Bago ni Richard, gamit na gamit daw… BARBIE, PUMALAG SA MGA NAGPAPAYAMAN SA PANINIRA SA KANYA

ni Beth Gelena @Bulgary | Oct. 5, 2024

Hindi na nakapagpigil si Barbie Imperial, inalmahan na ang mga socmed (social media) pages na ginagamit siya para tumaas ang engagement. 

May karapatang umalma ang aktres dahil mas marami ang negative na naisusulat at naire-report tungkol sa kanya, na karamihan naman ay hindi totoo.

Sey ni Barbie, “Ang daming pages ngayon na puro negativity ang ipino-post. Worse puro kasinungalingan para lang umangat ang engagements at kumita ng pera gamit ang paninira.”

Naiintindihan naman daw ni Barbie na dapat kumita ang bawat tao, pero sana raw, hindi sa paninira at kasinungalingan ang ire-report.

“Nage-gets ko naman na kailangang kumita ng pera, sana sa paraang hindi magsisinungaling,” dagdag pa ni Barbie.

Nagpaalala rin si Barbie sa mga netizens na maging careful sa pagla-like at pagko-comment dahil pinayayaman lang nila ang mga may-ari ng mga socmed pages. Ang masakit pa nito, marami ang naniniwala sa mga maling napapanood o nababasa.

Umingay uli ang pangalan ni Barbie mula nang ma-link kay Richard Gutierrez at ang sama ng mga comments ng ibang netizens na hindi naman alam ang tunay na nangyari kina Richard at Sarah Lahbati. 

Si Barbie Imperial ang sinisisi ng iba sa pagkasira ng marriage nina Richard at Sarah, eh, wala nga naman siyang kinalaman du'n.

---

Very hands on daw…

RIA, PROUD KAY ZANJOE BILANG AMA

NAG-POST si Ria Atayde ng video clip ng kanyang mag-ama sa kanyang Instagram (IG) Story kung saan makikita si Zanjoe Marudo na karga ang baby boy nila. 

Pinaaarawan ni Zanjoe ang baby boy nila at kita ang tingin nito sa anak na puno ng pagmamahal. Ini-repost naman ni Zanjoe ang post ni Ria. 

Proud si Ria sa pagkakaroon ng husband gaya ni Zanjoe at “great father” pa nga ang tawag niya rito dahil hands-on sa paghahanda ng baby stuff bago pa man niya isinilang ang first baby nila.

Suwerte rin sa kanila ang kanilang baby boy dahil may bagong project si Zanjoe Marudo sa ABS-CBN, produced ng Dreamscape Entertainment, ang Incognito.

---

May go signal naman daw… 

JON, NAGPAALAM SA INC BAGO 'NANG-RAPE' 

KAHIT naipalabas na ang episode ni Jon Lucas sa Regal Studio Presents last Sunday, kasama pa rin siya sa ipinainterbyu ng Regal. 

Rom-com ang episode na tinampukan nina Jon at Faith da Silva. Nagpakilig si Jon na sa Black Rider (BR) ay kinainisan ng mga viewers sa sobrang sama ng karakter bilang si Calvin Magallanes.

Napatunayan ni Jon na puwede rin siya sa rom-com at sa mga karakter na hindi pumapatay, hindi nangre-rape at hindi laging galit. Nag-enjoy siya sa Stuck On You (SOY) and also working with Faith, tatanggapin niya kung may ibigay pa sa kanyang ganitong project ang Regal at GMA.

Nabanggit ni Jon na dahil INC siya, kinailangan niyang ipagpaalam sa mga nakatataas ang gagampanang role sa BR. Sobrang sama ng karakter — nang-rape siya, walang habas kung pumatay at lumalaban sa tama.

Binigyan naman daw siya ng basbas na gampanan ang karakter ni Calvin at gawin ang mga eksenang puro kasamaan. Naintindihan daw ng INC na trabaho lang 'yun.

“Kung ‘di sila pumayag, ‘di ko gagawin ang puro kasamaang eksena na ‘yun. Kaya, nagpapasalamat ako sa INC. Nailabas ko ang ine-expect sa ‘kin ng aking mga directors at co-stars,” ani Jon.

Kung papipiliin, action ang gustong project ni Jon, pero okey din sa kanya ang rom-com para malaman ng mga fans na hindi lang siya pang-kontrabida. Kahit daw may asawa at mga anak na siya, marunong pa rin siyang magpakilig.

Anyway, mapapanood ang Regal Studio Presents every Sunday, 4:15 PM sa GMA-7. Three years na itong tumatakbo at magtatagal pa dahil marami pang story na gustong ikuwento ang mga nasa likod ng show.

May helipad para sa parking ng chopper… WILLIE, BUMILI NG P1B CONDO SA BGC

ni Beth Gelena @Bulgary | Oct. 3, 2024

May bago umanong biniling property si Willie Revillame na located sa Bonifacio Global City (BGC) worth P1 billion.

Isa si Kuya Wil sa mga richest celebrities in the Philippines with other billionaire personalities such as businessman Manny Villar, Megastar Sharon Cuneta, and legendary boxer Manny Pacquiao.

Lahat ng kung anong meron ang TV host ay pinaghihirapan niya, tulad ng luxury cars such as Bentley, Ferrari at dalawang Rolls Royce, mansion sa isang exclusive subdivision sa Quezon City, mga paintings na nagkakahalaga nang milyun-milyon, yacht, private jet, private helicopter, atbp.. 

May private resort at mansion din si Kuya Wil sa Puerto Galera.

Karagdagan sa kanyang properties ngayon ay ang high-end residential hotel nga sa BGC.

Binili umano niya ang buong 49th floor at ang penthouse. Ang bagong property ay nasa 800 square meters with the 49th floor having six rooms. Ang bagong investment ay under renovation umano. 

Plano umano niyang tirahan ang penthouse na may helipad para convenient sa kanya, because he has his own chopper. For rental naman umano ang 49th floor.

---

MAY ibinahaging larawan ng 54-year-old actress na si Gretchen Barretto ang dalawang hairstylists at make-up artists ng mga celebrities na sina Mark Qua at Aries Manal sa kanilang Instagram account. 

Napa-wow ang mga netizens sa  youthful looks ni La Greta.

“So nice to see you again, La Greta (Gretchen),” ani Manal sa caption.

Aside from the beautiful snaps, the two stylists shared reels of Barretto who seemed to be preparing for a photo shoot.

Maging sina Heart Evangelista, Bea Alonzo at Anne Curtis ay hindi napigilang ma-amaze sa larawan ng beteranang aktres.

Matagal na ring hindi aktibo si La Greta sa socmed (social media) platforms para raw makapag-focus sa kanyang personal life.

“There’s more peace because I don’t have to keep on checking on Instagram what’s this person doing, and what's going on. 

“I am more productive, I can do things that are more important to me rather than what’s important to show,” pakli niya.

Dagdag pa niya, “I am relevant, with social media or not. It’s not something that you can just erase because you don’t have social media. In fact, I believe I am more relevant because people don’t know where I am and what I am doing.

“I am in a different world now, I can let go. You have to let go of what does not serve you anymore.” 

Wow, puwede pala ‘yun?

---

SASABAK na rin sa pulitika ang actor na si Marco Gumabao. Sa kanyang Instagram page ay may mensahe ang actor ukol sa kanyang pagtakbo sa pulitika.

Kasama ang actress-girlfriend na si Cristine Reyes ay nag-file na ng candidacy ang actor bilang representative ng 4th District ng Camarines Sur.

Aniya, “Today marks a new journey. Para sa ‘kin, simula ‘to ng isang malaking yugto sa aking buhay. Panibagong simula na sigurado akong makakagawa ng malaking epekto, hindi lang para sa sarili ko, kundi sa buong 4th District ng CamSur. Buo ang loob ko na lumaban para sa pagbabagong matagal nang inaasam, pagbabagong matagal na dapat ipinaramdam sa partido.

“As a Christian, I believe that we are called in this world to be of service to others and not to be served. Mark 10:45. Ako po si Marco Imperial Gumabao, at sisiguraduhin ko, na ang serbisyo ang laging mangingibabaw,” wika pa nito.

Ang CamSur ay balwarte ng boyfriend ni Yassi Pressman na si Gov. Luigi Villafuerte.

Kaya join na rin daw sa TikTok… COCO: PARA ‘TO SA KINABUKASAN NG LAHAT NG PILIPINO

ni Beth Gelena @Bulgary | Oct. 2, 2024

Aliw ang pagpo-promote ni Coco Martin para sa kanyang TikTok account.

Join na rin si Tanggol ng Batang Quiapo (BQ) sa TikTok na nakalikom ng higit 68,000 followers sa loob ng anim na oras at mahigit 200,000 na sa kasalukuyan. Inanunsiyo ni Coco ang desisyon sa kanyang verified account na @cocomartinofficial, at ang kanyang unang video ay umani ng mahigit 6.6 million views at higit 400,000 likes.

Bago ang TikTok, mayroon nang mahigit 486,000 followers ang kanyang Facebook (FB) page at 396,000 followers sa Instagram (IG).

Kakaiba ang pag-anunsiyo ni Coco ng kanyang pagpasok sa TikTok, aakalain ng mga netizens na magsasalita ang actor para sabihing tatakbo siya sa pulitika.

“Matagal ko pong pinag-isipan ito at ngayon, desidido na ako. Gagawin ko ito para sa kinabukasan ko, sa kinabukasan ng aking pamilya at sa kinabukasan ng lahat ng mga Pilipino,” aniya sa kanyang video. 

Dagdag pa niya, maraming tao ang nagkumbinse sa kanya, “Kaya ano pa ang hinihintay n’yo, i-follow n’yo na ako.” 

Hahahaha!

---

AYAN, lumabas na rin ang totoo na magkasama sa Italy sina Richard Gutierrez at Barbie Imperial dahil sa lumabas na photo nila na kuha sa Manila Restaurant na maaaring pag-aari ng isang Pinoy na roon na naka-based. 

Dahil d’yan, kani-kanyang opinyon ang mga netizens. 

“Ano kaya’ng meron kay Barbie at nagustuhan ni Richard, ‘no? ‘Di ba s’ya nahihiya sa mga anak n’ya? Same with Barbie, maganda naman siya pero of all people, why Richard?”

“For R naman, I guess youth? At madali ma-control kasi nga bata plus maganda as you said. Pero palaisipan pa rin sa ‘kin, and no offense kay B, pero what do they even talk about? From Georgina (Wilson) to Sarah (Lahbati) na let’s be honest, mas may class and appeal.”

“Nagsawa na s’ya sa class at appeal.”

“How did you know? Have you talked to both of them? Baka nga it’s the other way around? Men and also women prefer to be with someone who they can share laughter with, that’s even the secret ingredient to a long lasting relationship - humor. Minsan sa totoo lang, ang hirap makipag-relationship sa mga pa-deep na tao, “classy” or super serious based from my experience, mas masarap to be with someone who you can be with your silly self.”

“Yes, maganda si B pero sa true, walang laman.”

Hala, grabe naman!

---

NAG-CELEBRATE si Robi Domingo ng kanyang 35th birthday kamakailan. Meron siyang video kung saan may emotional message ang TV host. Birthday wish para sa sarili ang nasabing video na magkaroon na sana siya ng anak which is alam niyang hindi pa matutupad dahil sa kondisyon ng kanyang misis.

Aniya, handa na raw siyang maging ama, pero sa kondisyon ni Maiqui na may autoimmune condition ay hindi pa pupuwede.

Ipinauubaya na lang daw nila kay God ang pagkakaroon ng anak.

Last year, ini-announce ni Robi ang kondisyon ni Maiqui but despite this, nagpakasal pa rin sila. 

“My plan in the next five years is to be a better houseband and husband. And hopefully next year, when the Lord permits it and when her [Pineda’s] condition permits it – depende sa clearance ng doctors – I hope to introduce you to a baby Robi or baby Maiqui, or why not twins?” 

Maraming mga netizens ang nag-react sa kanyang sinabi dahil pressure raw ito kay Maiqui, pero ang iba naman ay naiintindihan ang kanyang feeling.

Para naman kay Maiqui, ang video na ginawa ng kanyang mister ay no issues at all which she has already mentioned before.