Pambato ng Pilipinas sa Miss Universe na si Beatrice Luigi Gomez, bigong makuha ang korona

ni Jasmin Joy Evangelista | December 13, 2021

Bigo ang pambato ng Pilipinas sa Miss Universe na si Beatrice Luigi Gomez na maiuwi ang korona matapos na hindi na makaabante sa Top 3 finalists.

Nakapasok sa Top 5 si Gomez kasama sina Miss Universe India, South Africa, Paraguay, at Colombia.

Sa Q&A portion ng Top 5, tinanong kay Miss Universe Philippines 2021 kung ano ang kanyang opinyon hinggil sa mandating universal vaccine passports.

Sagot ni Gomez:

“I believe that public health is everyone’s responsibility and to mandate vaccine and occulation is necessary.

And if mandating vaccine passport would help us in regulating and the roll outs of vaccine and mitigate the situation of the pandemic today then I would agree on mandating the necessary passport of vaccination.”

Ang Top 3 finalists ay mula sa South Africa, Paraguay, at India.

Si Beatrice na mula sa Cebu ay gumawa ng history noong Setyembre matapos maging first openly out member ng LGBTQIA+ community na nagwagi ng Miss Universe Philippines crown.

Hindi man naiuwi ang korona ay masaya pa rin ang supporters at kapwa-Pinoy ni Beatrice dahil sa pinamalas nitong talento at puso para sa bansang Pilipinas.

We are proud of you, Beatrice!

Miss Vietnam, itinanghal na Miss Grand International 2021

ni Jasmin Joy Evangelista | December 5, 2021

Itinanghal na Miss Grand International 2021 ang pambato ng Vietnam na si Nguyen Thuc Thuy Tien.

Ang event ay ginanap sa Thailand nitong Sabado nang gabi.

Bago itanghal na Miss Grand International, nagkaroon muna sila ng tie-breaker question ni Miss Grand Ecuador.

Nang tanungin kung bakit siya ang dapat tanghaling Miss Grand International, “I’m ready to win. I’m ready to be in Thailand for a year.”

Itinanghal naman bilang first runner up si Miss Grand Ecuador, second runner up ang Brazil, third runner up ang Puerto Rico at fourth runner up ang South Africa.

Wagi si Miss Grand Thailand sa evening gown, habang sina Miss Malaysia, Miss Grand Peru at Miss Grand Angola ang nakasungkit sa national costume at Miss Grand Puerto Rico ang nakakuha ng best in swimsuit at si Miss Cambodia naman ang nakakuha ng most popular vote award.

Samantala, bigo na makapasok sa Top 20 ang pambato ng Pilipinas na si Samantha Panlilio, kasama ang 30 iba pang kandidato sa finals night ng Miss Grand International na ginanap sa Bangkok, Thailand.

Bago pa ito matanggal ay pasok pa ito sa Top 10 best in national costume at Top 5 sa best in swimsuit sa pamamagitan ng popular vote.

Kung nanalo si Samantha, siya sana ang kauna-unahang Pinay na mag-uuwi ng Miss Grand International crown.

Miss Universe France 2021, nagpositibo sa COVID-19

ni Jasmin Joy Evangelista | December 1, 2021

Nagpositibo sa COVID-19 si Miss Universe France 2021 Clemence Botino.

Halos dalawang linggo bago ang coronation night, nag-post ang beauty queen sa kanyang Instagram upang ipaalam ang nakalulungkot na balita.

"This morning they called to say that I was positive," Botino wrote. "I was shocked and sad, it is truly hard."

"I've been crying all day," pahayag ni Botino.

Ang unang bagay daw na kanyang ginawa matapos malaman ang pagpopositibo sa COVID-19 ay ang tawagan ang kanyang pamilya at ipaalam ang kanyang sitwasyon.

"It is not easy to deal with all of that while being far from home...But MUO [Miss Universe Organization] is here to help and to take care of me. I'm really tired, so I will take care of myself. I will stay lockdown during 10 days ten I will be tested again,” dagdag niya.

Siniguro naman ng pambato ng France na patuloy siyang magbabahagi ng updates hinggil sa kanyang sitwasyon, at nagpaalala na mag-ingat ang lahat dahil nananatiling nariyan ang virus.

Sinabi naman ng Miss Universe Organization nan aka-isolate na ang mga nakasama ni Botino.

Matatandaang nauna nang lumabas ang balita na mayroong nagpositibo sa mga kandidata pagdating ng Israel ngunit hindi ito pinangalanan.

Ang grand coronation night ay gaganapin sa December 12 sa Red Sea resort of Eilat sa Israel.