Kahit hirap, todo-tiis… CARLA, NAGPA-FREEZE NG EGGS PARA MAGKAANAK THRU IVF

ni Beth Gelena @Bulgary | Apr. 1, 2025

Photo: Carla Abellana - Instagram

Ini-reveal ni Carla Abellana na nagpa-freeze siya ng kanyang eggs. Ito ay prosesong ginagawa ng isang babae na gustong magkaroon ng anak through IVF (in vitro fertilization).

Sa Instagram (IG) account ng aktres nu’ng Linggo ay ibinahagi niya ang kanyang journey sa egg freezing sa pamamagitan ng isang video. Ikinuwento rin niya sa caption ang kanyang preparations para sa naturang proseso.

“A few years ago I had my first online consultation with Dr. Mendiola of KATO Clinic,” ang

simula ng caption ni Carla sa video.

“Life happened so I had to postpone the process for over a year and a half,” patuloy niya.

Laking-tuwa niya na nag-open na ng branch sa Quezon City ang clinic na pinagkokonsultahan niya kaya itinuloy na niya ang matagal nang planong pagpapa-freeze ng eggs.

Mapapanood sa video ang mga paunang steps na ginawa kay Carla at isa na nga rito ay ang pagkuha ng dugo sa kanya nang makailang beses. Makikita na kinukuhanan siya ng dugo sa parte ng kanyang tummy.

“I had lost count of how many daily injections I had to endure. If at first, you don’t succeed, try and try again!” she wrote.

Sa dulo ng video, sey ng aktres, “So another round of injection and tablet medication. And I (have to) go back in 3 or 4 days. So, yeah, let’s keep doing this.”

Sa caption ay binanggit ng aktres na ‘transformative experience’ raw for her ang journey niya sa egg freezing.

“My journey towards egg freezing has been a transformative experience — one that required a lot of research, emotional preparation, and support (hug emoji).

“From the moment I decided to take this step, I knew it was important to surround myself with the right team. Thank goodness for @conceiveivfmanila (under @krbc.ph) (heart emoji),” pahayag ni Carla.

Nasa mga unang hakbang pa lang si Carla at happy naman daw siya sa expertise and professionalism ng medical team, gayundin sa facilities ng clinic.

“The consultation was the first step, where Medical Director Dr. Ednalyn Ong-Jao explained the process and answered all my questions with much care and expertise.

“As I prepared, I was amazed by the professionalism and compassion of the entire team. The Nurses made every step easy and reassuring, while Doc Eds ensured that every detail was carefully handled (heart hand emoji).

“The facilities are top-notch, making me feel safe and well taken care of every step of the way (hospital emoji).

“I’m incredibly grateful to everyone involved—their kindness, support, and expertise made all the difference (white heart emoji),” sey ni Carla.

Pinusuan ng mga netizens and kapwa-celebrities ang post na ito ng aktres. Sa comment section ay makikita ang tatlong white heart emoji na reaksiyon ni Bea Alonzo.

---

Anak sa ex-Miss Pasay na ipinalit kay Kris… 

BUNSO NI JOEY, PANLABAN NG ‘PINAS SA MISS TEEN GLOBAL 2025 SA BRAZIL

ISA na namang Marquez ang pumalaot sa mundo ng beauty pageant at ito ay ang isa pang anak na babae ni Joey Marquez na si Jomelle Joegy Marquez.

Si Joegy, as she’s fondly called by her friends, is the newly-crowned Miss Teen Global Philippines.

Naganap ang kanyang official crowning and sashing ceremony sa The B Hotel, Alabang last Thursday, March 27.

Only 15 years old, si Joegy ay bunsong anak ni Tsong Joey sa dating Miss Pasay na

nagtatrabaho noon sa bangko. Siya ang nakarelasyon ng aktor-pulitiko after Kris Aquino.

Hindi naman kataka-takang pumasok din sa pageant world si Joegy since beauty queen din pala ang kanyang ina plus of course, ang tita niyang si Melanie Marquez (Miss International 1979), ang pinsan niyang si Michelle Dee (Miss Universe Philippines 2023), at ang half-sister niyang si Winwyn Marquez (first Reina Hispanoamericana Filipinas title sa Miss World Philippines 2017).

“Growing up, I liked princesses, fashion, and modeling,” sey ni Joegy. 

Aniya, “On career days at school, I’d always choose to be a firefighter or ballerina simply because I love the outfits.”

Aminado rin siyang bata pa lang ay mahilig na siya sa tiara.

“I remember I’m begging my dad to buy me a tiara ‘coz my tiara before broke when I was a kid. He bought me a lot,” tsika ng dalagita.

When asked kung ano ang naging reaksiyon ng daddy niya sa pagsali niya sa beauty pageant, aniya ay nagulat daw ito.

“Growing up, I was the quiet, reserved type. But he’s definitely supportive. His only reminder is that I finish school. He’s always supportive with what I’m doing,” esplika niya.

Tungkol naman sa half-sister niyang si Winwyn na kasama naman ngayon sa Miss Universe Philippines 2025, ayon kay Joegy ay super proud siya sa kanyang ate at siyempre, wish niya ang tagumpay nito sa MUPH.

Close raw silang magkapatid at aniya, “She wants to teach me; it’s just she’s busy now.”

Ayon pa sa young beauty queen, hindi niya akalaing magugustuhan niya ang pagsali sa beauty pageant.

“I never realized I wanted to be a beauty queen until I started experiencing it. Growing up I always liked fashion and modeling,” deklara niya.

Joegy is the Philippines’ representative for Miss Teen Global 2025 na gaganapin sa Rio de Janeiro, Brazil in September. 

Ayon sa anak ni Tsong, ito raw ang kanyang first international pageant competition.

Advocacy ni Jogey ay animal welfare at ipakikita niya sa mundo na ang mga Pinoy ay magaling makitungo lalo kapag iniharap ang sarili sa isang paligsahan.

Kaya ayaw pang umuwi kahit tapos na ang shooting… DANIEL, MAY ESTUDYANTENG NILILIGAWAN SA BAGUIO

ni Beth Gelena @Bulgary | Apr. 1, 2025

Photo: Daniel Padilla - Instagram

Nababalita umanong nawiwiling umakyat ng Baguio si Daniel Padilla (DJ) dahil sa isang girl.  

Isang source umano ang nagsabi sa beteranang manunulat na si Cristy Fermin na may pinagkakaabalahang girl ang actor ng Incognito.  

Pahayag niya, “At gaano katotoo ang kuwentong umiikot po ngayon? Saan nagsu-shooting ang Incognito? Baguio! 

“Merong balita. Merong isang source na nagsabi na madalas doon si Daniel kahit tapos na ang shoot ng Incognito, hindi umuuwi ng Maynila.”  

Isa umanong babae ang nakilala roon ni Daniel na siyang bago nitong pinagkakaabalahan. 

Sey niya, “Meron daw isang girl na parang nililigawan n’ya. Parang ganu’n... May pinagkakaabalahang girl.”

Pero tanging ang aktor lamang daw ang makakapagkumpirma nito.  

“Ito po ay pupuwedeng i-deny ni Daniel at sabihin na ‘Naku! Heto na naman, may mga gumagawa na naman ng kuwento.’ At puwede rin namang tanggapin niya para masabi naman ng ating mga kababayan na kaya naman pala. At may karapatan naman s’ya na ma-in love. May karapatan naman s’yang makipagrelasyon, wala naman s’yang sabit.

“‘Yun daw girl, nag-aaral sa Baguio... Na nakilala n’ya, isang gabi na alam mo na, eh, naglilibang din naman si Daniel. Nakilala n’ya. ‘Yun ang dahilan kung bakit kahit tapos na raw ang shoot ng Incognito, nandu’n pa rin s’ya,” dagdag pa ni Cristy. 

---

Sa isang interbyu kay Alden Richards, ibinulgar ng Kapuso actor na gusto niyang makatrabaho si Anne Curtis sa isang proyekto.  

“Actually, so far, I’ve never worked with Anne Curtis yet and I would love to work with her on a project, maybe a movie or a series. Kasi alam naman natin before, when I was starting, na naging crush ko po si Ms. Anne Curtis for the longest time,” wika ng aktor.  

“Nagkikita-kita kami, nagkakaroon na kami ng chance to bond together, but actually work together? Not yet. So I am looking forward to that,” dagdag ng multimedia actor.  

May sarili na ring production si Alden at ibig pa niyang i-expand ang kanyang company bilang producer.  

Pagbabahagi niya, “We already finished filming Death March. This is a film with Scott (Adkins), with Gabbi Garcia in partnership with Odyssey Pictures. It will be premiering outside of the Philippines muna.” 

Marami umano siyang natutunan sa kanyang mga foreign co-productions.  

“Puwede palang i-presell ang films in other countries kahit script pa lang or artista pa lang, so it’s also a good learning for us that we’re able to venture outside of the Philippines and partner with foreign productions kasi we had a lot of learnings,” pakli ni Alden.  

May isa pa siyang movie under his production teamed up with Viva Films, ang Out of Order (OOO) kung saan sila ni Heaven Peralejo ang lead stars.  

Kahit patay daw ang role, bayad… FREDDIE WEBB, AMINADONG DAHIL SA PERA KAYA UMAARTE PA RIN

ni Nitz Miralles @Bida | Apr. 1, 2025

Freddie Webb - FB

Pabiro, pero totoo at tama ang sagot ni Freddie Webb kung bakit at 82 years old, nagtatrabaho pa rin siya at kasama sa cast ng drama series na Ang Himala ni Niño (AHNN) na napapanood sa TV5.  

“Malaki ang bayad, bakit naman ako tatalikod sa magandang palabas gaya nito?” paunang sagot ni Freddie nang tanungin kung bakit niya tinanggap ang offer. 

Sinundan ito ng “I’m comfortable acting as an old man because I’m an old man. When I got the role, I talked to God at sabi ko, ‘God, bahala na kayo sa ‘kin. I’m not young anymore.’ I’m happy and forever grateful na part ako ng series. I’m glad to be given the role of Lolo Mars.”  

May sinabi pa si Freddie na ikinatawa ng press at may kinalaman ito sa karakter niya sa series na si Lolo Mars. 

Aniya, “Hindi na baleng patay ang karakter, basta may taping pa rin.” 

Hindi malinaw kung ang ibig sabihin ni Freddie ay magmumulto ang karakter niya sa series.  

Anyway, may 2 weeks airing pa naman ang AHNN at malalaman ng mga viewers kung mamamatay nga ba ang karakter niya o mabubuhay? 

Basta happy si Freddie sa karakter niya na siyang magtuturo kay Zion (Cruz) na magdasal.  

“Sabi ko kay Zion, ‘Pasalamat ka, marami pa tayong taping at pasalamat ka sa three cameramen na kinukuhanan ang magaganda mong anggulo.’ I am in the twilight of my years. How blessed am I to be taken as part of this series,” ayon pa kay Freddie.  

Nagkaroon ng reunion sina Freddie at Carmi Martin sa AHNN na 12 years magkasama sa Chicks to Chicks (CTC). Pasikat pa lang daw noon si Carmi at ngayon ay isa nang superstar.  

Ang Himala ni Niño is presented by MQuest, TV5 and line produced by Cornerstone Studio directed by Thop Nazareno. 

---

Saranggola, sumabit… CHOPPER NA SINASAKYAN NI SEN. BONG, MUNTIK MAG-CRASH

NASA Facebook (FB) ni Senator Bong Revilla, Jr. ang ginanap na misa kahapon sa bahay nila sa Bacoor, Cavite, para magpasalamat sa successful emergency landing sa Cebu ng sinasakyang chopper ng reelectionist senator. 

Kasama ni Bong na nagsimba ang kanyang pamilya at staff na laging kasama sa pangangampanya.  

Post ni Bong, “Thanksgiving mass with family this Sunday. Always thankful for God’s love, protection, and blessings.” 

Naniniwala ang senador na himala ng Sto. Niño ang nagligtas sa kanila dahil malapit sa chapel ng Sto. Niño ang binabaan nila. 

Kasama sa pinasalamatan ni Bong ang owner ng property kung saan sila nag-emergency landing.  

Ipinakita pa nga nito ang chapel ni Sto. Niño, kung saan sila nag-emergency landing. Ipinakita rin nito ang propeller ng chopper kung saan sumabit ang pinapalipad na saranggola na sumabit. 

Mabuti raw at hindi nag-crash ang chopper dahil sa nangyari, kaya panay ang pasasalamat ni Bong na safe sila at nakabalik ng Manila.  

---

HINDI rin pala nakayanan ni Buboy Villar ang bashing sa kanya at sa partner niya ngayon dahil in-off nito ang comment box ng kanyang Instagram (IG). 

Matatandaang nagsalita kamakailan ang ex ni Buboy na si Angillyn Gorens na nanay ng dalawa niyang anak at ibinulgar nga nito na bukod sa hindi nagsusustento ang aktor ay binubugbog daw siya noon.

Ang hindi na-off na comment box sa IG ni Buboy, limitado naman ang puwedeng mag-comment, na ikinadismaya ng mga bashers na gusto pa namang okrayin si Buboy.  

Pati nga teeth cleaning at pagbisita ni Buboy sa skin clinic, ginawang isyu at kung anu-ano ang comment sa kanya. 

Sa lagay na ‘yun, wala siyang sinabi sa isyu sa mediacon ng Samahan ng mga Makasalanan (SNMM) at sa interview lang kay Nelson Canlas siya nagsalita, pero ang dami pa ring nag-react.  

Mabuti na lang at hindi nagpapaapekto si Buboy, tuloy ang trabaho niya at nakangiti pa rin sa mall shows nila ng cast ng nasabing pelikula. 

Kailangan niyang tumulong sa promo dahil nakakahiya naman sa mga kasama kung siya lang ang wala. Tapos, tatanggap siya ng bonus kay Chavit Singson na nangako ng bonus sa buong cast kapag naipalabas na ang movie.

Balik-pelikula si Buboy sa SNMM, tapos may isyu pa siya. Ang biruan nga, mas may isyu pa siya kesa kina Sanya Lopez at David Licauco na mga bida sa pelikula ni Director Benedict Mique.  

“Magandang blessings ito for me dahil matagal na akong hindi nakakagawa ng movie at comedy pa. Nagpapasalamat ako sa mga writer at kay Direk Benedict, sobrang enjoy kami on and off cam. Sana maging successful,” wish ni Buboy Villar.