Registration para sa 1-M doses ng AstraZeneca sa Kyusi, start na

ni Mary Gutierrez Almirañez | March 26, 2021

Darating na sa ikatlong quarter ng taon ang mahigit 1 milyong doses ng AstraZeneca COVID-19 vaccines na binili ng Quezon City, kasabay ang iba pang doses na inilaan ng national government para sa pamahalaang lungsod, ayon kay Mayor Joy Belmonte.

Aniya, “Definitely, for example in our city, although we reserved 1.1 million dosages, that’s not enough. That’s very little. That’s going to cover a fifth of our population so we need the help and assistance of whatever the vaccines the national government can spare for Quezon City.”

Sa ngayon, maaari nang makapagparehistro ang mga residenteng 15-anyos pataas sa website na https://qceservices.quezoncity.gov.ph kabilang ang homeowner, tenant, kasambahay, mahihirap at mayayaman, partikular na ang mga senior citizens upang mabakunahan ng libre kontra COVID-19.

Pinaaalalahanan din ang mga residente na sundin ang mga sumusunod na hakbang sa pre-registration:

• Piktyuran ang valid I.D. na naka-address sa Quezon City

• Sa mga senior citizens, piktyuran ang SC Card na inisyu ng lungsod

• Pumirma sa kulay puting papel. Kailangang magkapareho ang pirma sa I.D. at papel

• I-search ang https://qceservices.quezoncity.gov.ph para sagutan ang mga hinihinging impormasyon

• I-upload ang picture ng I.D.

• I-upload ang sariling larawan o mag-selfie gamit ang QC-ID App. Hindi dapat kulay puti ang background sa picture • I-upload ang picture ng pinirmahang papel

• Hintayin ang approval Batay sa huling tala ay umabot na sa 14,819 ang mga nabakunahang healthcare workers sa Quezon City at inaasahang madaragdagan pa ito sa pagpapatuloy ng rollout at pagdating ng iba pang bakuna.

QC E-Services qceservices.quezoncity.gov.ph

Tuloy kahit ipinatigil sa ibang bansa… Taiwan Premier Su Tseng-chang, binakunahan na ng AstraZeneca

ni Ronalyn Seminiano Reonico | March 22, 2021

Binakunahan na si Taiwan Premier Su Tseng-chang ng AstraZeneca COVID-19 ngayong Lunes. Pahayag ni Su, "I have just finished getting the injection, there is no pain at the injection site, and there is no soreness of the body.

"The doctor told me to drink more boiled water and rest a bit. The first point I'll follow, and the second point may be more difficult. But I'll still try to rest as much as possible.”

Matatandaang noong nakaraang linggo, itinigil ng ilang bansa sa Europe ang pagbabakuna gamit ang AstraZeneca matapos maiulat ang blood disorders ng ilang nabakunahan nito.

Ngunit, iginiit ng World Health Organization na ligtas ito kaya muling itinuloy ng ilang bansa ang pagbabakuna gamit ang AstraZeneca noong Biyernes.

Maging si Health Minister Chen Shih-chung ay nabakunahan na rin sa National Taiwan University Hospital sa central Taipei.

Ngayong buwan dumating sa Taiwan ang 117,000 doses ng AstraZeneca mula sa South Korean factory at tinatayang aabot sa 60,000 katao ang prayoridad na mabakunahan kabilang na ang mga health workers.

AstraZeneca, ipinatigil din sa Netherlands

ni Mary Gutierrez Almirañez | March 15, 2021

Suspendido ang paggamit ng AstraZeneca COVID-19 vaccines sa Netherlands bilang pag-iingat simula Marso 14 hanggang 29, ayon kay Dutch Health Minister Hugo de Jonge.

Aniya, "We can't allow any doubts about the vaccine. We have to make sure everything is right, so it is wise to pause for now."

Nauna na ring ipinatigil ang bakuna sa Thailand, Denmark, Norway at Iceland matapos maiulat na namatay dahil sa pamumuo ng dugo o blood clot ang ilang naturukan nito.

Sa ngayon ay patuloy pa rin ang paggamit ng AstraZeneca sa ‘Pinas. Giit pa ng pamahalaan, “At present, the DOH and FDA emphasize that there is no indication for the Philippines to stop rollout of AstraZeneca vaccines.”