P1.2 M marijuana at P1 M shabu, nasabat sa Benguet at Bohol

ni Mary Gutierrez Almirañez | June 4, 2021

Limang magkakahiwalay na plantasyon sa Benguet ang sinuyod ng mga awtoridad, kung saan 6,300 tanim ng marijuana o nagkakahalagang P1.2 million ang sinira ng Philippine National Police (PNP) at Philippine Drug Enforcement Agency (PDEA) nitong Huwebes, ayon kay PNP Chief Police General Guillermo Eleazar.

Sabi pa ni Eleazar, "As part of Cleanliness in the Community aspect of our Internal Cleanliness Policy, our marijuana eradication operation nationwide will continue.”

Samantala, mahigit 150 gramo o nagkakahalagang P1,020,000 shabu naman ang nasabat ng PNP at PDEA sa Tagbilaran City, Bohol mula sa 51-anyos na si Palawan Macaorog.

“The Philippine National Police will continue to strengthen its operational capacity to step-up the campaign against illegal drugs in the country under our Intensified Cleanliness Policy,” giit pa ni Eleazar.

Dagdag niya, “We will never lower our guard against the drug syndicates, rather we will reinforce our coordination with our partner agencies especially with the Philippine Drug Enforcement Agency that has been at the forefront of this war on drugs.”

Dine-in resto, tourist spots at outdoor sports, oks na sa NCR Plus at iba pang lugar

ni Mary Gutierrez Almirañez | May 14, 2021

Inilabas na ng Inter-Agency Task Force (IATF) ang mga bagong guidelines na ipatutupad sa ilalim ng general community quarantine (GCQ) ‘with heightened restrictions’ sa NCR Plus Bubble at iba pang lugar simula May 15 hanggang 31, ayon sa inianunsiyo ni Presidential Spokesperson Harry Roque kagabi.

Kabilang sa pinahihintulutan ay ang mga sumusunod:

• 20% capacity sa mga indoor dine-in services at 50% capacity sa outdoor o al fresco dining

• 30% capacity sa mga outdoor tourist attraction

• 30% capacity sa mga personal care services, katulad ng salon, parlor at beauty clinic

• 10% capacity sa mga libing at religious gathering

• Pinapayagan na rin ang outdoor sports, maliban sa may physical contact na kompetisyon

Mananatili pa rin namang bawal ang mga sumusunod:

• entertainment venues katulad ng bars, concert halls, theaters

• recreational venues, katulad ng internet cafes, billiard halls, arcades

• amusement parks, fairs, playgrounds, kiddie rides

• indoor sports courts

• indoor tourist attractions

• venues ng meeting, conference, exhibitions

Higit sa lahat, bawal magtanggal ng face mask at face shield kapag nasa pampublikong lugar. Bawal ding lumabas ang mga menor-de-edad at 65-anyos pataas, lalo na kung hindi authorized person outside residency (APOR).

Patuloy pa ring inoobserbahan ang social distancing sa kahit saang lugar at ang limited capacity sa mga pampublikong transportasyon.

Maliban sa Metro Manila, Bulacan, Rizal, Cavite, at Laguna ay isasailalim din sa GCQ ang Apayao, Baguio City, Benguet, Kalinga, Mountain Province, Abra, Cagayan, Isabela, Nueva Vizcaya, Batangas, Quezon, Puerto Princesa, Iligan City, Davao City, at Lanao del Sur hanggang sa katapusan ng Mayo.

Mananatili naman sa modified enhanced community quarantine (MECQ) ang Santiago City, Quirino, Ifugao, at Zamboanga City.

3 plantasyon ng marijuana, ni-raid ng mga pulis

ni Twincle Esquierdo | November 25, 2020

Isang plantasyon ng marijuana ang natuklasan ng mga awtoridad sa Sitio Basi sa Kibungan, Benguet nitong Martes.

Ayon sa Kabungan Municipal Police, nagsagawa ang PDEA at pulisya ng operasyon matapos makatanggap ng impormasyon hinggil sa umano'y 500 square meters na bakanteng lote na sinasabing nagsisilbing marijuana plantation.

Tumambad sa kanila ang 5,000 tanim na marijuana na nagkakahalaga ng P500,000. Agad nila itong binunot at sinunog. Nadiskubre rin ng pulisya ang dalawang marijuana farm sa Sitio Lepsik at Sitio Mabilig sa Bgy. Kayapa.

Agad din nilang binunot at sinunog ang 1,160 tanim na marijuana na tinatayang nagkakahalaga naman ng P232,000.

Ayon sa mga pulis, patuloy nilang iimbestigahan kung sino ang nasa likod ng mga nasabing marijuana plantation.