Mga kalsada isasara, traffic rerouting dahil sa Bar axams – Makati gov’t

ni Lolet Abania | January 27, 2022

Inanunsiyo ng Makati City government ngayong Huwebes ang gagawing road closure at traffic rerouting sa lugar kaugnay sa Bar examinations ngayong taon.

Sa isang advisory, ayon sa lokal na pamahalaan, ipapatupad ng Makati Public Safety Department ang road closure o pagsasara ng mga kalsada sa kahabaan ng J.P. Rizal Street Extension mula sa Buting hanggang Lawton Avenue sa Pebrero 4 at 6, mula 4AM-8AM.

“The stretch of J.P. Rizal St. Ext. from Buting to Lawton Ave. is closed to traffic except for vehicles carrying examinees and concerned employees,” pahayag ng Makati City government.

“Only designated loading and unloading areas are available. No parking space is provided,” dagdag nito.

Ayon sa lokal na gobyerno ng Makati, ang mga examinees ay dapat magpakita ng exam permit para sa entrance ng kanilang service vehicle.

Pinapayuhan naman ang publiko at mga motorista na sundin ang mga alternatibong ruta na kanilang inanunsiyo.

Ang mga sasakyan na mula sa Buting/Pateros — Take Kalayaan Avenue to Guadalupe-EDSA; Take Lawton Avenue to JP Rizal-EDSA.

Ang mga sasakyan na mula sa Guadalupe-EDSA — Take Lawton-Kalayaan Avenue to Buting.

Samantala, mga ilang minuto ang in-adjust ng Supreme Court para sa afternoon schedule ng unang araw ng Bar examinations.

Ayon kay Associate Justice Marvic Leonen, ang exams ay gaganapin mula alas-1:50 ng hapon hanggang alas-5:50 ng hapon ng Biyernes, Pebrero 4.

Habang ang morning examination hours sa Pebrero 4, gayundin sa ikalawang araw ng exams ay magpapatuloy sa nakatakdang iskedyul nito.

Sa Pebrero 4 at 6 na.. Bar exams, iniurong ng SC

ni Lolet Abania | January 14, 2022

Inanunsiyo ng Supreme Court ngayong Biyernes na ang nakatakdang Bar examinations ay isasagawa na sa Pebrero, kung saan ilan sa kanilang examinees ay tinamaan ng COVID-19, habang ang iba ay naka-quarantine dahil sa sakit.

Gaganapin ang Bar exams sa Pebrero 4 at Pebrero 6, na dating nakaiskedyul ng Enero 23 hanggang Enero 25.

Batay sa isang email survey, ayon sa SC nasa 16.8 porsyento ng 8,546 examinees, alinman sa kanila ay positibo sa virus, kasama sa bahay na may COVID-19, o nasa quarantine dahil sa exposure nila rito.

“They are at risk of not being able to take the Bar Examinations if the original schedule... were to push through,” nakasaad sa anunsiyo.

“Also, given the current infection rate and quarantine situation of the Bar personnel, 16 out of 31 teams that will be deployed will be critically understaffed if the current schedule were maintained,” ayon pa rito.

Hinimok naman ng SC ang mga examinees na sumailalim na sa self-quarantine hanggang Enero 20.

Una nang pinaiksi ang Bar exams ng 2 araw sa pangamba hinggil sa epekto ng Omicron variant ng COVID-19 at ang idinulot na hagupit ng Bagyong Odette.

Matatandaang noong nakaraang taon, inanunsiyo ng SC na ang Bar exams ay magiging digitalized, localized, at proctored na.

Gayundin, ang mga Bar examinees ay kukuha ng pagsusulit gamit ang kanilang sariling Wi-Fi-enabled laptops sa halip na ang traditional exams, kung saan required sa kanila na lahat ng sagot ay handwritten o sulat-kamay.

Digital Bar exam sa Nobyembre, aprub sa SC

ni Ronalyn Seminiano Reonico | February 15, 2021

Inaprubrahan na ng Supreme Court (SC) ang pagsasagawa ng digital Bar exams sa November matapos ang maayos na paglulunsad ng mock test noong nakaraang buwan.

Paglilinaw naman ni Office of the Bar Chairperson and SC Associate Justice Marvic Leonen, “Examinees will still walk into testing rooms and will be proctored while taking the exams. Surveillance cameras will also be installed in all testing rooms.

“Examinees will be assigned in testing centers in a locality closest to their residence or the school they graduated from, or for any other consideration. This determination shall depend on the final list of schools that would qualify as local testing sites.”

Pinapayagan pa rin umano ang pagsasagawa ng tradisyunal na handwritten examinations ngunit “very exceptional cases where it can be adequately proven that the examinee suffers from a physical disability that does not permit them to take the examinations through a computer.”

Kailangang magdala ang mga examinees ng WiFi-enabled laptops na mayroong integrated display screen, keyboard, at trackpad o pointer device.

Mahigpit ding ipatutupad ang health protocols sa mga testing rooms at magsasagawa rin ng COVID-19 testing.

Saad pa sa bulletin, “The Court will explore arrangements for a predominantly saliva RT-PCR testing modality in each of the testing sites.”

Iaanunsiyo naman ang mga certified testing sites bago magsimula ang application para makapag-take ng Bar exam.

Online na rin ang aplikasyon para sa naturang exam kaya hindi na kailangang pumunta ng mga mag-a-apply sa Office of the Bar Confidant, maliban na lamang kung kailangang magsumite ng mga dokumento.