Patay sa baha sa Germany at Belgium, 170 na

ni Ronalyn Seminiano Reonico | July 18, 2021

Umakyat na sa 170 ang bilang ng mga nasawi sa matinding pagbaha sa Germany at Belgium na sumira sa maraming kabahayan at imprastruktura. Tinatayang aabot sa 143 ang nasawi sa Germany kabilang na ang 98 na mga namatay sa Ahrweiler district south ng Cologne, ayon sa awtoridad.

Daan-daang katao rin ang nawawala pa at dahil sa mataas na lebel ng tubig sa ilang lugar ng bansa, mahina rin ang communication access.

Personal namang binisita ni German President Frank-Walter Steinmeier ang Erftstadt sa North Rhine-Westphalia kung saan aabot sa 45 katao ang nasawi sa insidente. Aniya, "We mourn with those that have lost friends, acquaintances, family members.

"Their fate is ripping our hearts apart." Ayon sa awtoridad, aabot sa 700 residente ang inilikas noong Biyernes matapos masira ang dam sa Wassenberg malapit sa Cologne.

Ayon kay Steinmeier, posibleng abutin ng ilang linggo bago malaman ang kabuuang pinsala ng pagbaha at aniya, bilyun-bilyon ang kakailanganin upang maayos ang mga ito. Umakyat naman sa 27 ang kumpirmadong nasawi sa Belgium, ayon sa National Crisis Centre.

Nasa 103 katao naman ang "missing or unreachable." Ayon sa awtoridad, maaaring hindi lamang makontak ang ilang residente dahil hindi nai-charge ang mga mobile phones o maaaring kabilang sa mga isinugod sa ospital na wala pang identity papers.

Binisita naman nina Belgian Prime Minister Alexander De Croo at European Commission President Ursula von der Leyen ang ilang apektadong lugar noong Sabado. Samantala, patuloy pa ring nagsasagawa ng search, rescue and clearing operations sa insidente.

Patay sa baha sa Germany at Belgium, higit 126 na

ni Ronalyn Seminiano Reonico | July 17, 2021

Umabot na sa mahigit 126 ang nasawi sa matinding pagbaha sa western Germany at Belgium, ayon sa opisyal at patuloy pa ring nagsasagawa ng rescue operations.

Ayon sa ulat, umabot sa 106 ang nasawi sa Germany habang tinatayang nasa 1,300 naman ang nawawala.

Libu-libong residente rin ang nasiraan ng bahay at nasa 900 sundalo na ang ipinadala ng pamahalaan upang tumulong sa rescue at clearing operations.

Sa Rhineland-Palatinate, 63 ang nasawi kabilang na ang 12 residente ng care home para sa mga may kapansanan habang 43 naman ang namatay sa North Rhine-Westphalia ngunit ayon sa opisyal, posibleng tumaas pa ang death toll.

Saad pa ni Interior Minister for Rheinland-Palatinate Roger Lewentz, "When emptying cellars or pumping out cellars, we keep coming across people who have lost their lives in these floods."

Sa Belgium naman, 20 na ang naitalang nasawi at dalawampu ang bilang ng mga nawawala.

Ayon kay Belgian Prime Minister Alexander De Croo, nasa 20,000 katao ang apektado ng kawalan ng kuryente at lubog pa rin umano sa baha ang ilang lugar.

20 estudyante, nagpositibo sa Indian variant ng COVID-19

ni Mary Gutierrez Almirañez | April 23, 2021

Dalawampung Nursing students galing Paris ang nagpositibo sa Indian variant ng COVID-19 pagkarating nila sa Belgium nitong ika-12 ng Abril, batay sa kumpirmasyon ni Belgian Commissioner Pedro Facon kahapon.

Ayon sa ulat, lumabas ang resulta ng B.1.617 variant makalipas ang limang araw na pamamalagi ng mga estudyante sa Aalst, Leuven, hilagang bahagi ng Belgium, kung saan sila naka-quarantine at naka-assign para mag-training.

Ayon pa sa tweet ni Catholic University of Leuven Microbiologist Emmanuel Andre, "These students have been respecting strict isolation since their arrival. Twenty of the 43 students are as of today infected by the 'Indian' variant."

Gayunman, nangangamba pa rin ang ilang eksperto sa posibilidad na naipasa ng mga ito ang virus sa ibang biyahero na nakasabay sa biyahe at maaaring makapagdulot ng mabilis na hawahan.

Sa ngayon ay patuloy ang contact tracing sa mga naging close contact ng 20 estudyante.

Matatandaang una na ring iniulat ang Indian COVID-19 variant sa United States, Australia, Israel at Singapore.

Samantala, kanselado muna ang mga flights galing India papuntang Canada sa loob ng 30 days upang maiwasan ang hawahan sa COVID-19.