Ilegal ang pagkuha o pagtatago ng passport ng OFW

ni Atty. Persida Rueda-Acosta @Magtanong Kay Attorney | Jan. 21, 2025

Dear Chief Acosta,

May katanungan lamang ako tungkol sa application ko bilang isang overseas Filipino worker (OFW). Kinuha kasi ng aking agency ang aking pasaporte. Sabi nila ay “for safekeeping” muna diumano nila ito hanggang makapagbayad ako ng tinatawag nilang application fee.  Maaari ba nila itong gawin? Salamat po. — Jeangrey

---

Dear Jeangrey,

Ang Republic Act (R.A.) No. 8042, na inamyendahan ng R.A. No. 10022, o mas kilala bilang “Migrant Workers and Overseas Filipinos Act of 1995,” ay nagbibigay proteksyon sa ating mga manggagawang Pilipino na nagtatrabaho at nagnanais magtrabaho sa ibang bansa. Ipinatupad ito upang maiwasan ang illegal recruitment at iba pang anyo ng pang-aabuso laban sa ating mga OFWs. Ang batas na ito ay isa ring hakbang upang mapanatili ang dignidad at kaligtasan ng mga Pilipino sa labas ng bansa.

Ayon sa nasabing batas, ang hindi awtorisadong pag-withhold o pagkuha sa mga dokumentong panglakbay na pagmamay-ari ng isang manggagawang Pilipino, nang dahil sa pinansyal na konsiderasyon, ay isang uri ng pamimilit na pinarurusahan bilang Illegal Recruitment. Partikular na nakasaad sa Seksyon (6)(k) ng R.A. No. 8042, as amended, na:

“SEC. 6. Definition. — For purposes of this Act, illegal recruitment shall mean any act of canvassing, enlisting, contracting, transporting, utilizing, hiring, or procuring workers and includes referring, contract services, promising or advertising for employment abroad, whether for profit or not, when undertaken by a non-licensee or nonholder of authority contemplated under Article 13 (f) of Presidential Decree No. 442, as amended, otherwise known as the Labor Code of the Philippines: Provided, That any such non-licensee or non-holder who, in any manner, offers or promises for a fee employment abroad to two or more persons shall be deemed so engaged. It shall likewise include the following acts, whether committed by any person, whether a non-licensee, non-holder, licensee or holder of authority: xxx

(k) To withhold or deny travel documents from applicant workers before departure for monetary or financial considerations other than those authorized under the Labor Code and its implementing rules and regulations;”

Samakatuwid, ang pagkuha o pagtago sa mga dokumentong panglakbay ng isang manggagawang Pilipino, gaya ng pasaporte nito, nang dahil sa pinansyal na konsiderasyon, ay mariing ipinagbabawal ng ating batas, at pinarurusahan bilang isang akto ng illegal recruitment.

Patungkol sa iyong katanungan, bilang isang aplikante sa pagiging OFW, hindi maaaring kunin ng iyong agency ang iyong pasaporte at itago ito hangga’t hindi ka pa nakapagbabayad ng tinatawag nilang application fee. Ito ay ipinagbabawal ng ating batas at itinuturing na krimeng Illegal Recruitment. 

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.

Health benefits ng ‘autophagy’

ni Dr. / Atty. Erwin P. Erfe, M.D. @Sabi ni Doc | Jan. 20, 2025

Dear Doc Erwin, 

Nabasa ko ang isang old news article, ang tungkol sa isang scientist sa bansang Japan na nanalo ng Nobel Prize for Physiology or Medicine dahil sa kanyang pananaliksik tungkol sa 'autophagy'. Ayon sa artikulo importante raw sa ating kalusugan ang autophagy. Ano ang autophagy? Paano ito nakakatulong sa ating kalusugan? At paano natin mapapagana ang autophagy sa ating katawan. Sana ay mabigyan ninyo ng pansin ang aking mga katanungan. — Adelina

---

Maraming salamat Adelina sa iyong pagliham at pagiging tagasubaybay ng Sabi ni Doc at BULGAR newspaper.

Tama ang iyong nabasa. Nanalo ng Nobel Prize for Physiology or Medicine noong taong 2016 si Dr. Yoshiniro Ohsumi, isang Hapon na scientist dahil sa kanyang pananaliksik tungkol sa autophagy na naging daan upang maintindihan natin ang mabubuting nagagawa ng autophagy sa ating katawan.

Ayon kay Dr. Peter Attia, isang sikat na general surgeon at espesyalista sa cancer sa bansang Amerika, at author ng Outlive: The Science & Art of Longevity, ang autophagy ay importante upang tayo ay mabuhay. Ayon sa kanya ito ay proseso ng 'cellular recycling' kung saan ginagamit natin muli ang mga nasirang body cells at cellular debris upang bumuo uli ng cells at mga bagong parte ng cells. Dahil dito maituturing na isang 'cellular contractor' ang proseso ng autophagy. Ginagamit nito ang mga 'cellular junk' upang maging maayos muli ang ating katawan.

Sa pamamagitan din ng autophagy ay makakaiwas tayo sa sakit na dulot ng cellular junk katulad ng mga 'protein aggregates'. Ayon sa mga pananaliksik, ang pag-ipon ng mga protein aggregates na ito sa ating utak ang dahilan ng pagkakasakit natin ng Alzheimer's disease, Parkinson's disease at amyotrophic lateral sclerosis (ALS). 

Napatunayan din sa mga pananaliksik na nilalabanan ng ating katawan ang cancer sa pamamagitan ng autophagy. Ang mga tutubong cancer cells ay maaaring 'kainin' at i-recycle ng ating katawan sa pamamagitan ng autophagy. Ang autophagy ay galing sa salitang banyaga na ang ibig sabihin ay 'self-eating'. Maaaring labanan din ng ating katawan ang mga sanhi ng impeksyon gaya ng bacteria at viruses sa pamamagitan ng autophagy.

Paano nga ba nagaganap ang autophagy sa ating katawan? Ayon sa Cleveland Clinic, isang tanyag na health institution sa Amerika, nagaganap ang autophagy kung kulang ng nutrients o oxygen ang ating mga cells. Ito ang dahilan kung bakit ang pagpa-fasting at pag-e-exercise ay nakaka-stimulate ng autophagy. Ayon din sa pag-aaral, ang keto diet o ang pagkain ng high fat at low carbohydrate diet ay nakaka-stimulate ng autophagy. Kaya kung nais makuha ang mga health benefit ng autophagy, gawin ang isa o lahat ng mga nabanggit - exercise, fasting, o keto diet.

Ayon sa mga mananaliksik, sa nakaraang 20 taon ay natuklasan na maraming sakit ang nanggagaling sa depekto sa proseso ng autophagy. Bukod sa Parkinson's disease na nabanggit sa itaas, ang mga sakit na ito ay diabetes, sakit sa puso, kidney at liver disease, Huntington's at Crohn's disease.

Dapat nating malaman na habang tayo ay nagkakaedad ay humihina rin ang kapasidad ng ating katawan na mag-autophagy. Ito ang dahilan kung bakit habang tumatanda tayo ay mas maraming ang dumadapo sa ating katawan. Kaya't makakatulong kung tayo ay regular na mag-e-exercise at fasting.

Maraming salamat muli sa iyong pagliham sa Sabi ni Doc at nawa'y magpatuloy sa pagbuti ang iyong kalusugan.

---

Maraming Salamat sa inyong pagliham sa Sabi ni Doc at nawa’y magpatuloy sa pagbuti ang inyong kalusugan. Kung may mga katanungan pa, mag-email lamang sa Sabi ni Doc sa e-mail address na erwin.erfe@gmail.com o sa doc.bulgar@gmail.com

Epekto ng ‘in pari delicto’

ni Atty. Persida Rueda-Acosta @Magtanong Kay Attorney | Jan. 20, 2025

Dear Chief Acosta,

Pumasok ako sa isang kontrata, ngunit hindi tumupad ang kabilang partido. Gusto kong maghain ng reklamo laban sa kanya, ngunit may nagsabi sa akin na ilegal daw ang kontrata namin. Gayundin, may nabanggit sa akin na “in pari delicto” diumano ito. Ano ba ang konsepto ng “in pari delicto”? — Airam

---

Dear Airam,

Sa ilalim ng doktrinang in pari delicto, ang mga partido sa isang kontrobersya o kaso ay pantay na may kasalanan o nagkasala. Kaya, hindi sila magkakaroon ng aksyon laban sa isa’t isa. Tinalakay ito ng ating Korte Suprema sa kasong Oscar Constantino, et al. vs. Heirs of Pedro Constantino, Jr. (G.R. No. 181508, 02 Oktubre 2013) sa panulat ni Kagalang-galang na Kasamang Mahistrado Jose P. Perez:

“Latin for ‘in equal fault,’ in pari delicto connotes that two or more people are at fault or are guilty of a crime. Neither courts of law nor equity will interpose to grant relief to the parties, when an illegal agreement has been made, and both parties stand in pari delicto. Under the pari delicto doctrine, the parties to a controversy are equally culpable or guilty, they shall have no action against each other, and it shall leave the parties where it finds them. This doctrine finds expression in the maxims ‘ex dolo malo nonoritur action’ and ‘in pari delicto potior est conditio defendentis.’ 

When circumstances are presented for the application of such doctrine, courts will take a hands off stance in interpreting the contract for or against any of the parties. This is illustrated in the case of Packaging Products Corporation v. NLRC, where this Court pronounced that:

This Court cannot give positive relief to either petitioner or respondent because we are asked to interpret and enforce an illegal and immoral arrangement. (See Articles 1409, 1411, and 1412 of the Civil Code). Kickback arrangements in the purchase of raw materials, equipment, supplies and other needs of offices, manufacturers, and industrialists are so widespread and pervasive that nobody seems to know how to eliminate them. xxx

Both the petitioners and the private respondent are in pari delicto. Neither one may expect positive relief from courts of justice in the interpretation of their contract. The courts will leave them as they were at the time the case was filed.

As a doctrine in civil law, the rule on pari delicto is principally governed by Articles 1411 and 1412 of the Civil Code, which state that:

Article 1411. When the nullity proceeds from the illegality of the cause or object of the contract, and the act constitutes a criminal offense, both parties being in pari delicto, they shall have no action against each other, and both shall be prosecuted. xxx

Article 1412. If the act in which the unlawful or forbidden cause consists does not constitute a criminal offense, the following rules shall be observed: xxx

1. When the fault is on the part of both contracting parties, neither may recover what he has given by virtue of the contract, or demand the performance of the other’s undertaking;”

Alinsunod dito, sa mga kaso kung saan ang mga kasangkot na partido ay pantay na may kasalanan, ang hukuman ay hindi makikialam upang magbigay ng kaluwagan sa mga partido, kaugnay sa ilegal na kasunduan. Sa madaling salita, hindi maaaring gantimpalaan ang isang tao para sa kanilang pantay na pagkakamali.

Kaya naman, maaaring hindi ka makapaghain ng reklamo laban sa taong iyong kakontrata kung tunay ngang ilegal ang inyong kasunduan. Kung ang inyong kasunduan ay nagreresulta rin sa isang krimen, maaari pa kayong parehong makasuhan at maparusahan dahil dito.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.