Ulysses paalis na, 4 na bagyo next

ni Thea Janica Teh | November 13, 2020

Tuluyan nang humina sa severe tropical storm ang Bagyong Ulysses habang palayo sa Pilipinas ngayong Biyernes, ayon sa PAGASA.

Ito ay huling namataan sa 415 kilometers west ng Iba, Zambales kaninang alas-4 ng madaling araw na may maximum sustained wind na 110kph at may bugso ng hangin na 135 kph.

Makakaranas pa rin ng pag-ulan at bugso ng hangin ang Batanes, Babuyan Island, Cordillera Administrative Region, Zambales, Bataan at northern Occidental Mindoro kasama ang Lubang Island dahil sa amihan. Moderate to heavy rain naman ang mararanasan ngayong Biyernes ng northern at eastern portion ng mainland Cagayan, eastern portion ng Isabela, Aurora, Nueva Vizcaya, Quirino at Apayao.

Pagdating sa Ilocos Region, ang natitirang bahagi ng Cordillera Administrative Region, Cagaya Valley, northern portion ng Quezon kasama ang Polillo Island, Zambales at Bataan ay makakaranas ng light to moderate na ulan.

Asahan naman na magiging maaraw na sa Metro Manila at natitirang bahagi ng bansa. Inaasahan din na ngayong umaga ay lalabas na sa Philippine Area of Responsibility (PAR) ang Bagyong Ulysses.

Samantala, pinaalalahanan naman ng PAGASA ang publiko na may 4 pang binabantayang bagyo na maaaring pumasok sa ating bansa bago matapos ang taon.

Bagyong Ulysses, mas lumalakas habang papasok sa ‘Pinas

ni Twincle Esquierdo | November 11, 2020

Inaasahan nang tatama sa Pilipinas sa loob ng 12 hanggang 24 oras ang Bagyong Ulysses, ayon sa PAGASA.

Huling namataan ang Ulysses sa 215km silangang bahagi ng Virac, Catanduanes na may lakas na 100 kph at 125 kph gusts. Ayon sa PAGASA, posibleng maging storm surge ang Ulysses na may lakas na 130 - 155 kph bago tumama sa lupa.

Makararanas ng tropical cyclone wind signal (TCWS) No. 2 ang Metro Manila at karatig lugar nito. Ngunit dahil sa hindi inaasahang pagbabago ng Ulysses, maaaring makaranas ng TCWS No. 3 ang Bicol, Metro Manila, ilang bahagi ng Calabarzon at Central Luzon.

Makararanas naman ng TCWS No. 2 ang ilang bahagi ng Luzon na may 61-120kph wind na maaaring magdulot sa pagkasira ng mga lumang poste.

Ang mga lugar na ito ay ang: •Southern portion ng Nueva Vizcaya (Dupax Del Norte, Dupax Del Sur, Alfonso Castaneda) at Quirino (Nagtipunan) •Central at southern portion ng Aurora (Dinalungan, Dipaculao, Maria Aurora, Baler, San Luis, Dingalan) •Silangang bahagi ng Nueva Ecija (Carranglan, Lupao, Muñoz City, Quezon, Santo Domingo, Aliaga, Jaen, Cabiao, San Isidro, San Leonardo, San Antonio, Santa Rosa, Gapan City, Peñaranda, General Tinio, Gabaldon, Bongabon, Pantabangan, San Jose City, Llanera, Talavera, Cabanatuan City, General Mamerto Natividad, Palayan City, Laur, Rizal) •Silangang bahagi ng Pampanga (Arayat, Mexico, San Fernando City, Minalin, Santo Tomas, Macabebe, Masantol, Apalit, San Simon, San Luis, Santa Ana, Candaba) •Bulacan •Metro Manila •Rizal •Laguna •Cavite •Batangas •Quezon kasama ang Polillo Island •Marinduque •Hilagang bahagi ng Oriental Mindoro (Pola, Victoria, Naujan, Baco, Calapan City, San Teodoro, Puerto Galera) •Camarines Norte •Camarines Sur •Catanduanes •Albay •Sorsogon •Ticao Island •Burias Island Makararanas naman ng Signal No. 1 na may 30-60 kph sa mga lugar ng Isabela, ilang bahagi ng Quirino at Nueva Vizcaya, Kalinga, Mountain Province, Ifugao, Benguet, Abra, Ilocos Sur, La Union, Pangasinan, ilang bahagi ng Aurora at Nueva Ecija, Tarlac, Zambales, Bataan, Pampanga, Occidental Mindoro, Oriental Mindoro, Romblon at Masbate.

Sa Visayas, makararanas din ng Signal No. 1 ang Northern Samar, Eastern Samar (Santo Nino, Almagro, Tagapul-An, Tarangnan, Calbayog City, Santa Margarita, Gandara, Pagsanghan, San Jorge, San Jose de Buan, Matuguinao, Maslog, Dolores, Oras, San Policarpo, Arteche, Jipapad)

Katamtaman hanggang papalakas na ulan naman ang mararanasan ng Catanduanes, Camarines Norte, Camarines Sur, Albay, Sorsogon, southern portion ng Quezon at Northern Samar.

Luzon at Visayas, Signal No. 1 dahil kay Ulysses

ni Thea Janica Teh | November 10, 2020

Nakataas pa rin sa Tropical Cyclone Wind Signal (TCWS) No. 1 ang ilang lugar sa Luzon at Visayas dahil sa Bagyong Ulysses, ayon sa PAGASA.

Sa inilabas na weather update kaninang alas-4 ng umaga, namataan ang pagbagal ng Bagyong Ulysses sa 555 kilometers east ng Virac, Catanduanes na may maximum sustained wind na 65 kph at may bugso ng hangin na 80 kph.

Ito ang ilan sa mga lugar na nakataas sa TCWS No. 1 at makararanas ng pag-ulan hanggang Miyerkules: Luzon: Catanduanes Camarines Norte Camarines Sur Albay Sorsogon Eastern portion ng Masbate (Aroroy, Pio V. Corpuz, Cataingan, Palanas, Uson, Dimasalang, Masbate City, Mobo, Baleno) kasama ang Ticao and Burias Island Southeastern portion ng Quezon (Guinayangan, Tagkawayan, Buenavista, San Andres, San Narciso) Visayas: Northern Samar Northern portion ng Samar (Santo Nino, Almagro, Tagapul-An, Tarangnan, Calbayog City, Santa Margarita, Gandara, Pagsanghan, San Jorge, San Jose de Buan, Matuguinao) Northern portion ng Eastern Samar (Maslog, Dolores, Oras, San Policarpo, Arteche, Jipapad) Dagdag pa ng PAGASA, maaari pang lumakas ang Bagyong Ulysses at maging severe tropical storm ngayong Martes nang gabi.

Pinaalalahanan ng PAGASA ang publiko sa posibleng pagbaha at landslide dahil sa patuloy na pag-ulan na dala ng Bagyong Ulysses.