Mas pinalawak, simula Set. 3 – DOTr... Libreng sakay sa medical workers, APORs

ni Lolet Abania | September 12, 2021

Muling ipapatupad ng Department of Transportation (DOTr) ang libreng sakay para sa mga medical frontliners, essential workers, at authorized persons outside of residence (APORs) simula sa Lunes, Setyembre 13.

Ayon sa DOTr, palalawakin na ang mga free rides sa mga lugar na nasa labas na rin ng Metro Manila sa ilalim ng second phase ng kanilang Service Contracting Program.

Sa ilalim ng naturang programa, ang mga public utility vehicle operators at drayber ay bibigyan ng suweldo o sahod depende sa kanilang trips kada linggo, kahit ilan pa ang bilang ng kanilang pasahero.

Babayaran sila sa tinatawag na weekly basis, kung saan mula sa P3-billion funding sa ilalim ng General Appropriations Act (GAA) for 2021.

“Ginagawa po natin ang mga ito dahil ang Kagawaran ng Transportasyon ay naniniwala na hindi lamang pang-hanapbuhay ng tsuper at operator -- ito po ay kaakibat sa paghahanap-buhay ng iba pa nating kababayan sa Republika ng Pilipinas,” ani DOTr Secretary Arthur Tugade sa isang statement.

Sa tala ng DOTr nasa 31.6 milyong Pilipino ang nakapag-avail ng libreng sakay sa initial phase, kung saan P1.5 bilyon ang in-award ng Land Transportation and Franchising Regulatory Board (LTFRB) sa mga operators at mga drayber.

Gayundin, may alokasyon sila na umabot sa P3.388 bilyon bilang payouts sa mga operators at mga drayber na nakiisa sa programa.

Ang Land Bank of the Philippines ang siyang tumutok na nagsilbing payment partner para sa proyekto.

“We welcome this collaboration to deliver financial assistance to PUV operators nationwide towards ensuring pay and uninterrupted operations of public transportation in the new normal,” ani presidente at chief executive officer ng Land Bank na si Cecilia Borromeo.

Nananatili ang National Capital Region sa ilalim ng modified enhanced community quarantine (MECQ) hanggang Setyembre 15, 2021.

Habang ang gobyerno ay patuloy na binubuo ang mga guidelines para sa implementasyon ng bagong alert level system with granular lockdowns sa region bilang bahagi pa rin ng paglaban sa panganib ng COVID-19.

'Di APOR, puwede nang maghatid-sundo ng mga healthcare workers — Eleazar

ni Ronalyn Seminiano Reonico | August 5, 2021

Maaari nang maghatid-sundo ng mga health workers ang mga hindi ikinokonsiderang authorized persons outside authority (non-APORs) kapag isinailalim na ang National Capital Region sa enhanced community quarantine (ECQ), ayon kay Philippine National Police Chief General Guillermo Eleazar.

Saad ni Eleazar, "Ngayon, dahil sa konsiderasyon sa ating mga healthcare workers, kagabi po, nakahingi po ako ng guidance sa ating national task force through [Interior Secretary Eduardo] Año, na 'yung healthcare workers po ay ia-allow na na ihatid ng non-APORs."

Kailangan lamang umanong magpakita ng ID ng driver na maghahatid sa healthcare worker pagdating sa mga checkpoints. Aniya pa, "Sa ngayon, 'yun 'yung huling guidance na ibinigay sa amin." Sa hanay naman ng iba pang APORs, ayon kay Eleazar ay pag-uusapan pa ang ipatutupad na guidelines.

Aniya, "May isang araw pa naman tayo, ipararating natin 'yan (proposals) sa mga kinauukulan." Samantala, kabilang umano sa mga inihahaing proposal sa ipatutupad na guidelines ay ang pagbibigay ng certification o driver's pass na manggagaling sa employer ng mga APORs, barangay, o police officers sa non-APOR driver.

‘Di taga-Baguio, kailangan ng medical clearance para makapasok

ni Ronalyn Seminiano Reonico | February 18, 2021

Nilinaw ng Public Information Office (PIO) - Benguet Emergency Operations Center (EOC) na ang mga non-authorized persons outside residence (non-APORs) na nais magpunta sa Baguio City ay kailangan pa ring magpakita ng medical clearance na na-issue noong February 1 hanggang sa kasalukuyan.

Sa inilabas na Baguio, La Trinidad, Itogon, Sablan, Tuba at Tublay (BLISTT) border control announcement ng PIO - Benguet EOC, anila, ang exempted lamang sa medical clearance requirement ay ang mga working authorized persons outside residence (APORs) ngunit kailangan nilang magpakita ng company ID/Certificate of Employment, atbp. patunay na sila ay nagtatrabaho sa naturang lugar.

Saad ng PIO - Benguet EOC, “Working APORs are exempted from the medical clearance requirement provided they present their company ID/Certificate of Employment or any proof of work in the city.” Matatandaang nag-post kamakailan ang PIO - Benguet EOC sa kanilang Facebook page ng anunsiyo kung saan anila, “Look | Medical clearance will no longer be required when entering Baguio City effective February 16, 2021, the Mayor’s Office of La Trinidad confirms.”

Kalakip nito ang larawan kung saan mababasang: “ANNOUNCEMENT “MEDICAL CLEARANCE NO LONGER REQUIRED WHEN ENTERING THE CITY OF BAGUIO EFFECTIVE FEBRUARY 16, 2021.”

Ngunit paglilinaw ng PIO - Benguet EOC, “For Non-APORs, medical clearance issued from February 1 to present shall be valid for the duration of the border restriction.”

Anila pa, “For travels within the Province of Benguet (not passing through the city), only an accomplished Health Declaration Form is required at the checkpoints.”

Pahayag naman ng Mayor’s Office – La Trinidad Facebook page, kailangang magpakita ng government/company ID o certificate of employment “or any proof of work in Baguio City” ang mga APORs. Sa mga Non-APORs naman, anila, “For Non-APORs, going to or passing thru Baguio City- Medical Clearance issued from February 1 onwards shall be VALID for the whole duration of the border restriction.”

Dagdag pa nila, “For travels within Benguet (not passing thru Baguio City) – accomplished Health Declaration Form (HDF).

“For Entry to La Trinidad – Accomplished HDF or Valid ID.” Sa mga may katanungang nais magpunta sa Baguio City, saad ng PIO – Benguet EOC, tumawag lamang sa hotlines: 0999-678-4335; 442-1900; 442-1901; 442-1905.

At para naman sa “Benguet concerns” kontakin lamang ang hotlines: 0951-858-8752; at 0947-486-1339.

Samantala, extended ang border restriction sa Baguio, La Trinidad, Itogon, Sablan, Tuba, at Tublay (BLISTT) simula ngayong araw, February 18 hanggang 28, 2021, ayon sa PIO - Benguet EOC.