Mag-iina, nag-file ng COC sa Batangas… VILMA GOV., LUIS VICE-GOV., RYAN CONG.

ni Nitz Miralles @Bida | Oct. 4, 2024

Red ang color ng OOTD nina Rep. Vilma Santos at mga anak na sina Luis Manzano at Ryan Christian Recto nang mag-file ng kanilang Certificate of Candidacy (COC) dahil pare-pareho silang tatakbo sa 2025 midterm elections.

Sa inilabas na larawan, red t-shirt din ang suot ng wife ni Luis na si Jessy Mendiola at si Sen. Ralph Recto lang ang naka-white. 

Si Vilma, tatakbong governor sa Batangas. Si Luis ay tatakbong vice-governor at si Ryan ay tatakbong congressman sa 6th District ng lalawigan.

Naalala naming bigla, kung muling tatakbong vice-governor ng Batangas si Marc Leviste, sila ni Luis ang magkalaban. 

Sey ng mga netizens, magiging masaya at mainit ang labanan sa posisyon ng dalawa.

Tanong naman ng mga fans ni Luis, ibig daw bang sabihin nito, iiwan na niya ang pagho-host ng game show na Rainbow Rumble (RR) dahil nga papasok na siya sa pulitika? 

In fairness, marami na ang nagwe-welcome sa Batangas sa mister ni Jessy at sa papa ni Baby Peanut.

Ang saya siguro kapag magkakasama sina Sen. Ralph, Vilma at mga anak nila na sina Ryan at Luis dahil kasama na sa kanilang pag-uusapan ang pulitika.

---

HAHARAP si Kathryn Bernardo sa kanilang mga fans ni Alden Richards sa first mall show nila para sa promo ng movie nilang Hello, Love, Again (HLA) na bago ang kanyang haircut.

Kahapon, nagpagupit si Kathryn sa isang Korean hair salon na Zero 1 Story sa BGC at bukas naman, October 5 (Saturday), ang first mall show nila ni Alden. Sa Ayala Malls Solenad, Nuvali sa Sta. Rosa, Laguna ang first mall show ng KathDen, sa hometown ng aktor, kaya ang biruan, iuuwi raw ni Alden si Kathryn sa bahay nila.

Sabay ng mall show ang launch ng official poster ng HLA na inaabangan ng mga fans. Nasa poster daw kasi ang clue ng ending ng movie na hindi namin alam kung bakit may ganu’ng thinking ang mga fans.

Marami pang susunod na mall shows sina Kathryn at Alden. Magge-guest pa si Kathryn sa mga shows ng GMA-7. 

Ini-announce na nga ni Dingdong Dantes na magge-guest ang Kapamilya actress sa Family Feud (FF) na kanyang hino-host. Inaabangan din ang aktres sa Fast Talk with Boy Abunda (FTWBA) at sana raw, mainterbyu rin siya ni Jessica Soho sa Kapuso Mo, Jessica Soho (KMJS).

Siguro naman, magge-guest din si Alden sa mga shows ng ABS-CBN to promote their movie, maliban sa It’s Showtime (IS) na sa GMA-7 din ang airing.

Samantala, sa November 12 ang premiere night ng HLA at Nov. 13 naman ang simula ng showing nito. By that time, nadagdagan na ang more than 100 cinemas na paglalabasan ng pelikula na collab ng Star Cinema at GMA Pictures.

---

PINURI ng mga netizens si Jodi Sta. Maria dahil sa post niyang kumakain ng street food. Hindi lang bumili ang aktres ng Lavender Fields (LF), nakiluto rin siya. 

Sa isang picture, siya ang naghahalo sa inilulutong fish balls at kikiam.

Sabi ni Jodi, “Who says money can’t buy happiness? For P20, may 7 pirasong chicken balls or kikiam ka na. Ang saya, ‘di ba? Kaway-kaway sa mga lumaking nakaabang kay manong para bumili ng street food pagkatapos ng klase.

“Shout-out sa team squid balls? Team fish balls? Or team BOTH!!!”

Nakakatuwang malamang maraming artista ang favorite rin ang nabanggit na street food ni Jodi. May mga followers din si Jodi na biglang nag-crave sa street food dahil natakam nang makita siyang kumakain nito.

Wala raw arte si Jodi, kumakain ng street food at nag-a-adopt pa ng stray cat at stray dog. Dapat lang daw siyang idolohin.

Buking na naka-couple shoes sila ni Anthony, GF todo-emote sa post… MARIS, TINAWAG NA BOYFRIEND SNATCHER

ni Nitz Miralles @Bida | Oct. 3, 2024

Sinugod na nga ang Instagram (IG) ni Maris Racal ng mga bashers dahil sa cryptic post ni Jam Villanueva, na hindi pa malinaw kung break na ba talaga sila ni Anthony Jennings o nagseselos lang siya kay Maris.

Walang kinalaman kina Anthony at Jam ang post ni Maris na “back 2 back 2 back 2 back,” at ang bashers lang ang nagkonek at nag-open ng isyu. 

Tinanong si Maris sa mga ini-repost ni Jam, pero fan ng aktres ang sumagot na pa-victim ang GF ni Anthony at ginawa na rin ito sa isang na-link din sa aktor.

Ang daming negative at hate comments kay Maris at tinawag siya ng kung anu-ano, but in fairness to her, hindi idine-delete ang mga comments kahit may tumawag sa kanyang “snatcher ng boyfriend” at may naghihintay ng sagot niya sa ex ni Anthony.

Well, may nagtanong pa kung bakit couple shoes ang suot nila ni Anthony habang namamasyal sa Italy after ng taping ng Cycle 2 ng Incognito. Ginawang batayan ang pagkakapareho nila ng rubber shoes para sabihing sila na ni Anthony, para bang bawal magkapareho ng sapatos ang dalawa.

Marami rin ang nagtatanggol kay Maris, hayaan na lang daw niya ang mga bashers, basta siya, may career at pera, samantalang ang mga bashers niya ay mga nakanganga. 

Samantala, may mga nalungkot para kay Maris, hindi raw nito deserve ang sobrang bashing at pinayuhan si Anthony na magsalita at sabihin ang estado ng relasyon nila ni Jam.

Ipagtanggol na rin daw nito si Maris sa mga nag-aakusang inagaw siya nito kay Jam. Kawawa raw si Maris Racal, siya ang bina-bash ng mga netizens, gayung hindi pa nila alam ang totoong nangyari.    

---

Nakakatuwa ang press sa launching ng BingoPlus Pinoy Drop Ball, sa halip na pag-interesan ang ayos ni Maine Mendoza at usisain kung ano ang suot na damit, mas inunang tanungin kung may umbok ba ang tiyan nito. 

Kapag may umbok ang tiyan ng misis ni Cong. Arjo Atayde, ibig sabihin, buntis ito.

Kaya lang, tama ang sinabi ni Arjo sa kanyang Thanksgiving dinner, hindi pa preggy ang kanyang wifey. 

Sayang at hindi nagtagal si Maine sa nasabing BingoPlus event, hindi na siya naabutan ng iba pang press people gaya namin.

Nakita na lang namin sa photos na wala nga siyang baby bump, hindi pa yata sila ready ni Arjo na magka-baby, kaya hayaan muna natin sila na i-enjoy na silang dalawa muna. Pasasaan ba’t magbubuntis din si Maine.

Sa ngayon, busy muna sila ni Arjo at Maine sa kani-kanyang career.

Si Maine nga ay endorser pa rin ng BingoPlus at in-introduce nga ang bagong game na ‘Pinoy Drop Ball’. ‘Kaaliw itong laruin kahit simple lang at mas madalas, nananalo ang naglalaro. Wala nga yatang umuwi sa press na hindi nanalo, lahat may bitbit na prize.

Simpleng laruin ang ‘Pinoy Drop Ball’ at kaya ito stand-out dahil ang thrill sa pag-aabang sa mapapanalunan. Ang sarap maglaro, kaya kung may chance kayong maglaro, try n’yo na.

---

KABILANG sa mga nag-file ng candidacy para sa 2025 midterm elections ay si Quezon City Councilor Alfred Vargas. Muli siyang tatakbong konsehal sa 5th District ng Quezon City.

Pahayag ni Alfred, “May the Almighty continue to guide me in this whole journey. My unwavering gratitude and love to all my supporters through the years, through thick and thin. You are my inspiration.

“To my lucky charm and source of strength, my wife Yasmine, thank you for always being with me in all my battles. I love you.

“To the QCitizens of Novaliches, mahal na mahal ko kayo!”

Inilatag na rin ni Alfred ang kanyang credentials para wala nang magtanong kung ano ang ginagawa niya sa pulitika. Nagtapos siya ng AB Management Economics in Ateneo de Manila University (ADMU). Tapos din ng Master of Public Administration sa UP NCPA at tatanggapin ang Diploma on Urban and Regional Planning, sa UP Diliman pa rin.

Umupong konsehal, naging congressman, bumalik sa pagiging konsehal at ang posisyong ito ang muli niyang tatakbuhan sa 2025 elections.

---

SA halip na nakaugaliang presscon, dinala ng TV5 ang cast ng bago nilang morning series na Ang Himala Ni Niño (AHNN) sa Camarin Elementary School at doon ginanap ang ‘Back to Eskwela’ Grand Activity. 

Nanguna sa kasiyahan ang lead child actor na si Zion Cruz na mainit na tinanggap ng mga estudyante ng nasabing paaralan, nagkaroon ng exciting performances, contests, at iba’t ibang activities na may temang kindness, love, at hope. 

Dumalo rin ang parents ng mga estudyante na lalong nagbigay-diin sa importance ng pamilya at mabuting asal na isinusulong ng AHNN.

Nagkaroon din ng Quiz Bee Challenge for Grade 1, 3 at 5 students; may Poster Making Challenge for Grade 5 students with its theme “Basta May Pagmamahal,

May Himala sa Araw-Araw” at Slogan Making Contests with its theme “Kabutihan at Pag-asa.”

Kasama ni Zion sa event sina K Brosas, Dawn Chang, Jay Gonzaga, Achilles Ador, Kenneth Mendoza, Kych Minemoto, Paulo Angeles, Queenay at Carmi Martin.

Ang series ay mapapanood sa TV5, Monday to Friday, 11: 15 AM.

‘Di naibigay nu'ng buhay pa… SAM, ISASAMA SA IBEBENTA ANG DREAM CAR NG AMA

ni Nitz Miralles @Bida | Oct. 2, 2024

May istorya ang bawat luxury car na ipinapa-auction ni Sam Verzosa via his “SV Driven to Heal” charity event. Lahat ng 10 cars, espesyal sa kanya. Mas malalim nga lang ang koneksiyon niya sa Bentley Bentayga SUV dahil binili niya ang car para sa kanyang ama.

Naging emosyonal si Sam nang tanungin ng auction host na si David Celdran sa story ng Bentley Bentayga.

“Well, the story of this car, papa ko ang may gusto nito. When we went to London, nakita n’ya, ang sabi n’ya, ‘Nak, bili tayo nu’n.’ Sayang lang, ‘di n’ya inabutan kasi noong binili namin ‘to, nagkasakit s’ya, tapos nawala,” kuwento ni Sam.

Dahil sa sentimental value ng car, nahirapan si Sam na gamitin ito. 

Ngayong isasama niya sa auction, alam niyang mag-a-agree ang tatay niya at matutuwa sa kanyang ginawa.

Naikuwento rin ni Sam kay David na ang tatay niya ang nagturo sa kanya na magbigay sa mga lumalapit na humihingi ng tulong. Kahit daw last money na nila, itinutulong pa rin nito.

Dagdag pa ni Sam, sobrang significant ang pagdo-donate niya ng collection niya ng luxury cars para sa construction ng dialysis and diagnostic clinic sa Sampaloc dahil nag-dialysis din ang tatay niya.

Aniya, “Nag-dialysis din s’ya before he died. So, I think gusto n’yang mapupunta ito sa mga dialysis patients. Sa tingin ko, magiging proud s’ya sa itaas. Matutuwa talaga s’ya.”

Ipina-bless ni Sam ang luxury cars na ipapa-auction niya at para may remembrance siya sa kanyang luxury cars, nagpakuha muna siya ng photos sa tabi ng mga ito. 

Nakangiti si Sam, ibig sabihin, masaya siya na marami ang matutulungan sa 10 luxury cars at aabot nga sa P200 million kapag na-auction na.

---

KABILANG si Julie Anne San Jose sa mga performers sa launching ng ‘Pinoy Drop Ball’ ng Bingo Plus. Mas pinasaya nito ang mga nasa launching with her three numbers kasama ang opening song niyang Dancing Queen (DQ). Bumaba ng stage si Julie at nakita naming may nakipagsayaw sa kanya at ‘yung iba naman, naki-sing-along sa kanya.

Nagpasalamat si Julie sa Bingo Plus sa pag-imbita sa kanya na nataon pang launch ng bagong game na Bingo Plus Drop Ball. Ipinasubok sa mga press, vloggers at influencers ang game at nag-enjoy lahat, lalo na ang mga nanalo.

Ang ‘Pinoy Drop Ball’ ang latest digital carnival offering at homegrown creation at mapapa-throwback ang mga maglalaro sa perya experience nila. Hindi lang mapapasigaw ang maglalaro (manalo man o matalo) at mas lamang ang tuwa kapag nanalo at hawak mo na ang napanalunan. 

Kami nga, tuwang-tuwa sa Bingo Plus tumbler na aming napanalunan.

Noong September 29 ang official launching ng Bingo Plus Drop Ball sa Grand Hyatt Manila at kabilang na siya sa mga nauna at popular digital games gaya ng Bingo, Tongits, at Perya Games.

Ang Pinoy Drop Ball ang first-ever live streamed drop ball game sa bansa. Hindi lang daw ito basta game, “Pinoy Drop Ball reflects DigiPlus’ deep understanding of what Filipino players want-authentic, and culturally resonant entertainment that fuses tradition with technology.”