3 patay sa banggaan ng bus at motorsiklo sa Quezon

ni Angela Fernando - Trainee @News | February 23, 2024

Patay ang tatlong sakay ng motorsiklo, kabilang ang isang bata, nang salubungin nito ang bus sa Tagkawayan, Quezon.

Nahuli cam ang paglihis ng takbo ng motorsiklo kung saan napunta ito sa linya ng papasok na bus at doon nila ito nabangga.

Nakaladkad ang motor bago tuluyang makahinto ng pampasaherong bus.

Nasawi ang rider ng motor at nadala pa ang dalawang sakay nito sa ospital na doon binawian ng buhay.

Hawak naman ng mga otoridad ang driver ng bus at hinihintay pa itong magbigay ng pahayag.

Truck nag-dive sa bangin, 15 patay

ni Angela Fernando - Trainee @News | February 22, 2024

Umabot sa 15 katao ang namatay nang malaglag sa bangin ang isang truck sa Mabinay, Negros Oriental.

Ayon sa mga ulat, umaabot sa 100 metro ang lalim ng pinaghulugan ng truck na may sakay na ilang mga tao.

Nangyari ang insidente ala-1:46 ng hapon nu'ng Miyerkules sa may pakurbang parte ng national highway sa Brgy. Bulwang.

Pahayag ng isang responder na si Jun Caraell ng Mabinay Disaster Risk Reduction and Management Office, nakitaan na ng problema ang nasabing truck ngunit ginamit pa rin ito sa biyahe.

Agad na dinala ang mga nakaligtas sa ospital habang patuloy ang pagtukoy ng mga otoridad sa dahilan ng pagkahulog ng truck.

82-anyos, tumatawid sa pedestrian lane, sapul sa van, patay

ni Angela Fernando - Trainee @News | January 11, 2023

Nasawi ang isang 82-anyos na lola matapos na madali ng wing van habang siya'y tumatawid sa pedestrian lane sa Minglanilla, Cebu.

Kinilala ang biktima na si Asuncion Doque na nagtamo ng pinsala sa ulo matapos mabagok.

Sugatan naman ang 58-anyos na anak ni Asuncion na si Estela Trason.

Sabay ang mag-inang tumatawid sa pedestrian lane nang mahagip ng nag-overtake na wing van.

Kasalukuyang nasa kustodiya na ng mga pulisya ang driver na nahaharap sa mga kasong reckless imprudence resulting to homicide and physical injuries.