PH bet Kathleen Paton wagi bilang 2022 Miss Eco International

ni Jasmin Joy Evangelista | March 18, 2022

Nasungkit ng pambato ng Pilipinas na si Kathleen Paton ang korona sa 2022 Miss Eco International na ginanap sa Triumph Luxury Hotel sa Egypt ngayong March 18 (Manila Time).

Ito na ang ikalawang korona ng bansa matapos manalo ni Cynthia Thomalla noong 2018.

Nakapagtala rin ang Pilipinas ng back-to-back first runner-up finish sa mga pambatong sina Maureen Montagne at Kelly Day noong 2019 at 2021.

Walang pageant na ginanap noong 2020 dahil sa COVID-19 pandemic.

Ang Miss Eco International ay ang ikalawang global beauty title ni Paton. Siya ay kinoronahan din bilang Miss Teen International noong 2017.

Pumasok si Paton sa Top 21 spot matapos matapos makuha ang Best in Eco Video award.

Itinanghal naman bilang 1st runner up si Miss Belgium kasunod sina Miss USA, Miss Spain, at Miss Malaysia.

Bilang 2022 Miss Eco International, si Paton ay bibigyan ng oportunidad na magsilbi bilang United Nations ambassador for the environment.

Pambato ng ‘Pinas sa Miss World, bigo na masungkit ang korona

ni Jasmin Joy Evangelista | March 17, 2022

Nabigo ang pambato ng Pilipinas na masungkit ang korona sa 70th Miss World na si Tracy Perez na ginanap sa Puerto Rico ngayong Huwebes (Manila time).

Umabot lamang sa Top 13 si Perez.

Ang mga kandidatong nakapasok sa Top 6 ay ang mga sumusunod:

• USA

• Poland

• Indonesia

• Mexico

• Norther Ireland

• Cote d'Ivoire

Hindi man nakaabot sa final stage ng kompetisyon, hindi maikakailang ipinamalas ni Tracy ang kanyang A game sa simula pa lamang.

Noong Disyembre, nakapasok siya sa Top 30 matapos magwagi sa Head-To-Head Challenge. Pasok din siya sa finalists ng Beauty With a Purpose round.

Ang Cebuana beauty queen ay nakipagtagisan ng husay at kagandahan sa 39 kandidata mula sa iba’t ibang panig ng mundo upang sana ay sungkitin ang ikalawang Miss World crown ng bansa.

Itinanghal na Miss World si Megan Young noong 2013.

Mga aplikante ng Binibining Pilipinas dapat fully vaccinated kontra COVID-19

ni Jasmin Joy Evangelista | February 7, 2022

Umpisa na muli ang pageant season sa paghahanap ng Binibining Pilipinas Charities Inc. at Miss Universe Philippines ng mga bagong reyna.

Sa February 15 ang deadline sa pag-apply para sa Miss Universe Philippines.

Isa sa mga requirement para mag-apply ay dapat fully vaccinated na laban sa COVID-19 ang nagnanais maging kandidata.

Sinabi ni Gines Enriquez ng Bb. Pilipinas Charities na sila ay mahigpit na susunod sa health protocols.

“Official contestants and everyone involved in the pageant must be fully vaccinated at least 14 days prior to the kickoff of events for the competition,” ani Enriquez. “We will adhere to the policies set by the LGU/IATF.”

Magsisimula naman sa Marso ang screening ng mga aplikante para sa Bb. Pilipinas.

Flores de Mayo parade ang magiging opening salvo ng pageant na gaganapin sa Araneta City sa Mayo at susundan ng pre-pageant activities at charity work.

Sa July 2022 nakatakdang ganapin ang coronation para sa apat na crowns — Bb. Pilipinas International, Globe, Intercontinental, and Grand International.

Samantala, kukumpirmahin pa ng organisasyon kung may madadagdag na Bb. Pilipinas crown.