4 barko ng China, naispatan sa Palawan

ni Eli San Miguel @News | June 21, 2024

Kinumpirma ng Armed Forces of the Philippines na apat na Chinese navy warships ang naispatan 12 nautical miles mula sa Balabac Strait sa Palawan.

Nakita ang mga barko dalawang araw matapos na umatake ang Chinese Coast Guard (CCG) sa mga Pilipino na nagsasagawa ng resupply mission sa Ayungin Shoal sa West Philippine Sea.

Pito sa mga sundalong Pilipino ang nasaktan, kabilang na ang isang nawalan ng hinlalaki sa kamay. Sa pamamagitan ng Department of Foreign Affairs, tinutulan ng Pilipinas ang mga ilegal at agresibong aksyon ng mga otoridad ng China na nagresulta sa pinsalang pisikal sa mga tauhan at pagkasira ng sasakyang pandagat.

'Pinas, US at France, isinagawa ang ‘Balikatan 2024’

ni Angela Fernando - Trainee @News | April 25, 2024

Nag-conduct ang 'Pinas, United States at France ng isang multilateral maritime exercise sa West Philippine Sea bilang bahagi ng Balikatan 2024.

“As we speak, nagse-set sail na po 'yung mga barko natin (our ships are already setting sail), from here sa Puerto Princesa,” saad ng Armed Forces of the Philippines’ (AFP) Western Command (Wescom) spokesperson Captain na si Ariel Coloma.

Nagtungo mula sa Palawan ang BRP Ramon Alcaraz ng Philippine Navy, isang offshore patrol vessel, at ang BRP Davao del Sur, isang Landing Platform Dock — ang Marine Nationale (French Navy) frigate na FS Vendémiaire at ang US Navy amphibious warfare ship na USS Harpers Ferry na ilan sa mga lumahok na warship, ayon kay Coloma.

Kinumpirma rin ni Coloma na mag-uumpisa agad ang mga ito pagdating sa eastern coast ng Palawan.

CCG, may delikadong maniobra vs vessel ng 'Pinas

ni Angela Fernando - Trainee @News | March 22, 2024

Nagpahayag ang Armed Forces of the Philippines (AFP) nitong Sabado na ang China Coast Guard (CCG) ay nagkaroon ng isang mapanganib na maniobra laban sa isang sasakyang pandagat ng 'Pinas na nasa resupplying mission patungong Ayungin Shoal.

Naglabas ang AFP ng ilang larawan at video ng nasabing insidente na nangyari nitong 6:00 ng umaga.

Ang mapanganib na maniobra ay ginawa ng sasakyang pandagat ng CCG na BN21551, ayon sa AFP.

Ang nasabi namang sasakyang pandagat ng bansa na Unaizah May 4 (UM4) ay ang parehong sasakyan na nasira sa pag-atake ng water canon ng CCG nu'ng Pebrero.