83 “Most Polluted Cities” sa buong mundo, naitala sa India

ni Eli San Miguel - Trainee @News | March 19, 2024

Naitala ang India bilang bansa na may pinakamalalang polusyon sa hangin sa buong mundo.

Sa bagong ulat ng IQAir, sinasabi nito na nasa Asia ang lahat ng 100 “Most Polluted Cities” noong nakaraang taon. Itinuturing ang krisis sa klima bilang isang pangunahing dahilan ng polusyon sa hangin, na nagdadala ng panganib sa kalusugan ng bilyon-bilyong tao sa buong mundo.

Nagdudulot din ito ng mahigit sa walong milyong pagkamatay taun-taon, na halos 16 kada minuto.

Siyam sa top 10 Most Polluted Cities ang nasa India, na mas mataas kaysa sa anim noong nakaraang taon. Samantala, 49 lungsod sa India ang nasa top 50; at kabuuang 83 lungsod sa India ang nasa top 100.

Sa kasalukuyan, muling naitala ang Delhi bilang "Most Polluted Capital of the World," ang ikalimang pagkakataon sa huling anim na taon.

Gayunpaman, ipinapakita ng ulat ang malalaking kakulangan sa pagsubaybay sa polusyon dahil sa kakulangan ng pondo o kawalan ng political will.

Obiena naka-unang gold sa Asian Games

ni Nympha Miano-Ang @Sports News | September 30, 2023

Sa wakas nasungkit ng Filipino pole vaulter na si EJ Obiena ang unang gold medal para sa bansa sa 19th Asian Games sa Hangzhou, China at nakagawa ng bagong record.

Naghari si Obiena sa pole vault finals nang malundag niya ang 5.75 meter mark matapos ang dalawang tangka. Makaraan noon ay sinikap din niyang malundag ang 6.02 meters pero nabigo siya.

Kasunod ng kanyang gold-clinching jump muling nalampasan ng pole vault world no. 2 ang 5.55 meters. Sina Henry Bokai ng China at Hussain Asim Al Hizam ng Saudi Arabia ang tumapos na segunda at tersera sa.5.65 meters.

Ang lundag ni Obiena ang sumira sa Asian Games record na dating hawak ni Seito Yamamoto ng Japan sa 5.70 meters.

Sa ngayon hawak ng Filipino pole vaulter ang Asian record na 6.0 meters. Una nang nakasungkit ng 1 silver at anim na bronze medal ang Pilipinas sa Asiad.

13 franchise ng Citibank, isasara

ni Mary Gutierrez Almirañez | April 16, 2021

Labing-tatlong franchise ng Citigroup Incorporation sa Asia at Europe ang isasarado upang magbigay-daan sa ilulunsad nilang bagong marketing strategy, ayon kay Citi Global Chief Executive Officer Ms. Jane Fraser kahapon, Abril 15.

Kilala ang Citigroup o Citibank bilang pinakamalaking credit card issuer sa Singapore na may mahigit 1,900 multinational corporations at tinatayang 2,000 small and medium-sized enterprises.

Batay sa first quarter net income ng Citigroup, sila ay nakapagtala ng US$7.9 billion (S$10.55 billion), na triple ng US$2.5 billion na naitala noong 2020.

Ani Fraser, “While the other 13 markets have excellent businesses, we don’t have the scale we need to compete. We believe our capital, investment dollars and other resources are better deployed against higher returning opportunities in wealth management and our institutional businesses in Asia.”

Kabilang sa isasarado ang mga franchise sa Australia, Bahrain, China, India, Indonesia, South Korea, Malaysia, Poland, Russia, Taiwan, Thailand, Vietnam at Pilipinas.

Nilinaw naman ng Citigroup na hindi maaapektuhan ang ilang bansa sa Asia at Europe, partikular na ang ‘four wealth centres’.

Dagdag pa ni Fraser, “We will operate our consumer banking franchise in Asia and EMEA (Europe, the Middle East and Africa) solely from four wealth centres, Singapore, Hong Kong, United Arab Emirates and London. This positions us to capture the strong growth and attractive returns the wealth management business offers through these important hubs.”