Tracy Maureen Perez, nagwaging Miss World Phils. 2021

ni Lolet Abania | October 4, 2021

Si Tracy Maureen Perez ang nagwaging Miss World Philippines 2021 sa ginanap na coronation night sa Subic, Zambales nitong Linggo nang gabi.

Ang 28-anyos na si Tracy ng Cebu City, ang kinoronahang Miss World Philippines 2021 mula sa 44 na naggagandahang mga kandidata.

Isang industrial engineer by profession si Tracy na isa ring model at beauty queen, kung saan siya ang reigning Binibining Cebu Charity mula 2018 hanggang 2019.

Sinubukan din ni Tracy na sumali sa Miss Universe Philippines noong nakaraang taon at nabanggit niya sa mga ginanap na preliminary interviews na siya ay isang miracle baby.

Para kay Tracy ang kanyang buhay ay matatawag na isang “absolute blessing” o sukdulang biyaya ng Diyos.

Ito rin ang kanyang inspirasyon upang mamuhay ng maayos at mabuti dahil aniya, “learn from every experience, both good and bad.”

Sa final Q & A, naibahagi ni Tracy ang kanyang napakahusay na tugon hinggil sa kung anong dapat na matutunan ng bawat isa matapos ang COVID-19 pandemic.

“After this pandemic, I hope that we never take for granted the family that we have, taking care of our health, and taking care of the people that protect us -- our leaders, our front liners,” sabi ni Tracy.

“We should always give importance to those people. We may not see the efforts that they give out, but most definitely, they are our modern heroes and for that, we should always be grateful and we should always stick with them and pray for them,” dagdag niya.

Bukod sa koronang Miss World Philippines, nagwagi din sa kompetisyon si Tracy bilang Ms. Bench Body o Best in Swimsuit award, Miss Bluewater Day Spa, Miss Artopian International, Miss Bench, at Miss Derma Fix.

Nakapasok din siya sa Top 10 ng National Costume competition na para kay Tracy ay bilang pagkilala sa 500 taon ng Christianity sa Pilipinas sa pamamagitan ng ensemble na tinawag na “Vessel of Faith.”

Samantala, narito ang kumpletong listahan ng mga nag-uwi ng korona at titulo sa coronation night nitong Linggo:

Miss Eco Philippines 2021: Kathleen Paton

Reina Hispanoamericana Filipinas 2021: Emmanuelle Vera

Miss Tourism Philippines 2021: Trisha Martinez

Miss Environment Philippines 2021: Michelle Arceo

Miss Multinational Philippines 2021: Shaila Rebortera

Miss Eco Teen Philippines 2021: Tatyana Austria

1st Princess: Riana Pangindian

2nd Princess: Ganiel Krishnan

Si Dindi Pajares, na nag-represent sa bansa sa Miss Supranational 2021 pageant noong Agosto ay pormal na kinoronahan bilang Miss Supranational Philippines 2021.

Magre-represent si Tracy sa Pilipinas sa gaganaping 70th Miss World pageant sa Disyembre sa Puerto Rico.

Beatrice Luigi Gomez, nagwaging Miss Universe Phils. 2021

ni Lolet Abania | September 30, 2021

Si Beatrice Luigi Gomez ng Cebu City ang nagwaging Miss Universe Philippines 2021 sa ginanap na live coronation night sa Panglao, Bohol ngayong Huwebes nang gabi, Setyembre 30.

Ang edisyon ngayong taon ay nagsimula sa 100 delegates, habang isinasagawa ang gradual elimination mula sa mga serye ng challenges.

Hanggang sa umabot na lamang sa top 30 candidates para mag-compete sa live at in-person sa gabi ng koronasyon.

Apat pang naggagandahang kababaihan ang nakoronahang kasama ni Bea.

Ang winners ng iba pang titles ay sina Miss Universe Philippines Tourism: Katrina Dimaranan, Taguig; Miss Universe Philippines Charity: Victoria Velasquez Vincent, Cavite; Miss Universe Philippines 1st runner-up: Maureen Christa Wroblewitz, Pangasinan; Miss Universe Philippines 2nd runner-up: Steffi Rose Aberasturi, Cebu Province.

Si Bea ang magre-represent sa Pilipinas sa Miss Universe 2021 pageant, na gaganapin sa Israel sa December.

Beauty queen Shamcey Supsup, nakarekober na sa COVID-19

ni Lolet Abania | September 11, 2021

Nakarekober na ang beauty queen na si Shamcey Supsup sa COVID-19. Ito ang nai-share ni Shamcey sa kanyang Instagram ngayong Sabado, kung saan inamin niyang tinamaan siya ng virus tatlong linggo na ang nakalipas.

“3 weeks ago, what we all thought was just a simple flu turned out to be COVID,” caption ni Shamcey sa kanyang IG. Aniya, mabuting fully vaccinated na siya dahil sa nakaranas lamang siya ng mild hanggang moderate symptoms.

“I would describe it as a really, really bad flu. It was also the first time that I’ve experienced a total loss of smell and taste,” sabi pa ng beauty queen. “Lucky enough, we were able to get better at home,” dagdag niya. “Praying for everyone’s safety and for the pandemic to end soon.”

Sa ngayon, nagsisilbi si Shamcey bilang national director ng Miss Universe Philippines. Noong 2011 ni-represent ni Shamcey ang Pilipinas at nagwaging third runner-up sa 60th Miss Universe pageant.