77% ng Pinoy, handang lumaban sa kalabang bansa — OCTA

ni Angela Fernando - Trainee @News | March 10, 2024

Handang dumepensa ang malaking mayorya ng mga Pilipino para sa 'Pinas kung magkakaroon ng kaguluhan laban sa mga dayuhang kaaway, ayon sa OCTA Research nitong Linggo.

Nasa 77% o 3 sa 4 na Pinoy ang handang lumaban para sa bansa, batay sa 4th quarter survey nu'ng Disyembre 2023 na Tugon ng Masa (TNM) Survey.

Kinumpirma naman ng OCTA Research na ang survey ay kinomisyon ng Armed Forces of the Philippines (AFP).

Hindi bababa sa 60%, o 6 sa bawat 10 respondente ang handang lumaban sa mga pangunahing lugar na pinaggawan ng pag-aaral.

Nagtala ang Mindanao ng pinakamataas na porsiyento na umabot sa 84%, habang ang pinakamababang porsiyento ay nakita sa Visayas na 62%.

6 sundalong napatay sa engkwentro vs DI-MG, nasa Zamboanga del Sur na para sa vigil

ni Angela Fernando - Trainee @News | February 21, 2024

Naihatid na sa Zamboanga del Sur ang mga labi ng 6 sundalong namatay sa nangyaring engkwentro ng militar laban sa Dawlah Islamiyah-Maute Group (DI-MG) para sa vigil.

Dinala ang mga ito sa 1st Infantry Division sa Camp Major Cesar Sang-an headquarters sa Labangan, Zamboanga nitong Pebrero 20.

Ito ay kinumpirma ng Philippine Army spokesperson na si Col. Louie Dema-ala.

Nasawi ang mga 6 sundalo at 3 terorista sa engkwentro sa Brgy. Ramain, Munai, Lanao del Norte nu'ng Pebrero 18.

Enlisted military personnel naman ang 6 na namatay at 3 dito ay corporal, isang private first class, at private ang dalawa pa.

Nanutralisang miyembro ng DI-MG, 18 na — AFP

ni Angela Fernando - Trainee @News | February 20, 2024

Umaabot na sa 18 miyembro ng Dawlah Islamiyah-Maute Group (DI-MG) ang nanutralisa ng Armed Forces of the Philippines (AFP).

Sinabi ito ni AFP Chief of Staff, Gen. Romeo Brawner Jr. matapos ang pinakahuling insidente ng armadong engkwentro sa pagitan ng militar at ng teroristang grupo na ikinamatay ng 6 na sundalo, at 3 terorista.

Saad niya, ito ang bunga ng mga operasyon at pagtugis ng militar sa iba pang mga miyembro ng DI-MG na mga suspek din sa makamamatay na pambobomba sa Mindanao State University (MSU) nu'ng 2023.

Kabilang ang pangunahing utak sa likod ng naturang bombing sa MSU si alyas Engineer sa nanutralisa ng militar.

Nagpaabot naman ng pakikiramay si Brawner Jr. sa mga pamilya ng nasawing sundalo at sa mga kaanak ng tropang militar na kasalukuyan ay sugatan.