Bulkang Taal, 5 beses sumabog sa 1 araw

ni Ronalyn Seminiano Reonico | July 9, 2021

Naitala ng PHIVOLCS ang limang phreatomagmatic eruptions sa Bulkang Taal sa nakalipas na 24 oras at kasalukuyan pa rin itong nakataas sa Alert Level 3.

Nagkaroon din ng 58 volcanic earthquakes at patuloy pa rin ang malakas na pagsingaw o steam-rich plumes sa main crater ng Bulkang Taal na aabot sa 1,200 metro.

Samantala, ipinagbabawal pa rin ng PHIVOLCS ang “pagpasok sa Taal Volcano Island o TVI at high-risk barangays ng Agoncillo at Laurel, pamamalagi at paglaot sa lawa ng Taal, at paglipad ng anumang aircraft malapit sa tuktok ng bulkan.”

Bulkang Taal, Alert Level 3 pa rin

ni Ronalyn Seminiano Reonico | July 6, 2021

Nananatiling nakataas sa Alert Level 3 ang Bulkang Taal ngayong Martes, ayon sa Philippine Institute of Volcanology and Seismology (PHIVOLCS).

Sa nakalipas na 24 oras, nakapagtala ng 39 volcanic earthquakes kabilang ang mahihinang background tremors.

Naitala rin ang 5,299 tonelada ng sulfur dioxide flux na ibinuga ng bulkan at ang steam-rich plumes mula sa main crater na umaabot sa 3,000 meters high.

Samantala, ipinagbabawal pa rin ng PHIVOLCS ang “Pagpasok sa Taal Volcano Island o TVI at high-risk barangays ng Agoncillo at Laurel, pamamalagi at paglaot sa lawa ng Taal, at paglipad ng anumang aircraft malapit sa tuktok ng bulkan.”

Bulkang Taal, posibleng itaas sa Alert Level 4

ni Ronalyn Seminiano Reonico | July 3, 2021

Nananatiling nakataas sa Alert Level 3 ang Bulkang Taal ngayong Sabado, ayon sa Philippine Institute of Volcanology and Seismology (PHIVOLCS).

Naitala rin ng PHIVOLCS ang 48 volcanic earthquakes simula alas-5 nang umaga kahapon, Biyernes.

Patuloy na nagbubuga ng sulfur dioxide flux ang bulkan at ayon sa PHIVOLCS, ang plumes nito ay may taas na 3,000 meters.

Mahigpit pa ring ipinagbabawal ng PHIVOLCS ang pagpunta sa Taal Volcano Island at pagpasok sa mga high-risk barangays katulad ng Agoncillo at Laurel.

Ayon naman kay Paolo Reniva, resident volcanologist ng Taal Volcano Observatory, may posibilidad na itaas sa Alert Level 4 ang bulkan dahil sa patuloy na aktibidad at pamamaga ng main crater nito.

Aniya sa isang panayam, “Bilang precaution at preemptive measure inirerekomenda na huwag muna pong pumunta sa Volcano Island. Pero kung may waiver naman po, responsibilidad at depende na po 'yun sa aksiyon ng mga LGUs kasi may mga aquaculture nga po rito, so iniisip din po nila ‘yun.”