Gastos para sa green technology, masosolusyunan ng liberalisasyon — P-BBM

ni Angela Fernando - Trainee @News | November 17, 2023

Matutugunan ang mataas na gastusin para sa green technology gamit ang liberalisasyon ng sektor, ayon kay Pangulong Ferdinand "Bongbong" Marcos Jr. nitong Biyernes.

Pahayag ng Presidente sa APEC Leaders' Informal Dialogue and Working Lunch, dapat na magkaroon ng kooperasyon para sa pagpapabuti at pagpapabilis ng green trade na makakalutas ng mataas na gastos ng green technology.

Saad ni Marcos, "For our part--the Philippines has liberalized to full ownership in the solar, wind and geothermal sectors, reduced tariff rates on environmental goods, and advanced the promotion and increased adoption of renewables in our energy mix and diversification of energy sources to include clean and indigenous sources and mainstream sustainable practices.”

"Digitalization and innovation are central to building a resilient and sustainable future by optimizing resource use, promoting clean technologies, and supporting smart cities and infrastructure," dagdag niya.

Ibinahagi rin ng Presidente ang kolaborasyon sa mga umuusbong na teknolohiya, mga bagong sistema ng imbakan, elektrisidad, at iba pa.

Biden at Xi, magpe-face-to-face

ni Angela Fernando - Trainee @News | November 11, 2023

Matapos ang pagkikita nu'ng nakaraang taon, muling maghaharap sina Pangulong Joe Biden at Chinese President Xi Jinping sa Nobyembre 15 bilang bahagi ng layuning pigilan ang tensiyon sa pagitan ng dalawang pinakamalaking bansa.

Inaabangan ang magiging interaksiyon ng dalawang lider kasabay ng gaganaping Asia-Pacific Economic Cooperation (APEC) summit sa San Francisco Bay area.

Magtatagal ng ilang oras ang nasabing pagpupulong kasama ang mga grupo ng opisyal mula Beijing at Washington.

Ayon sa isang mataas na opisyal ng administrasyon ni Biden, inaasahang matatalakay ang malawak na hanay ng mga isyung pandaigdig, kabilang na ang giyera sa Israel at Hamas, pagsakop ng Russia sa Ukraine, ugnayan ng North Korea sa Russia, Taiwan, Indo-Pacific, karapatang-pantao, Fentanyl, artificial intelligence, at ang usapin ng patas na kala

Sa Nob. 12 P-Du30, dadalo online sa APEC meeting

ni Lolet Abania | November 2, 2021

Nakatakdang dumalo si Pangulong Rodrigo Duterte online sa Asia Pacific Economic Cooperation (APEC) meeting na pangungunahan ng New Zealand sa Nobyembre 12, 2021.

Ayon kay Presidential spokesperson Harry Roque, ang agenda sa magaganap na pulong ngayong taon ay tungkol sa global economic outlook, COVID-19 recovery, at building prosperity.

Kasama sa pagpupulong ang presentasyon ng International Monetary Fund (IMF). Ang Thailand, ang susunod na chair ng APEC, na miyembro ng Association of Southeast Asian Nations katulad ng Pilipinas.

Noong nakaraang taon na APEC meeting, nanawagan si Pangulong Duterte hinggil sa pagpapatatag ng pagsasamahan ng mga bansa aniya, “strengthen partnerships to make [COVID-19] vaccines a global public good.”

Sa ngayon, nasa 27 milyong Pilipino ang fully vaccinated na kontra-COVID-19. Target ng gobyerno na makapagbakuna ng 50% mula sa populasyon ng Pilipinas na 109 milyon bago matapos ang taon at 80% naman hanggang Mayo 9, 2022.