2 bayan sa Bataan idineklarang election hotspots

ni Jasmin Joy Evangelista | March 27, 2022

Idineklara ang mga bayan ng Mariveles at Limay sa Bataan bilang election hotspots dahil sa hindi pa nareresolbang pagpatay na naka-link sa pulitika at mga kaso ng political harassment sa mga nakalipas na taon.

Sa forum ng mga kandidato sa Balanga City noong Huwebes, sinabi ni Bataan provincial police chief Col. Romell Velasco na isasailaim sa close watch ang Mariveles dahil sa pag-murder kay Jonathan dela Cruz, head ng management information system at political coordinator ni Mayor Jocelyn Castañeda.

Pinatay si De la Cruz sa harap ng kanyang tirahan ng dalawang unidentified motorcycle-riding assailants noong December 2020.

Nag-file ng kaso ang pulisya laban kay Castañeda at sa apat na iba pa dahil sa delayed turnover ng mobile phone ni Dela Cruz at ng dashboard camera ng sasakyan nito sa mga awtoridad na nag-iimbestiga ng kaso nito.

Noong Huwebes, nagpiyansa si Castañeda ng P36,000 matapos mag-issue ng warrant of arrest ng local court laban sa kanya para sa kasong obstruction of justice.

Paulit-ulit naming itinanggi ni Castañeda na mayroong cover-up attempt sa naturang kaso.

NCR, MECQ simula sa Agosto 21 hanggang 31

ni Ronalyn Seminiano Reonico | August 20, 2021

Inaprubahan ni Pangulong Rodrigo Duterte at ng Inter-Agency Task Force (IATF) na isailalim ang National Capital Region (NCR) at ang Laguna sa modified enhanced community quarantine (MECQ) simula sa Agosto 21 hanggang August 31, ayon kay Presidential Spokesperson Harry Roque.

Isasailalim din ang Bataan sa MECQ simula sa Agosto 23 hanggang sa August 31.

Saad pa ni Roque, "These latest classifications are without prejudice to the strict implementation of granular lockdowns.”

Samantala, ayon din kay Roque, bawal pa rin ang mga al fresco dine-in services at personal care services katulad ng mga beauty salons, beauty parlors, barbershops at nail spas sa NCR, Laguna at Bataan.

Mananatili rin umanong virtual ang pagsasagawa ng mga religious gatherings sa mga nabanggit na lugar.

P3.693 B dagdag-ayuda sa Metro Manila, Bataan at Laguna, aprub kay P-Duterte

ni Lolet Abania | August 12, 2021

Inaprubahan na ni Pangulong Rodrigo Duterte ang kabuuang P3.693 bilyon karagdagang pondo para sa cash assistance program sa Metro Manila, Bataan at Laguna.

Ayon kay Department of the Interior and Local Government (DILG) spokesperson Undersecretary Jonathan Malaya, ang P2.715 bilyon ay ibibigay sa Laguna, P700 milyon para sa Bataan, at P278 milyon sa Metro Manila.

“The President has approved ECQ Ayuda as follows: P700M - Bataan, P2.715B - Laguna,” ani Malaya sa isang text message ngayong Huwebes.

“Yes, the President also approved an additional P278M for [Metro] Manila as requested by the DILG and NCR LGUs,” dagdag ni Malaya.

Pinayuhan naman ang ahensiya ng Department of Budget and Management (DBM) na ayon kay Malaya, ang budget ay ida-download na lamang sa kani-kanyang local governments ng Huwebes o Biyernes.

Isinailalim ang Metro Manila, Laguna, at Bataan sa enhanced community quarantine (ECQ) para maiwasan ang hawaan at pagkalat pa ng Delta COVID-19 variant sa bansa.

Una nang naglabas ang DBM ng P10.894 bilyon upang makapagbigay ng financial assistance sa mga apektadong indibidwal at pamilya sa National Capital Region.

Ang naturang ayuda ay nasa halagang P1,000 kada indibidwal o P4,000 kada pamilya.