Global Fashion Icon, Pia… HEART, PROUD NA NAKILALA SA BUONG MUNDO ANG 'PINAS DAHIL SA KANYA

ni Beth Gelena @Bulgary | Oct. 26, 2024

Photo: Heart Evangelista - IG

Nag-react si Heart Evangelista bilang Global Fashion Icon.

“I try not to think about the numbers or being on top. I just want to keep going and enjoying.

"I’m very flattered, but I’m very pressured,” wika pa niya.

Hangga’t maaari raw ay gusto niyang i-focus ang kanyang journey sa fashion world. 

Si Heart ang highest-ranking celebrity from APAC in media impact value for the Spring/Summer 2025 season of Paris Fashion Week (PFW).

Ayon sa marketing and analytics platform na Launchmetrics, si Heart ay naka-generate ng $10.6 million in Media Impact Value (MIV), making her the top-performing APAC celebrity for the fashion week. 

Ani Heart, the feat is for the Filipinos.

“I mean, to be put on the map, that says a lot na deserving tayo of all the luxury that our country is worth investing in when it comes to putting up stores.”

Natanong din siya kung paano niya pinangangalagaan ang kanyang fashion content na laging fresh at relevant.

“I try to take a break. I am still hands-on with my reels. I do [storyboards], stuff like that, but if there’s nothing flowing, I just don’t push it because what keeps me going even when I’m tired it’s not a brand, it’s not a persona, it’s not a made-up character that I have to keep creating storylines for or whatever. It’s who I am so it will naturally come, I just have to wait,” pagbabahagi ng misis ni SP Chiz Escudero.

Dagdag pa niya, “I guess it will keep the ball rolling as long as you are yourself, you’ll never run out of outfits to pair with because you're always going to feel something organic that day.”

---

Excited si Julia Montes sa ipinost niya sa kanyang Instagram (IG) page na poster ng movie nila ni Arjo Atayde, ang Topakk.

Kasama kasi sa napili ang kanilang pelikula under Nathan Studios sa Metro Manila Film Festival (MMFF) 2024.

Ani Julia, “Oh yes, this is it! TOPAKK this MMFF 2024 na!”

Ang daming nag-congratulate sa aktres nang masama sa napili ang kanilang movie na tila may temang suspense-action-thriller.

Makakasama nina Arjo at Julia sina Sid Lucero at Kokoy de Santos, a film by Richard Somes.

Komento ng mga netizens: 

 “Excited to see this already iconic movie and your equally iconic role as Weng Diwata! Congratulations, Juls!”

“Best actress ‘yang asawa ni Coco.”

“OMG!!! @montesjulia08 and @arjoatayde from 24/7, tapos ngayon, can’t wait!!!"

“Wow! Ito ‘yung inaabangan ko... Pang-MMFF pala ‘to kaya ang tagal ipalabas.”

"Congratulations, mapapanood ko na rin si Julia sa MMFF. Go, Julia! Manalo ka sana.”

"Wow, pang-drama na, pang-action pa.”

“Finally, a movie worth watching.”

---

TV5, maglalabas ng statement… MGA FEMALE CO-HOSTS NI WILLIE, TSINUGI NA SA WIL TO WIN 

Photo: Willie Revillame & Co-hosts - Wil To Win

INALIS na umano ang mga co-hosts ni Willie Revillame sa kanyang game show na Wil To Win (WTW) na sina Christine Bermas, Ana Ramsey, Cindy Miranda at Almira Teng.

Sila ang mga female co-hosts ni Kuya Wil magmula nang magbalik-TV ang WTW nu'ng July.

Bakit kaya inalis ang mga female co-hosts? Nagtaka umano ang mga viewers, nasorpresa ang mga netizens dahil ibang mga mukha na ang kasama ni Kuya Wil. Hindi na rin daw parte ng show ang former beauty queens na sina Roberta Tamondong at Gab Basiano as online hosts.

Ang social media influencer na si Inday Fatima at comedienne na si Boobsie Wonderland na lang daw ang natira sa show.

Ayon sa insider ng programa, may malaki umanong pagbabago na magaganap. Maglalabas daw ng official statement ang TV5 management hinggil sa isyung ito.

May sitsit pang lumalabas na kaya umano tinanggal ang mga female co-hosts ni Wil ay dahil may gagawin umano ang mga ito para sa senatorial bid ni Willie.

Para sa kaalaman ng lahat, ang TV host ay nag-file ng Certificate of Candidacy (COC) bilang senador this 2025 elections. Tumatakbo siya bilang independent candidate. 

GF, kayang-kayang buhatin… GERALD, PINAIKOT SI JULIA NA PARANG ELECTRIC FAN

ni Beth Gelena @Bulgary | Oct. 24, 2024

Photo: Julia Barretto - Gerald Anderson TikTok

Nasa El Nido, Palawan ang magdyowang Gerald Anderson at Julia Barretto.

Natuwa ang mga netizens sa ipinost ni Gerald sa TikTok na cute video nila ni Julia.

Ang video ay kuha sa vacation nila sa isang beach kung saan makikitang binuhat ni Gerald si Julia at pinaikot na parang electric fan.

Agad na nag-viral ang nasabing video na kinakiligan ng mga netizens.

Komento nila, “Cuteee! Tangkad ni Julia.”

“Benteng ulit ko na yata ‘to! Hahaha!”

“Sana may vlog na sila ulit together.”

Ang daming nagsasabing forever na raw talaga ang relasyon ng JuRald.

Ang tanong nila, “Kailan kaya magpapakasal ang dalawang ito?”

“Kasal na lang ang kulang sa kanila para forever Mrs. Julia Anderson na ang actress.”

Oo nga naman!

---

Piktyur, pinusuan pa… MARIEL, SUPORTADO ANG MGA ANAK NI ROBIN SA IBA

Robin Padilla - Mariel Padilla IG

MAY throwback photos si Kylie Padilla kasama ang mga kapatid. Nag-react ang kanyang stepmom na si Mariel Padilla ng three red hearts. Makikita sa mga larawan na masaya silang magkakapatid.

Ang caption ni Kylie: “We’re okay!”

Ipinakita ni Mariel na lagi siyang nakasuporta sa mga anak ng kanyang mister na si Senator Robin Padilla.

Sa lahat ng mga anak ni Sen. Robin ay si Kylie ang naging malapit sa former TV host dahil ang Kapuso actress ang malapit sa ama. Ang ibang kapatid ni Kylie ay nasa piling ng kanilang ina.

---

IPINAKITA na ang teaser ng Uninvited kung saan ang mga bida ay sina Vilma Santos, Aga Muhlach at Nadine Lustre, mula sa direksiyon nina Dan Villegas, Antoinette Jadaone at Irene Villamor.

“HINDI LANG ‘TO BASTA PARTY,” ang nakasaad sa poster.

Ang Uninvited ay produced ng Mentorque Productions at Project 8 Projects.

Well, dalawang award-winning actresses ang makakasama ni Aga. Hindi naman padadaig ang aktor dahil may kapasidad din siya bilang mahusay na actor.

Maging ang supporting cast ng pelikula ay mga big stars din tulad nina Tirso Cruz III, Lotlot De Leon, Mylene Dizon, Gabby Padilla, Gio Alvarez, Cholo Barretto, Ketchup Eusebio, Elijah Canlas, Ron Angeles at RK Bagatsing.

Isang thriller film ang Uninvited na isinulat ni Dodo Dayao. 

Isa rin si Antoinette Jadaone sa mga nag-produce ng pelikula.

Isa sa 10 masuwerteng nakapasok sa Metro Manila Film Festival (MMFF) 2024 ang Uninvited na tulad ng Mallari ni Piolo Pascual ay ire-release rin ng Warner Bros.

GF mo, Khalil, umamin… GABBI, NAHIRAPANG MAG-MOVE ON KAY RURU

ni Beth Gelena @Bulgary | Oct. 23, 2024

Photo: Gabbi Garcia at Ruru Madrid - Instagram

Ayon kay Gabbi Garcia, nahirapan umano siyang mag-move-on noon kay Ruru Madrid. Inamin niyang si Ruru ang kanyang first love at first boyfriend niya.

Ang pag-amin ng Kapuso actress ay sa programa ni Kuya Boy Abunda na Fast Talk with Boy Abunda (FTWBA) kung saan guest ang girlfriend ni Khalil Ramos. 

May tanong si Kuya Boy na ang isasagot lang ay guilty or not guilty.

Ang tanong, “Guilty or not guilty, nahirapan mag-move on?”

Ang sagot agad ng aktres, “Guilty.”

Pagkaklaro ni Gabbi, si Ruru raw kasi ang kanyang first love kaya nahirapan daw talaga siyang mag-move on.

Tanong pa ni Kuya Boy, kung okey lang daw ba kay Khalil na ma-mention ang name ni Ruru?

Sagot ni Gabbi, okay lang. 

Aside from the question about moving on, Gabbi also answered questions on what she likes Khalil doing for her and vice-versa. 

---

Guest ng Team Vice Ganda ang SB19 sa kanilang Monday Magpasikat Ka 2024.

Ayon kay Meme Vice, “Hindi sila nagpabayad.” 

Ang team nina Vice, Karylle at Ryan Bang ang unang nag-perform for the 15th anniversary celebration ng Kapamilya noontime show. Ang kanilang theme ay tungkol sa “hope”. Ibinahagi nila ang hope na gusto nila.

Aside sa SB19 na kinanta ang Liham ay guest din ang two-time Olympic gold medalist na si Carlos Yulo at si Awra Briguela.

May kinuha rin silang ordinary people na may mga ‘sana’ na gustong mangyari sa buhay. Napaka-emotional ng kanilang performance. 

Ani Meme Vice sa P-Pop SB19, “Ang dami n’yo nang na-achieve at sa sobrang husay ninyo, sa edad ninyo, ang dami n’yo pang puwedeng i-look forward because you guys are limitless, sobrang galing ninyo, kaya congratulations!”

Sey din ni Vice Ganda, “Hindi po sila nagpabayad, ayaw nilang tumanggap ng bayad.”

---

NAG-REACT si Marian Rivera sa ipinost ni Jennica Garcia ukol sa kanyang pelikula, ang Balota. Agad nagkomento ang Kapuso actress sa comments section ng socmed (social media) page ni Jennica. 

Aniya sa IG post, “Nanood ng last full show kagabi, 10:30 PM sa SM Mega Mall kahit 6 AM gigising the next day dahil kay @marianrivera.”

“Ay sus, salamat sa suporta!” saad naman ni Marian.  

Komento pa ni Jennica, “Gulat ako! Congratulations po sa lahat ng bumubuo ng #Balota, napakatapang na pelikula. Sobrang husay mo Ate Yan!!! ‘Pag fear, FEAR. ‘Pag pain, PAIN. ‘Pag rage, rage. ‘Yung switching ng emotions, ang lala. Marian Rivera nga kasiiii… Not GMA’s Queen for nothing. Congratulations po ulit.”