Mga POGO pinagpapanggap na BPO ng ilang opisyal ng gobyerno — Hontiveros

ni Angela Fernando @News | Nov. 21, 2024

Photo: Senator Risa Hontiveros / FB

Ibinunyag ni Senate Deputy Minority Leader Risa Hontiveros nitong Huwebes na may ilang opisyal ng gobyerno na tumutulong sa Philippine Offshore Gaming Operators (POGOs) upang maiwasan ang ipinatutupad na ban.

Ginagawa ito sa pamamagitan ng pagtuturo sa POGOs na magparehistro bilang Business Process Outsourcing (BPO) firms upang maitago ang kanilang patuloy na operasyon.

"'Yung mga sumbong sa amin ay may mga government officials pa na nagpapayo sa kanila na mga ganu'n, magbago na lang kayo ng porma, at least legally, na mga simple BPOs lamang pero nakatago sa loob nu'n ay mga POGO operations," saad ni Hontiveros.

Ayon pa kay Hontiveros, walang pangalan ng mga opisyal ng gobyerno ang nabanggit sa mga ulat na nagpapakita ng posibleng pagtulong ng ilang opisyal sa POGO upang maiwasan ang ban.

Binigyang-diin din ni Hontiveros na isa lang ito sa maraming paraan upang maiwasan ang isinasagawang ban na ipinataw ni Pangulong Ferdinand Marcos Jr., sa pamamagitan ng executive order.

Magugunitang ang hakbang na ito laban sa mga POGO ay bunsod ng mga alegasyon ng pagkakasangkot ng nasabing industriya sa online scams, human trafficking, at iba pang kriminal na gawain.

Humingi ng tips kay Vilma… JESSY, UMAMING SABLAY NANG UMARTE

ni Julie Bonifacio @Winner | Nov. 21, 2024

Photo: Jessy at Vilma - FB

Inamin ni Jessy Mendiola na humingi siya ng tips sa kanyang biyenang Star for All Seasons na si Vilma Santos-Recto sa muli niyang pag-arte sa harap ng kamera.

“Pero kasi talagang, sabi ko, pang-malakasan talaga, dapat may tips kay Momski. May work s’ya, talagang magbasa ako nang paulit-ulit ng script.

“Kasi ‘pag nanganak ka, ang dami mong nalilimutan. Nag-vitamins ba ako kaninang umaga? Uulitin ko na naman sa gabi,” kuwento ni Jessy.

Si Jessy ang leading lady ni Gerald Anderson sa bagong drama series ng ABS-CBN.

Five years tumigil umarte si Jessy. Nangangalawang kadalasan ang isang artista kapag nahihinto sa pag-arte.

Sey ni Jessy, “Hay, naku! Hanggang ngayon, feeling ko, nangangalawang pa rin ako.

“Sabi ko, mas tuod pa ako sa kahoy umarte, eh. Pero natutuwa sila sa ‘kin. Kasi alam nila na kinakabahan ako. 

“And sabi nila, that’s a good sign kasi it means na hindi ka kampante. You are on your toes and you are willing to learn and to improve. And to relearn a few things. So, yes. Exciting naman siya. And, nakakatawa.”

Nakakatuwa ang sagot ni Jessy when she was asked kung masasabi niya that she’s a better actress now.

“Parang sana naman, walang  pressure na ganoon. Hahaha!” sabay-takip sa mukha niya ng hawak niyang red handbag.

Aniya pa, “Pero I will try my best para siguro kasi, iba na rin ngayon. May mga hugot. Sana, sana ma-deliver ko nang maayos ‘yun.”

Ini-reveal din ni Jessy na naimpluwensiyahan siya ng kanyang Momskie Vi na mag-comeback sa showbiz.

“Yes naman,” sambit niya. 

“A few weeks ago, we were walking around the garden, tapos we were talking about her movie. Tapos pinag-uusapan naming parehas, kasi parehas kaming ano, eh, may project ngayon.

“Sabi ko, ‘O, Momskie, kumusta ka na po du’n sa movie mo? I know how tired you are. Are you having fun?’

“Tapos s’ya naman sa akin, ‘O, kumusta ka na sa soap (opera) mo? Tingin nga nu’ng look test n’yo,’ ganyan, ganyan.

“Tapos tiningnan n’ya ‘yung mga pictures. Tapos, sabi n’ya, ‘Ang bata mo tingnan dito, ha? Kailangan mo pang magpa-mature nang konti.’ Kasi ano, eh, mother role. Sabi ko, ‘Oo nga po, Momskie, eh.’ Sabi niya, ‘I think it’s the hair.’

“May mga ganoon kaming usapan. 

Tapos, sinabi ko naman sa kanya, ‘Are you having fun d’yan sa movie mo?’ ‘Uh, I’m having so much fun. Na-miss ko talaga ‘yung ganito.’

“And ‘yung entry (Metro Manila Film Festival) movie n’ya ngayon (Uninvited), sobrang iba ang role n’ya. Kaya I think, super excited s’ya and halata naman.

“Kasi ‘pag may shoot s’ya, tatawag talaga s’ya sa ‘kin. Magbi-video call sila ni Rosie. Talagang,

‘Hi! I’m here! I’m on the set,’ ganoon. So, makikita mo talaga na she’s happy with what she’s doing,” kuwento pa ni Jessy.

Nakausap namin si Jessy sa birthday celebration ng beauty guru na si Cathy Valencia na ginanap sa Manila Polo Club sa Makati City last Saturday. Isa sa mgaloyal endorsers ng Cathy Valencia Advanced Skin Clinic si Jessy Mendiola.

---

Isang Tagalog ballad na may temang Pasko ang isinulat dahil sa separation anxiety, at ang taos-pusong recording nito na inihatid ng isang boses na karapat-dapat na marinig ng publiko, ay nagresulta sa isang dapat marinig na digital single na tinatawag na Sana Kapiling Ka.

Ang taos-pusong track na inilabas noong Nobyembre 15 at ipinamahagi ng pinagpipitaganang Star Music ng ABS-CBN ay ang debut single ng gitara ng mang-aawit na NEON, isang pagtuklas na itinatanghal ng mga piling tagaloob ng musika bilang isang pop artist na dapat abangan.

Ang bagong rekord ay ginawa ng eksperto sa marketing na si May Manuel, kasama si NEON (isang musical director at record producer mismo) at ang kanyang kaibigan na marunong sa musika na si Chi Capulong ang nag-aalaga sa paghahalo at pag-master nito.

“Heto na ang panahong pagninilayan ang kahapon. Sa tuwing humuhuning mga ibon,” expressed the opening line of the song written by composer and music journalist Yugel Losorata.

Ang music columnist, book author, at recording artist ay nananatili sa lugar ng kanyang ina sa Southern California, USA noong isinulat niya ang piyesa.

Naging abala ang NEON sa paggawa at paggi-gig mula nang alisin ang mga paghihigpit sa pandemya. 

Ikinumpara ni Marivic Benedicto, pinuno ng music publishing at bagong media sa ABS-CBN Productions, ang kanyang husay sa pagkanta sa mga tulad nina Ariel Rivera, Erik Santos at Daryl Ong.

Ang Sana Kapiling Ka ay isang makabagbag-damdaming ballad na nakaangkla sa maayos na sentimental na lyrics, isang nakakayakap na tune, isang galanteng halo ng acoustic guitar, violin, at mga sweeping vocal ng NEON. 

Parehong matagal nang magkaibigan sina NEON at Yugel, kung saan ang una ay nag-aayos ng nakaraang release ng banda ng huli na kaakibat ng The Pub Forties kung saan siya ang naging chief songwriter nito na tumutugtog ng bass guitar. Ang kanilang camaraderie ay humantong sa isang kasunduan sa pakikipagtulungan kung saan ang Neon ay magre-record ng mga kanta na isinulat ni Yugel.

Inilabas ni Yugel ang sarili niyang bersiyon ng nasabing kanta sa ilalim ng orihinal nitong pamagat na Hosanna Kapiling Ka, na ipinamahagi ng NSFU na nakabase sa Los Angeles.    

Ang Sana Kapiling Ka ng NEON ay pinalalabas bilang isang Christmas ballad kung saan ang mga OFWs, mga pamilya nito, at mga magkasintahan na nakikibahagi sa mga long-distance na relasyon ay dapat mahanap na relatable.

Asahan na ang bagong boses sa bayan ay gagawa ng mga round sa pag-awit ng kantang binigyan niya ng hustisya sa pamamagitan ng mahusay na musicianship, pangangalaga sa isang kaibigan, at paniniwala sa mensahe at himig nito.

8 buwan nagpagamot sa USA… MERCY NG AEGIS, BIGLANG NAMATAY AFTER MAOPERAHAN SA BAGA

ni Erlinda Rapadas @Teka Nga | Nov. 21, 2024

Photo: Mercy Sunot - Aegis Band

Ang labis na ipinagtataka ng kanyang kapatid na si Juliet Sunot ay kung bakit agad na namatay si Mercy isang araw lang matapos siyang maoperahan. May kapabayaan kayang nangyari sa panig ng mga doktor sa ospital?

Ang dahilan ng pagkamatay ng Aegis lead vocalist ay lung cancer. 

Tumira si Mercy Sunot sa California, USA ng walong buwan upang magpagamot at sumailalim sa chemotherapy. 

Single mom si Mercy at may dalawang anak na naiwan. May gagawing concert sa New Frontier Theater ang AEGIS bilang tribute sa yumaong lead vocalist. 

Bago pumanaw si Mercy Sunot, naging guest pa siya ng Jukebox Queen na si Eva Eugenio sa isang show sa USA, kung saan kinanta niya ang mga big hit songs ng Aegis tulad ng Luha at Ibigay N’yo Na Ang Aming Christmas Bonus. Kaya marami ang nagulat sa biglaang pagkamatay ni Mercy Sunot. 

Nangako pa naman siya sa kanyang mga anak na uuwi siya ng Pilipinas sa Disyembre upang magkasama-sama sila sa Pasko.

---

Nakilala ang Kapuso actress na si Rufa Mae Quinto (RMQ) sa kanyang karakter bilang jologs na komedyana. ‘Yun ang tumatak sa kanya, pati na rin ang paborito niyang linyang, “Go, go, go!” 

Pero ngayon na nagma-mature na siya, gusto na rin ni RMQ na magbago ng imahe. Gusto niyang gumanap sa mga seryosong role sa telebisyon at pelikula, at willing siyang mag-undergo ng acting workshops upang ma-achieve ang pangarap niyang maging seryosong aktres at magtagal sa showbiz dahil passion niya ang umarte at mag-perform. Iiwanan na niya ang dati niyang image na “BOOBA!”.

Well, maganda ang desisyong ito ni RMQ, pero hindi iyon magiging madali para sa kanya. Dapat niyang seryosohin ang kanyang pagsalang sa acting workshop. Subukan niyang magpaturo/magpatulong sa magaling na acting coach na si Anne Villegas. Tapos, mag-guest siya sa isang episode ng Magpakailanman. 

Pero, ang tanong, tanggapin kaya ng publiko ang isang seryosong Rufa Mae Quinto?

---

MAY pelikula na ang Kapuso couple na sina Mikee Quintos at Paul Salas. First time nilang magkakasama sa isang movie project na pinamagatang Sweet As Chocolate (SAC). 

Sa Bohol kinunan ang kabuuan ng pelikula na idinirek ni Rado Peru. Ang tourist attraction na Chocolate Hills ang naging main location ng pelikula.

Ang SAC ay naka-schedule ipalabas sa Pebrero 2025.

May bago ring show si Mikee Quintos sa GMA Network, ang Lutong Bahay (LB) na araw-araw napapanood. Dito, nagge-guest sila ng iba’t ibang celebrities.

Bukod sa pagluluto, nakakapag-share rin ang mga guests ng iba't ibang aspeto ng kanilang buhay, at nakakapag-promote ng kanilang TV shows, concerts at pelikula. 

Excited din si Mikee Quintos sa pagbabalik ng Sang’gre: The Encantadia Chronicles kung saan isa siya sa mga lead stars.

So far, going strong ang relasyon nila ni Paul. Suportado nila ang isa’t isa, at malaki ang ipinagbago ni Paul Salas nang dumating sa buhay niya si Mikee Quintos. Ine-enjoy nila ang panahon na lagi silang magkasama.