taun-taon, may tribute sa mga teachers.

“Iniisip ko na parang pamilya ko ang mga teachers, parang kilala ko sila kahit ‘di ko sila kilala. Dahil ito sa mom ko na isa ring teacher, malapit ako sa mga teachers at nagpapasalamat ako sa Gabay Guro na iniimbita nila ako every year. Chance ko ‘yun to meet them and sing for them,” sabi ni Gabby.

Naikuwento nga ni Ms. Chaye Cabal-Revilla na may isang teachers' event sa province na akala nila ay hindi makakapunta si Gabby dahil nabagsakan ng baso ang paa nito at sa paa niya nabasag ang baso kaya nasugatan at naospital.

Pero, dumating pa rin si Gabby, considering na hindi maayos ang paglalakad, kumanta pa at bumaba sa stage para malapitan siya ng mga teachers. Bumilib sa aktor si Ms. Chaye at ang mga taga-Gabay Guro.

Pasalamat si Gabby na this year’s Gabay Guro ay nasa bansa pa siya at hindi pa nakakaalis para sa series of shows nila ni Sharon Cuneta sa US at Canada. 

Sa September 29 (Sunday) sa Meralco Theater ang selebrasyon ng National Teachers’ Month at World Teachers Day. Kasunod nito ang Gabay Guro Wellness Fest sa October 6, 2024 (Sunday) sa Ynares Sports Arena sa Shaw Boulevard, Pasig City kung saan magsu-zumba ang mga guro at marami pang activities.

Dahil kasama rin si Sharon sa performers sa Sept. 29, magkikita sila ni Gabby at muling pakikiligin ang mga fans. 

Every year, inire-request sa kanila na kantahin nila ang Come What May na parang national anthem ng mga ShaGab (Sharon at Gabby) fans.

Daniel, knows mo na? ALDEN AT KATHRYN, TODO-PAPANSIN DAHIL MAY MOVIE

ni Nitz Miralles @Bida | Sep. 28, 2024

Pati sina Kathryn Bernardo at Alden Richards, sumabak na rin sa viral Maybe This Time dance challenge sa TikTok. 

Marami ang natuwa sa pa-ayuda ng dalawa sa mga KathDen (Kathryn at Alden) fans na laging naghahanap ng pakilig mula sa kanila.

May mga nabitin at humihingi pa ng more ayuda, kahit daw hindi na sila magsayaw at kahit hindi magsalita, basta makita lang silang magkasama. May mga nag-comment na nakangiti siya habang pinapanood ang TikTok ng dalawa.

Hindi lang maiwasan ang mga bashers, kailangan daw mag-ingay at magpapansin nina Alden at Kathryn dahil may pelikula sila. 

May inisa-isa pa ang ganap ng dalawa at sigurado raw na may iba pang ganap silang gagawin na agad sinagot ng mga netizens.

Natural daw na mag-ingay at magpapansin sina Alden at Kathryn dahil may ipino-promote silang movie. Alangan naman daw na iasa na lang lahat sa mga fans at hindi na sila kikilos at hindi gagawa ng promo lalo na at sa November 13, 2024 na ang showing ng Hello, Love, Again (HLA).

Tanong nga ng mga casual fans, ano raw ang ikinagagalit ng bashers kina Alden at Kathryn at lahat na lang ay pinapansin nila at nega pa ang dating?

Ang suhestiyon nito, kung ayaw niya sa dalawa, ‘wag niyang panoorin ang TikTok, ‘wag i-view ang teaser para hindi na madagdagan ang 18.6 million views. 

Ganu’n na karami ang total views ng teaser in 24 hours after its release across official platforms.

Paano ‘yan at magsisimula na rin silang mag-promote ng HLA at may mall show na nga sa October 5? 

Baka nga mag-guest pa sa GMA shows si Kathryn dahil collab ng Star Cinema at GMA Pictures ang movie, kaya mas marami ang maha-highblood nito.