Surfer, nilapa ng pating, patay

ni Lolet Abania | September 5, 2021

Isang surfer ang nasawi matapos na atakihin ng pating sa isang surfing beach sa bahagi ng east coast sa Australia ngayong Linggo, ayon sa paramedics.

Naganap ang insidente sa Emerald Beach na nasa 550 kilometro o 342 miles ang layo sa hilagang bahagi ng Sydney.

“Despite the best efforts of bystanders, paramedics and other emergency services the patient sadly died at the scene,” pahayag ng New South Wales Ambulance sa kanilang Twitter account.

Ayon sa mga opisyal ng Coffs Harbour Lifeguards, ang nasabing beach na tinatayang may 20 kilometro o 12 miles sa hilaga ng Coffs Harbour ay agad na isinara matapos ang insidente.

Sa report ng media, pinaniniwalaang ang surfer na nasa late 20s na ay agad na sinagpang ng pating sa kanyang braso.

Batay sa International Shark Attack File ng University of Florida, ang Australia ay nag-iisa lamang sa mga lugar sa United States na nanguna sa pagkakaroon ng mga tinatawag na ‘unprovoked shark’ na madalas makasagupa ng mga tao mula pa noong 2019.

Parachute, nahirapang buksan, 2 Skydivers, patay

ni Ronalyn Seminiano Reonico | June 28, 2021

Patay ang skydiving instructor at estudyante nito matapos tumalon mula sa eroplano sa Australia noong Linggo.

Ayon sa ulat ng awtoridad, nasawi ang dalawa matapos mahirapang buksan ang parachute.

Malapit sa runway ng airport bumagsak ang dalawa at unresponsive na nang matagpuan. Bigo na ring i-revive ang mga biktima.

Samantala, patuloy pa ring nagsasagawa ng imbestigasyon ang kapulisan at ang Australian Transport Safety Bureau.

Sydney, Australia ini-lockdown dahil sa Delta COVID-19

ni Ronalyn Seminiano Reonico | June 27, 2021

Isinailalim sa dalawang linggong lockdown ang Sydney, Australia matapos maitala ang 17 bagong kaso ng COVID-19 noong Sabado.

Matatandaang maagang nagpatupad ng border closure ang Australia at mahigpit na ipinatupad ang social distancing rules nang tumama ang pandemya sa bansa kaya nakontrol nila ang pagtaas ng kaso ng COVID-19.

Matapos ang ilang buwan ay niluwagan din ang restriksiyon sa naturang bansa ngunit, ayon sa pamahalaan, muling nagkaroon ng biglaang pagtaas ng kaso ng COVID-19 o surge. Dahil dito, muling ipinatupad ang mahigpit na restriksiyon.

Saad ni New South Wales Premier Gladys Berejiklian, "When you have a contagious variant, like the Delta virus, a three-day lockdown doesn't work — if we're going to do this we need to do it properly.

"Transmissibility is at least double what previous variants have been so we do need to brace ourselves for a potentially large number of cases in the following days.”

Aniya pa, "The situation is worsening beyond what we would have liked to have seen this morning, and the reason for that is that the new exposure sites are outside of those areas of concern we had highlighted.”

Sa ilalim ng lockdown, maaari lamang lumabas ang mga residente para sa essential goods, medical care, pagpasok sa eskuwelahan at trabaho.

Saad naman ni State Health Minister Brad Hazzard, "The Delta variant is proving to be a very formidable foe. "No matter what defensive steps we're taking at the moment, the virus seems to understand how to counter-attack." Samantala, nakapagtala ang Australia ng 30,400 kabuuang kaso ng COVID-19 at 910 bilang ng mga pumanaw.