by SM Supermalls - @Brand Zone | March 2, 2021
Enjoy awesome discounts for #AweSMWomen every Wednesday of March!
For more events click here : smsupermalls.com/mall-sale-events/
top of page
Search
by Meralco - @Brand Zone | February 4, 2021
Bilang suporta sa gobyerno at sa pribadong sektor sa laban kontra COVID-19, pinailawan ng Meralco ang bagong treatment center na ipinatayo ng Department of Public Works and Highways (DPWH). Ito ay matatagpuan sa C4 Road, Barangay Tanong, Malabon City.
Bahagi ng proyektong ito ay ang paglalagay ng bagong pasilidad na paglalagyan ng metro, pagtatayo ng apat na konkretong poste, at paglalagay ng dalawang 75-kVa na distribution transformer.
Ang ginamit na materyales sa tatlong (3) haba ng wire na ikinabit sa pagitan ng apat na poste ay overhead conductor na may balot. Kaugnay ng nasabing proyekto ay naglipat din ang Meralco ng isang pasilidad ng elevated metering center (EMC) at distribution transformer.
Gaya sa iba pang naunang treatment center para sa COVID-19, sinisiguro ng Meralco ang maaasahang supply ng koryente para rito. Sa kasalukuyan, nasa 90 na ang bilang ng mga pasilidad para sa COVID-19 na pinailawan ng Meralco.
Kabilang dito ay mga ahensya ng gobyerno, mga pampubliko at mga pribadong ospital, laboratoryong ginagamit sa testing, pasilidad para sa quarantine, at mga treatment center.
ni Fely Ng - @Bulgarific | January 21, 2021
KAMAKAILAN ay nakita natin ang Facebook post ng isang sikat na personalidad sa larangan ng musika na si John Lesaca.
Sa kanyang FB post, pinuri niya ang Meralco, partikular ang business center nito sa
Commonwealth, dahil sa mahusay na customer service.
Ibinida ng biyolinista ang magandang serbisyo nang sumadya ito sa Meralco Commonwealth.
Ang nasabing post ay inumpisahan ni Lesaca sa pagkukwento na bago dumating ang COVID-19 pandemic ay nakaugalian na niyang sumadya sa opisina ng Meralco upang personal na magbayad ng kanyang bill.
Aniya, bagama’t mahaba ang pila para sa mga senior citizen, matagal na ang 30 minuto na paghihintay upang makabayad. Mas matagal pa raw ang kanyang biyahe dahil sa trapik.
Ngayong panahon ng pandemya, ang kanyang ikinabahala lamang ay ang paghihintay sa labas ng opisina dahil sa pagpapatupad ng social distancing. Buti na lamang daw at mayroong inihandang tent ang Meralco pati na rin mga bentilador upang masigurong komportable ang mga nakapila sa labas.
Hinangaan ni Lesaca ang taglay na kahusayan, pagiging propesyonal, at pagiging magalang ng mga frontliner ng Meralco sa mga customer. Sila umano ang dapat tularan ng customer service ng ibang mga utility company.
Pinuri din ni Lesaca ang mahusay na serbisyo ng mga guwardya na pawang mga alisto at inaalalayan ang lahat ng mga senior citizen na nagsasadya sa opisina.
Sa dami ng taong dumaragsa sa Meralco lalo na ngayong nagbalik na ang pagpuputol nito ng serbisyo ng kuryente ng mga customer na hindi nakababayad ng bill sa tamang oras, tiyak na daan-daang customer ang nakakaharap ng mga frontliner nito kada araw.
Alam naman natin na ngayong pandemya ay hindi madali ang maging frontliner.
Dala ang matinding pagod at stress sa trabaho, at ang pangamba na magkaroon ng sakit na COVID-19 sa dami ng nakakaharap na customer, talagang maituturing na isang kahanga-hangang bagay ang panatilihing mahusay at kaaya-aya ang serbisyong inihahatid ng mga frontliner sa bawat customer.
Nawa’y tayo, bilang customer ay maging mabait din sa ating mga frontliner lalo na kung
mahusay ang ating serbisyong nakukuha.
Tiyak na marami ang namomroblema at umiinit ang ulo dahil sa Meralco bill ngunit, sana ay huwag natin ibuhos sa mga frontliner ang stress at galit.
Huwag nating awayin ang mga taong itinataya ang kanilang kalusugan makapagbigay lamang ng serbisyo sa atin.
Parati nating isaisip na sila ay tao lamang na napapagod din at may hangganan ang enerhiya at pasensya.
Sana ay maging mas sensitibo tayo sa kalagayan ng lahat ng frontliner sa bansa.
Ang isa ring kapansin-pansin at kahanga-hangang bagay sa kuwentong ito ay ang malinaw na katotohanang ang isang sikat na personalidad na kagaya ni John Lesaca ay pumipila sa Meralco na parang ordinaryong mamamayan. Sana ay magsilbi siyang ehemplo, na hindi por que sikat ay kailangang espesyal ang pagtrato.
Sana ay mas marami pang kagaya ni John Lesaca na nananatiling mapagkumbaba sa kabila ng kanyang kasikatan.
RECOMMENDED
bottom of page