Kaya join na bilang Calendar Girl ng alak… KIM: LIFE IS SHORT, ENJOY LANG!

ni Beth Gelena @Bulgary | Dec. 2, 2024

Photo: Kim Chiu - Instagram

Ibinahagi ni Kim Chiu ang behind-the-scenes look ng kanyang Calendar Girl shoot. Ipinost ni Kim sa kanyang Instagram (IG) account ang video with clips of her modelling for the different layouts for Tanduay’s 2025 calendar.

Ani Kim, “Becoming a Tanduay Calendar Girl is such a powerful moment for me, it’s more than just being part of a calendar; it’s about breaking barriers, owning my confidence, and celebrating every step of my journey.”

Dagdag pa niya, “I’m grateful for things that are happening to me, I’m just very lucky to experience this in this lifetime. Every step of this journey is exciting and surprising.

“Celebrate life kasi parang ang iksi na ng buhay, hindi mo alam, inire-reserve mo ‘yung big celebrations for a big event. Hindi ka aabot du’n, ‘wag naman sana! Pero siyempre, isine-celebrate bawat wins mo in life.”

Ang ibang celebrities na naging Tanduay Calendar Girls ay sina Kylie Versoza, Bea Alonzo, Ivana Alawi, Ellen Adarna, Jessy Mendiola, Heart Evangelista, at ang pinalitan niya last year na si Julia Barretto.

---

ANG sexy ng suot ni Maris Racal nang um-attend ng media launch ng bago niyang action serye na Incognito sa pangunguna nina Richard Gutierrez at Daniel Padilla.

Kasama rin sa serye ang ka-love team ni Maris na si Anthony Jennings at sina Kaila Estrada, Baron Geisler at Ian Veneracion.

Sa teaser pa lang na ipinakita ng Star Creatives ay masasabing pinaghandaan at ginastusan ang production cost ng Incognito.

Well, ang dami ngang nakapansin sa seksing suot ni Maris.

Paliwanag niya, “Napunit po kasi ang damit ko sa may gate, ginawan na lang po ng paraan. And thank God, maganda naman ang kinalabasan.”

Anyway, ang MaThon (Maris-Anthony) ang nakakapagbigay ng icebreak sa buong cast. Ang role ni Maris ay isang spy na si Gabriela. Lahat ay kanyang ginagawa makakuha lang ng info sa mga kalaban kahit may times na pati ang sarili niya ay kanyang ipinapain.

Ang role naman ni Anthony ay may kulang sa pag-iisip na si Tomas. Hindi raw siya nakagradweyt pero isinama sa grupo ng mga private military.

Ayon kay Anthony, nag-e-enjoy siya sa kanyang role dahil marami siyang first time na na-experience sa Incognito.

Sey naman ni Maris, challenging sa kanya ang pagiging spy. Ibang-iba raw sa karakter nila sa Can’t Buy Me Love (CMBL) bilang sina Irene at Snoop, kung saan nabuo ang kanilang love team na SnooRene.

Kapansin-pansin na tila at ease na sa isa’t isa ang dalawa. 

Hindi pinayagang mainterbyu nang one-on-one ang mga cast na nakaupo sa panel. Pero lahat sila ay enjoy naman sa kani-kanilang karakter. 

Dumaan daw silang lahat sa masinsinang pagte-training na umabot ng four months.

Ang Incognito ay unang mapapanood sa January 17, 2025 sa Netflix. Mapapanood din ito sa iWantTFC at sa free TV.

Ala-Rommel at Robin… DANIEL, PROUD NA ACTION STAR NA RIN

ni Beth Gelena @Bulgary | Dec. 1, 2024

Photo: Daniel Padilla - IG @supremodp

First time humarap ni Daniel Padilla sa press people magmula nang mag-break sila ng 11 years girlfriend na si Kathryn Bernardo sa mediacon ng Incognito.

Ang Incognito ay ang action serye niya with Richard Gutierrez, Ian Veneracion, Kaila Estrada, Baron Geisler at ang isa sa mga hottest love teams ng taon na sina Maris Racal at Anthony Jennings. 

Ang lakas ng dating ng mga action scenes ng bagong action seryeng ito ng Star Creatives.

Natanong si Deejay kung papa'no siya nakumbinse na gawin ang nasabing action serye samantalang mas napapanood siya ng mga fans sa mga romantic and comedy project. Ani Deejay, “Iba ito sa mga una ko nang nagawa. It’s a new for me and masaya ako dahil ibang experience ito para sa ‘kin.”

Aniya pa, “Puwede ko na rin itong ipakita sa aking ama na isa ring kilalang action star.”

Ang Padilla pamilya kasi ay kilala bilang mahuhusay sa aksiyon. Tulad ng ama ni Deejay na si Rommel Padilla, lalung-lalo na ang tiyuhin niyang si Robin Padilla. Si Robin ay mas nakilala sa aksiyon na may temang pa-comedy pa.

Napag-alaman din namin na sina Ian at Richard ang nag-convince na gumawa sila ng aksiyon.

May trivia pa ring sinabi si Richard. Aniya, nagkita sila sa isang party at nagkausap. Nabanggit daw niya kay Deejay na "Gawa tayo ng aksiyon one time."

Hindi raw akalain ni Richard na matutupad agad 'yun.

Anyway, ang agang natapos ng mediacon ng Incognito. Hindi na kasi nagpaunlak ang ABS-CBN na mag-one-on-one interview ang mga lead stars.

Ang dami tuloy nanghinayang lalo na at hot topic ang dalawang actors na sina Deejay at Richard.

Iginalang naman ng press people ang desisyon ng network.

Well, sana sa next mediacon nila ay pumayag na silang mainterbyu ang kanilang mga

artista.

Unang mapapanood ang Incognito sa January 17, 2025 sa Netflix. Mapapanood din ito sa iWantTFC at sa free TV.

First time ring napanood ng all cast ang pinaghirapan nilang action serye na ang ibang eksena ay sa Italy pa kinunan.

Lahat sila ay na-amaze sa trailer na ipinakita dahil sa ganda ng pagkakagawa.

Komento ng netizen, “Ang ganda!!!"

"Bagay si Daniel sa action, in fairness. At least solo era na s’ya, hindi puro pakilig lang. Galing na galing silang lahat talaga kay Daniel sa action. Angas nu'ng Kaila sa action scenes, pero 'yung pagtakbo, takbong mahinhin. Hehehe!”

Pansin naman ng isang commenter, “Ba't parang nalosyang na si Daniel? Dapat dito, nagpapaguwapo, eh.”

"He definitely lost his shine.”

---

Jampacked ang concert ni JK Labajo na ginanap last November 29 sa MOA Arena.

Napakasimple ng concept na ginawa ni Direk Paolo Valenciano. Ang suwerte ng mga taong nasa labas ng MOA Arena dahil nakita nilang kumakanta si JK. 

Nakipagsabayan talaga ang former The Voice Kids (TVK) product sa mga may concert din na may big names that night.

Guest ng singer sina Janine Berdin, Gloc 9, Moira dela Torre, Zid, at si Paolo ng Ben & Ben.

Komento nga ng aming colleague na si Jojo Panaligan, “Maraming pinalagan na concert norms si JK Labajo tonight na mapapailing ka na lang habang nakangiti at binabalik-balikan ang mga kaganapan, on your way out and home. What an artist. Matapang.”

Marami rin kaming narinig nang maglabasan na ang audience after the show.

“Grabe! Iba ang atake ni JK. Made na nga s’ya as a good performer.”

“He’s a versatile artist. Walang-wala 'yung isang kasabayan niya noon sa The Voice Kids (huh, sino kaya ang tinutukoy nila?)"

Anyway, congratulations, JK and Nathan Studios Team na producer ng first major concert ng singer. 

Para i-announce na magdyowa na… HEAVEN AT MARCO, TODO-DISPLEY NG YAKAPAN AT HALIKAN SA SOCMED

ni Beth Gelena @Bulgary | Nov. 30, 2024

Photo: Marco at Heaven - Instagram

Nagpalitan na ng “I love you” sina Heaven Peralejo at Marco Gallo sa socmed (social media).

Para sa mga netizens, ipinaalam na nila officially na sila ay couple thru socmed post.

Sa ishinare ng actor kung saan black and white ang kanilang photos, sweet na naka-pose si Marco sa actress. Lahat ng kanilang larawan ay magkayakap ang mga kuha at may photo pang hinahalikan ni Marco si Heaven sa cheek na ginagantihan din ng halik ng aktres.

Nagpapalitan din sila ng sweet messages sa comments section ng post ng actor.

“Happy 25th birthday, Mahal. Can’t be more proud of you,” ani Marco sa comments section of his post. 

“I love you. Wish you were here,” ang sagot naman ni Heaven.

“@heavenperalejo I love you too,” sagot uli ni Marco. 

Natuwa ang kanilang mga fans sa paglantad nila that they were “Instagram official.” 

Komento ng ibang netizens (as is)...

“@heavenperalejo Juskolorrddd, Paano kumalma? grabe!!!! Help us pls???”  

“@heavenperalejo Mahal na mahal ko kayo, sobra!!! Grabe, Ven (Heaven). Bday na bday mo pero pinapaiyak nyo kami sobra!!! Ang saya saya ko para sa inyo, the best bday of you, Ven as in.”

“@marcogalloc Waaaaahhhhhhh! sandali lang naman.” 

“@heavenperalejo Happy birthday, mahal ni Galloo.”    

“@heavenperalejo Ang tagal naming hinintay ‘to. We love you, MarVen (Marco at Heaven),” sey pa ng isang fan.

---

Si Jake Ejercito ang naging punong-abala sa pagbibigay ng party sa anak nila ni Andi Eigenmann na si Ellie para sa 13th birthday nito.

Sa kanyang uploaded videos sa Instagram (IG) page, ibinahagi ng aktor ang highlights ng birthday party ng anak. Mahaba ang caption na isinulat ng aktor.

Sey niya, “THIRTEEN. I’ll probably never stop wishing I could keep my baby girl as my baby girl forever, but the truth is, I also can’t wait to witness you grow - wiser, kinder, bolder, and even more beautiful.

“Though you’re already an incredibly smart and thoughtful young lady, there’s so much more coming your way. The next couple of years could be the best and most exciting of your life, but you’ll also discover new pains and the tough realities of this world. So if the unknown gets a little too scary, keep faith and keep close. And endlessly bask whenever the sun shines.

“As always, just right here next to you through it all. Happy bday (birthday), my baby girl.”

Ang nakaka-touch sa celebrity parents ni Ellie ay nang sabay silang magbigay ng birthday message sa birthday girl na teen-ager na ngayon. 

Magkasama sa isang frame sina Jake at Andi nang magbigay ng heartfelt message sa kanilang anak. Ani Jake Ejercito, no matter what she chooses in the future, they will be there. Andi Eigenmann also gave a heartwarming speech for her daughter, touching the hearts of countless netizens.

---

‘Di raw bagay mag-action, pa-cute lang…

BARBIE, PINATAY NA SA SERYE NI COCO

Barbie Imperial - Batang Quiapo scene

Ang daming nagtatanong kung tuluyan na bang matsutsugi si Barbie Imperial bilang si Tisay sa Batang Quiapo (BQ)?

Sa episode kamakailan ay nagpang-abot na ang grupo ni Coco Martin a.k.a. Tanggol at ang grupo ni Tisay na kinabibilangan nina William Martinez, Anjo Yllana at Maverick Relova. Grupo sila ng carnapper sa pamumuno ng mag-amang Tisay at William.

Kinarnap nila ang magagandang sasakyan nina Tanggol, sinundan nila ang mga ito at nagkabarilan.

Nadedo ang grupo kasama si Tisay.

Ang tanong ng mga manonood, tuluyan na nga bang mawawala ang karakter ng aktres?

Sa unang pasok kasi noon ni Barbie ay dalawang episode lang siya pumasok at matagal na nawala dahil sumama siya sa pagsu-shoot nina Richard Gutierrez sa Italy para sa Incognito with Daniel Padilla.

Fake news ang pagkawala ni Barbie sa BQ at nakabalik siyang muli.

But this time, ipinakita namang binaril siya ni Divina (Rosanna Roces) dahil babarilin niya si Madonna (Kim Domingo).

Nanghinayang si Tanggol nang makitang nakahandusay na si Tisay.

Ayon sa mga commenters, malamang daw na mabubuhay si Barbie.

Samantala, ang komento naman ng iba, hindi bagay kay Barbie ang action-serye, mas okey lang daw ito sa pa-cute-cute at drama. Mabuti pa raw si Kim, tila sanay nang humawak ng baril dahil nag-training daw talaga ang Kapuso actress.

Puna lang nila, “Hindi ba nagpapalit ng kasuotan si Madonna?”

Well, hintayin na lang natin kung lalabas pa ang karakter ni Tisay o magbibigay muli ng pahayag ang aktor/direktor tungkol sa role ni Barbie Imperial.

---

Ibang-iba kay Ivana na nakakatulong… ZEINAB, PURO FLEX AT YABANG LANG DAW ANG ALAM

Ibinida ni Ivana Alawi ang kanyang Moana transformation.

Sa Instagram (IG) ni Ivana ay ibinahagi niya ang lovely video ng panggagaya niya sa cartoon disney na si Moana. Ini-lip sync din niya ang kanta ni Moana.

Reaksiyon ni Zeinab Harake, “Ganda, ganda!”

“Waiting sa ‘yo!!!” sagot naman ni Ivana.

Isang commenter ang tila may galit na nagkomento sa reaksiyon ni Zeinab.

Aniya, “@zeinab_harake True. Ang ganda, na nakatutulong pa sa iba, ano? Eh, ikaw? Puro flex at kayabangan sa social media.”