2 patay, 20 nawawala sa landslide sa Japan

ni Ronalyn Seminiano Reonico | July 5, 2021

Dalawa na ang kumpirmadong nasawi sa landslide sa Atami, Japan noong Sabado na dulot ng malakas na pag-ulan.

Ayon sa lokal na pamahalaan, sampu ang na-rescue na at aabot naman sa 20 ang bilang ng mga nawawala pa.

Sa tala ng disaster management officials ng Shizuoka Prefecture, naganap ang landslide bandang alas-10:30 nang umaga kung saan maraming kabahayan ang nasira kaya aabot sa 1,000 rescuers ang ipinadala kabilang na ang 140 military personnel.

Saad naman ni Prime Minister Yoshihide Suga sa isinagawang emergency meeting, “It’s possible that the number of damaged houses and buildings is as many as 130. I mourn the loss of life.

“This rainy-season front is expected to keep causing heavy rain in many areas. There is a fear that land disasters could occur even when the rain stops.”

Nagbabala naman si Takeo Moriwaki, professor ng geotechnical engineering sa Hiroshima Institute of Technology na posibleng magkaroon ulit ng landslide.

Aniya, “Landslides can occur again and again at the same place even if the rain stops. Residents and rescuers should remain on alert.”

Samantala, pinalikas na rin ang mga residente ng iba pang lungsod sa Shizuoka Prefecture dahil sa banta ng landslides.

19 nawawala sa landslide sa Japan

ni Ronalyn Seminiano Reonico | July 3, 2021

Labingsiyam na katao ang nawawala sa Japan dahil sa landslide na dulot ng malakas na pag-ulan ngayong Sabado, ayon sa lokal na opisyal.

Saad ng disaster management officials ng Shizuoka Prefecture, tinatayang nagsimula ang landslide bandang alas-10:30 nang umaga sa Atami.

Ayon kay Prefectural Disaster Management Official Takamichi Sugiyama, pinalilikas na rin ang mga residente sa mga apektadong lugar.

Samantala, humiling na rin ang lokal na pamahalaan ng military assistance para sa pagsasagawa ng rescue mission at nawalan din ng suplay ng kuryente ang aabot sa 200 tahanan.