Obispo, arestado sa rape

ni Eli San Miguel - Trainee @News | February 22, 2024

SYDNEY — Nahaharap ang isang obispo mula sa Australia sa mga paratang ng panggagahasa at pambabastos, na naglalagay sa kanya bilang isa sa mga Katoliko sa bansa na may pinakamataas na kaso ng ‘sex crimes.’

Naaresto si Emeritus Bishop Christopher Alan Saunders sa Western Australia noong Miyerkules ng gabi matapos ang isang masusing imbestigasyon sa Vatican na nag-udyok sa mga pulis na aksyunan ang pang-aabuso sa mga bata.

Ayon sa pulisya, sinampahan siya ng 14 kaso ng 'unlawful and indecent assault' at dalawang kaso ng 'sexual penetration without consent.'

Sinampahan din ang 74-anyos na obispo ng tatlong kaso ng 'indecently dealing with a child' na nasa edad 16 hanggang 18.

Nakatakda siyang humarap sa korte sa Huwebes.

Ipinakita rin ng mga dokumento ng korte na nangyari ang mga alegasyon laban kay Saunders mula 2008 hanggang 2014.

NDRRMC at Australian Embassy: Nagtutulungan para sa Humanitarian Assistance and Disaster Relief

ni Jeff Tumbado @News | October 1, 2023

Magkasamang nagsagawa ang mga piling kawani ng National Disaster Risk Reduction and Management Council (NDRRMC) at Australian Embassy personnel ng Humanitarian Assistance and Disaster Relief (HADR) workshop sa barkong pandigma ng Australia na HMAS Canberra.

Kauna-unahang kaso sa Australia... 2 pasahero positibo sa Omicron variant

ni Lolet Abania | November 28, 2021

Ipinahayag ng mga health officials sa Australia ngayong Linggo na naka-detect sila sa kauna-unahang pagkakataon ng COVID-19 Omicron variant matapos na masuri ang dalawang pasahero na nagmula sa southern Africa at lumipad patungong Sydney.

Ayon sa eastern state health authority ng New South Wales, nagsagawa sila ng agarang genomic testing at nakumpirma na tinamaan ng bagong strain ang dalawang pasahero na dumating sa Sydney nitong Sabado.

Sa isang statement ng NSW Health, ang parehong pasahero ay nanggaling sa southern Africa at dumating sa Australia sakay ng Qatar Airways flight via Doha.

Nagpositibo sila sa test sa COVID-19 ilang saglit lang matapos dumating sa naturang bansa, na nagresulta sa agad nilang analysis sa posibleng impeksyon ng matinding mutation ng Omicron strain.

“The two positive cases, who were asymptomatic, are in isolation in the special health accommodation. Both people are fully vaccinated,” sabi ng NSW Health.

Sinabi naman ng health authority na mayroong 12 pasahero pa mula sa southern Africa na nasa pareho ring flight ang nagnegatibo sa test sa COVID-19, subalit isinailalim na sila sa quarantine.

Gayundin, tinatayang 260 passengers at crew sa nabanggit na eroplano ang pinayuhan nang mag-isolate.