Flights ng NAIA, suspended dahil sa Bagyong Rolly

ni Lolet Abania | November 1, 2020

Suspendido ang lahat ng uri ng flight operations sa Ninoy Aquino International Airport (NAIA) mula alas-10 ng umaga ng November 1 hanggang alas-10 ng umaga ng November 2, ayon sa Manila International Airport Authority (MIAA).

Itinigil ang operasyon ng mga flights dahil sa banta ng Bagyong Rolly, na inaasahang matinding tatama sa Metro Manila ngayong Linggo hanggang bukas nang umaga ng Lunes.

Inabisuhan na rin ng MIAA ang mga air travelers na isasara ang NAIA Terminals at lahat ng pasahero ay hindi na dapat pang pumunta sa NAIA.

Gayundin, pinapayuhan ang mga pasahero na agad makipag-ugnayan sa kanilang airlines para maisaayos ang kanilang bagong flight schedule. Bibigyang prayoridad ang mga travellers na may scheduled flights subali’t na-postpone kapag nagbukas na ang NAIA sa November 2.

Ang mga apektadong biyahe ng 24-oras na pagsasara nito ang paglalaanan ng slot upang hindi gaanong maantala ang travel plans ng mga pasahero.

Samantala, ang flag carrier na Philippine Airlines (PAL) at ang budget carrier na Cebu Pacific ay nagkansela na rin ng kanilang international at domestic flights dahil sa Bagyong Rolly.

Forced evacuation sa Manila, ipinag-utos ni Mayor Isko

ni Ronalyn Seminiano Reonico | October 31, 2020

Ipinag-utos ni Manila Mayor Isko Moreno ang forced evacuation sa 120 pamilya sa Isla Puting Bato at Baseco bukas nang umaga dahil sa Bagyong Rolly.

Post ni Mayor Isko sa kanyang official Facebook page ngayong Sabado, “Ipinag-utos natin ang forced evacuation bukas nang umaga sa may 120 pamilya sa Isla Puting Bato at Baseco.

“Handa ang Manila Department of Social Welfare (MDSW) na magkaloob sa kanila ng hot meal at food packs at handa rin ang MHD na ipagkaloob sa kanila ang agarang medical check-up sa loob ng evacuation center.”

Nakipagpulong si Isko kina Manila Disaster Risk Reduction Management Office (MDRRMO) Director Arnel Angeles, City Engineer (DEPW) Armand Andres, Manila Health Department (MHD) Dr. Carmelita Crisologo, at City Electrician Engr Randy Sadac upang masiguro ang kaligtasan at kahandaan ng naturang lugar sa pagtama ng Bagyong Rolly.

Nakipag-ugnayan na rin ang Manila government sa “City Electrician” kung sakaling mawalan ng kuryente dahil sa Bagyong Rolly.

Saad ni Isko, “Ang standing order natin sa City Electrician ay gawing mas mabilis sa dati ang restoration ng power lines at coordination sa MERALCO kung may mapuputulan ng kuryente.”

Sa ngayon ay nakataas ang Signal No. 3 sa Catanduanes at Albay; habang Signal No. 2 sa Bulacan, Rizal, Metro Manila, Laguna, Cavite, Batangas, Quezon kabilang ang Polillo Islands, Camarines Norte, ilang bahagi ng Camarines Sur, Sorsogon, Masbate kabilang ang Ticao at Burias Islands, Marinduque, Romblon, Oriental Mindoro, Occidental Mindoro kabilang ang Lubang Island, Northern Samar, ilang bahagi ng Eastern Samar katulad ng San Julian, Sulat, Taft, Can-Avid, Dolores, Maslog, Oras, San Policarpio, Arteche, at Jipapad.

Signal No. 1 naman sa Pampanga, Bataan, Zambales, Tarlac, Nueva Ecija, Aurora, Pangasinan, La Union, ilang bahagi ng Ilocos Sur katulad ng Quirino, Gregorio Del Pilar, Salcedo, San Emilio, Candon City, Galimuyod, Santa Lucia, Cervantes, Sigay, Santa Cruz, Suyo, Tagudin, Alilem at Sugpon; Mountain Province, Benguet, Ifugao, Nueva Vizcaya, Quirino at ang central at southern portion ng Isabela katulad ng Mallig, Quirino, Ilagan, Roxas, San Manuel, Burgos, Gamu, Palanan, San Mariano, Benito Soliven, Naguilian, Reina Mercedes, Luna, Aurora, Cabatuan, San Mateo, Cauayan City, Dinapigue, San Guillermo, Echague, San Agustin, Jones, Angadanan, Alicia, San Isidro, Ramon, Santiago City at Cordon.

Gayundin, ang iba pang bahagi ng Eastern Samar, northern portion ng Leyte, Biliran, northwestern portion ng Aklan at northwestern portion ng Antique katulad ng Libertad at Pandan ay nasa Signal No. 1 din.

Ayon sa PAGASA, “Beginning tomorrow early morning, the passage of Typhoon ‘Rolly’ will bring heavy to intense rains over Metro Manila, Bicol Region, CALABARZON, Aurora, Bulacan, Zambales, Bataan, Marinduque, Romblon, Occidental Mindoro, and Oriental Mindoro.”

Samantala, sisiguraduhin din ng pamahalaan ng Manila na maayos ang pangangalaga sa mga tinamaan ng COVID-19 sa mga quarantine facilities.

Baha at lahar, next dahil sa Bagyong Rolly

ni Lolet Abania | October 31, 2020

Nananatili ang lakas ng Bagyong Rolly habang papalapit ito sa bahagi ng Bicol Region, ayon sa Severe Weather Bulletin na inisyu ng PAGASA ngayong Sabado nang umaga.

Sa naiulat ng PAGASA kaninang alas-4 ng umaga, namataan ang Bagyong Rolly sa layong 655 kilometro silangan hilagang-silangan ng Virac, Catanduanes na may maximum sustained winds na 215 kilometro kada oras malapit sa sentro, may bugso ng hangin ng hanggang 265 kph at kumikilos pakanluran ng 20 kph.

Inaasahan din na maging super typhoon ang naturang bagyo. Magdadala ang Bagyong Rolly ng mahina hanggang katamtaman at malakas na pagbuhos ng ulan sa buong Central Visayas, Negros Occidental, Leyte, Southern Leyte, Palawan kabilang ang Cuyo Islands, Zamboanga Peninsula, Northern Mindanao, Caraga at Sulu Archipelago na mararamdaman ngayong umaga hanggang Sabado nang gabi.

Malalakas na pagbuhos ng ulan ang mararanasan sa buong Bicol Region, CALABARZON, Metro Manila, Central Luzon Marinduque at hilagang bahagi ng Occidental at Oriental Mindoro sa Sabado nang gabi hanggang sa Linggo nang umaga.

Magdudulot ng katamtaman hanggang sa malakas na buhos ng ulan sa buong Cagayan, Isabela, Nueva Vizcaya at Quirino. Inaasahan ang mga pagbaha, pagkakaroon ng landslides at posibleng pagragasa ng lahar dahil sa malalakas at sunud-sunod na buhos ng ulan lalo na sa mga lugar na mataas ang tsansa na maranasan ito.

Gayunman, nag-isyu na ang Philippine Institute of Seismology and Volcanology (PHIVOLCS) ng lahar warning sa ilang lugar sa Luzon kagabi.

Naglabas na rin ang PAGASA ng Tropical Cyclone Wind Signal (TCWS) No. 2 sa mga sumusunod na lugar:

• Catanduanes

• Silangang bahagi ng Camarines Sur (Caramoan, Garchitorena, Lagonoy, Tinambac, Siruma, Presentacion, San Jose, Goa, Buhi, Sagnay, Tigaon, Ocampo, Iriga City, Baao, Nabua, Bato, Balatan, Bula, Pili, Calabanga, Naga City, Bombon, Magarao, Canaman, Gainza, Milaor, Camaligan, Minalabac),

• Albay

• Sorsogon Mararanasan naman ang TCWS No. 1 sa mga sumusunod na lugar: Luzon • Camarines Norte

• Natitirang bahagi ng Camarines Sur

• Masbate kabilang ang Ticao at Burias Islands

• Quezon kabilang ang Polillo Islands

• Rizal

• Laguna

• Cavite

• Batangas

• Marinduque

• Romblon

• Occidental Mindoro kabilang ang Lubang Island

• Oriental Mindoro

• Metro Manila

• Bulacan

• Pampanga

• Bataan

• Zambales

• Tarlac

• Nueva Ecija

• Aurora

• Pangasinan

• Benguet

• Ifugao

• Nueva Vizcaya

• Quirino

• Southern portion ng Isabela (Aurora, Luna, Reina Mercedes, Naguilian, Benito Soliven, San Mariano, Palanan, Dinapigue, San Guillermo, Echague, San Agustin, Jones, Cordon, Santiago City, Ramon, San Isidro, Angadanan, Alicia, Cauayan City, Cabatuan, San Mateo) Visayas

• Northern Samar

• Hilagang bahagi ng Samar (Tagapul-An, Almagro, Santo Nino, Tarangnan, Catbalogan City, Calbayog City, Santa Margarita, Gandara, Pagsanghan, San Jorge, Jiabong, Motiong, Paranas, San Jose de Buan, Matuguinao)

• Hilagang bahagi ng Eastern Samar (Taft, Can-Avid, Dolores, Maslog, Jipapad, Arteche, Oras, San Policarpo)

• Hilagang bahagi ng Biliran (Kawayan, Maripipi)

Patuloy ang pagmo-monitor ng PAGASA sa Bagyong Rolly. Pinapayuhan din ang publiko na maging mapagmatyag at mag-ingat sa lahat ng oras.