Tinatayang nasa 65.7-M ang boboto... Mga botanteng Pinoy, aktibong nakilahok sa 2022 elections

ni Zel Fernandez | May 9, 2022

Alas-6:00 pa lang ng umaga, dagsa na ang mga botanteng nagsipila sa kani-kanilang mga presinto sa buong Pilipinas.

Kasunod ng panawagan ng pamahalaan sa mga mamamayan na huwag sayangin ang kanilang karapatang bumoto, hindi maikakaila ang aktibong paglahok ng mga botante sa iba't ibang panig ng bansa.

Bagaman ang ilang mga presinto ay hindi maikakailang nakabuo ng mahahabang pila, magandang senyales ito na aktibo ang mga rehistradong botante sa pakikiisa sa nagaganap na 2022 elections.

Sa matiyagang pagpila ng mga botante, nagsisimula nang maipon ang mga boto na bibilangin upang maihalal ang mga susunod na lider sa pambansa at lokal na pamahalaan.

Tinatayang aabot sa 65.7 milyong Pinoy ang inaasahang lalabas ngayong araw ng eleksiyon upang iboto ang kani-kanilang mga napupusuang kandidato.

Samantala, magiging kaabang-abang ang gaganaping bilangan at proklamasyon ng mga mananalong kandidato, kasabay ng pangako ng Comelec sa publiko na sisiguruhin nito ang malinis, tapat at mapayapang eleksiyon 2022.

Sa 2022 elections... Ilang mga aspirant na naghain ng COC

ni Jeff Tumbado | October 1, 2021

Ngayong Biyernes, Oktubre 1, 2021, ang simula ng paghahain ng Certificate of Candidacy (COC) ng kandidato para sa national at local positions sa Commission on Election (Comelec) at tatagal ng hanggang Oktubre 8, 2021.

Narito ang listahan ng mga aspirante:

PRESIDENTIAL ASPIRANTS

*Senador Manny Pacquiao

Independent:

* Dave Aguila

* Dr. Jose Montemayor, isang doktor, abogado, ekonomista

* Leysander Ordenes, dating sundalo

* Edmundo Rubi

* Laurencio Yulaga

VICE PRESIDENTIAL ASPIRANTS

* Rep. Lito Atienza, PDP-PROMDI Alliance

* Rochelle David

* Alexander Lague

SENATORIAL ASPIRANTS

* Lutgardo Garbo

* Rep. Loren Legarda

* Gov. Chiz Escudero (inihain ni Atty. George Garcia)

* Abner Afuang

* Bay Maylanie Esmael

* Norman Marquez

* Bertito del Mundo

* Sen Risa Hontiveros

* Romeo Plasquita

* Samuel Sanchez

* Phil Delos Reyes

* Baldomero Falcone

PARTYLIST REPRESENTATIVE ASPIRANTS

* AGAP

* Kabayan

*An-Waray

* DIWA

* Pilipinas Para sa Pinoy

* Alona

* Democratic Workers Association

* TODA

* CANCER

* People’s Volunteer Against Illegal Drugs

* Patriotic Coalition of Marginalized Nationals, Inc. (1-PACMAN)

* ACT-CIS

* MARINO

* Ako Tanod

Willie, Robin at Tulfo, pasok sa senatorial line-up ni P-Du30

ni Lolet Abania | July 20, 2021

Ipinahayag ng isang opisyal mula sa PDP-Laban na pina-finalize na ni Pangulong Rodrigo Duterte ang senatorial lineup ng kanilang ruling party para sa 2022 national elections.

“President Rodrigo Roa Duterte is now finalizing his senatorial line-up composed of reelectionist, returning senators, cabinet members, and prominent personalities,” ani Eastern Samar Governor Ben Evardone, PDP-Laban vice-president for Visayas.

Ayon kay Evardone, nasa inisyal na listahan sina Department of Public Works and Highways (DPWH) Secretary Mark Villar, Chief Presidential Legal Counsel Salvador Panelo, Presidential Spokesperson Harry Roque, Department of Transportation (DOTr) Secretary Arthur Tugade, Department of Labor (DOLE) Secretary Silvestre Bello III, at Cabinet Secretary Karlo Nograles.

Kabilang din sina House Deputy Speaker Loren Legarda, Information and Communications Chief Gregorio Honasan II, Senate Majority Floor Leader Juan Miguel Zubiri, former Senator JV Ejercito, Metropolitan Manila Development Authority (MMDA) Chairman Benhur Abalos, Presidential Anti-Corruption Commission Greco Belgica, at Presidential Communications Operations Office Secretary Martin Andanar.

Ang iba pang personalities na nakasama sa listahan sa posibleng senatorial candidates ay sina Willie Revillame at Robin Padilla, at ang broadcaster na si Raffy Tulfo.

Ayon kay Evardone, personal na ikinakampanya ni Pangulong Duterte ang mga kandidatong ito at lahat sila ay susuportahan ng PDP-Laban.

Sinabi pa ng opisyal na naging basehan sa pagpili sa mga nasabing indibidwal ang kanilang track record sa serbisyo-publiko, integridad, kakayahan, at kanilang ‘unselfish commitment’ na maglingkod sa mga mahihirap at mga less fortunate na kababayan.

Gayunman, ayon kay Evardone, kumokonsulta pa at pinag-aaralan ng Pangulo ang kabuuan ng ieendorso para sa tatakbo sa senatorial race.

“PRRD’s endorsement power is very potent because of his enormous popularity,” aniya.