Isko Moreno inendorso ni BARMM chief minister Murad

ni Jasmin Joy Evangelista | February 22, 2022

Tila inendorso na ni Bangsamoro Autonomous Region in Muslim Mindanao (BARMM) Interim Chief Minister Ahod “Al hajj Murad” Ebrahim si Manila mayor at presidential candidate Francisco “Isko Moreno” Domagoso, matapos itong ipakilala bilang “incoming president.”

“Pagbati kay Manila Mayor Isko Moreno, our incoming president, welcome sa Bangsamoro government,” Murad said to Moreno during his courtesy call.

Si Moreno ang unang 2022 presidential candidate na nakipagkita kay Murad, na maliban sa pagiging Bangsamoro chief minister ay siya ring chairman ng Moro Islamic Liberation Front (MILF).

Sa naturang courtesy call, sinabi ni Murad na looking forward siya na makatrabaho si Moreno lalo at hinaharap ng BARMM ang challenging task na pag-sustain ng momentum ng peace process para sa patuloy na kapayapaan sa Mindanao.

“It is a challenging task because we ourselves are transforming from a revolutionary government bureaucracy,” ani Murad.

“But as you can see, marami pang kulang, kasi itong transition is not only for the government, but also there is another track which is more challenging, which is the normalization track,” dagdag niya.

“So, on behalf of our government, the Bangsamoro Transition Authority, we welcome you Sir, and your party, dito sa BARRM, and we look forward to working with you,” pahayag pa ni Murad.

Samantala, nagpasalamat si Moreno sa suporta ni Murad sa kanya at kanyang team.

“Maraming, maraming salamat sa ating minamahal na Chief Minister, sa mga senior ministers, members of the parliament, cabinet, at ang ating mga kasamahan dito, mga kawani ng ating pamahalaan dito sa BARMM,” ani Moreno sa isang interview matapos ang courtesy call.

“Talagang na overwhelm kami sa good words ni Chief Minister at ng sampu ng kanyang mga kasama,” dagdag niya.

Nangako naman si Moreno na ang kanyang magiging administasyon, kung siya ang magiging pangulo, ay susunod sa mga probisyon ng BARMM law upang ma-achieve ang long-lasting peace sa Mindanao.

“Talagang ikinomit natin na yung continuity. So, ang gagawin ko mangongopya na lang ako kay Pangulong Duterte. Itutuloy na lang natin yung mga nasimulan na. All things are in place,so what we’re gonna do, yung mga batas na yon, na mga letrang naisulat, ay lalagyan na lang natin ng puso. At ang naglalagay ng puso sa pag unawa sa batas ay lider ay siya naman aking tutugunan, na makamit natin bilang Pilipino, Muslim man o Kristyano, ang tunay na kapayapaan at kasaganahan para sa lahat,” pahayag ni Moreno.

“So, of all those things that are written in those laws ay ipatutupad na lang natin so that there will be continuity, there will be predictability, yun ang importante siguro sa  mga naguusap-usap na panig,” dagdag pa niya.

P155 M food aid, donasyon ng Japan sa BARMM

ni Lolet Abania | November 4, 2021

Magkakaloob ng 350 million yen o P155 million na food assistance ang Japan para sa mga nangangailangan at sa mga komunidad na apektado ng labanan sa Bangsamoro Autonomous Region in Muslim Mindanao (BARMM), ayon sa Japanese embassy sa Manila ngayong Huwebes.

Ito ay isasagawa ng World Food Programme (WFP), kung saan tinatayang 1,788 metric tons ng Japanese rice ang kanilang ipo-procure para ipamahagi sa tinatayang nasa 9,877 magsasaka at mangingisda, kabilang na ang mga decommissioned combatants at indigenous people sa Bangsamoro, ang isa sa pinakamahirap na rehiyon sa bansa.

“To supplement the food and nutrition needs of the targeted population, the Japanese rice will be fortified with iron prior to distribution,” pahayag ng Japan embassy.

“Provision of technical assistance by the WFP to the target communities will further strengthen and assist in restoring their livelihoods. The WFP will collaborate with the BARMM government to co-implement this project,” batay pa sa statement ng embassy.

Ang food aid project ay nilagdaan nina Japan’s Ambassador to the Philippines Koshikawa Kazuhiko at WFP country director Brenda Barton.

Naging saksi rin sa naganap na okasyon sina Presidential Adviser on the Peace Process Secretary Carlito Galvez, Jr., Foreign Affairs Acting Secretary Ma. Theresa Lazaro at BARMM Agriculture, Fisheries and Agrarian Reform Deputy Minister Ammal Solaiman.

“Through this undertaking, vulnerable and conflict-affected communities in BARMM are expected to have improved food security, resilience, and livelihood, which will enhance peace and achieve development in the region,” pahayag pa ng embassy.

Bishop Colin, nanawagan ng hustisya para sa pagpatay sa 9 muslim

ni Twincle Esquierdo | September 1, 2020

Naniniwala si Bishop Jose Colin Bagaforo ng Diocese ng Kidapawan na mabibigyan ng hustisya ang pagpatay sa siyam na Muslim sa Kabacan, Cotabato province noong Sabado, Aug. 29 kung magkakaroon agad ng imbestigasyon dito.

Kamakailan, inilabas ng Kabacan Municipal Police Station ang impormasyon na ang mga biktima ay nakatayo lang sa gilid ng kalsada nang paputukan ng baril. Sinubukan pa ng ilan sa mga biktima na pahintuin ang salarin ngunit binaril din sila nito.

Dead on the spot ang walong biktima, habang agad namang dinala sa ospital ang isa pa ngunit dead on arrival na rin ito.

Dahil dito, naglabas ng pahayag at pagsuporta si Bishop Bagaforo sa Bangsamoro Region in Muslim Mindanao (BARMM) para kondenahin ang nangyari at nanawagang gawin ang lahat sa paglutas sa kaso.

Aniya, “Both the Diocese of Kidapawan and the Catholic Bishops’ Conference of the Philippines (CBCP) national secretariat on social action NASSA) are one with the BARMM government in calling for an impartial investigation into the case of the nine Muslims who were summarily executed in Kabacan.

“We call on everyone, whatever their faith, to offer prayers for peace. May this incident not be the start of further violence, we ask all our government leaders to do everything for justice to the victims and to exert all efforts to maintain peace among us,” saad ni Bagaforo.

Umapela naman si Col. Henry Villar, chief of the Cotabato Police Provincial Office sa publiko na tigilan ang mga haka-haka tungkol sa pag-atake.

“So as not to add fuel to the fire,” aniya pa.