After kumalat ang viral kissing video, together again… DOMINIC, BINALIKAN SI SUE SA SIARGAO

ni Beth Gelena @Bulgary | Nov. 21, 2024

Photo: Dom at Sue - Circulated

Muling nakitang magkasama sina Dominic Roque at Sue Ramirez sa Siargao kamakailan.

Kumalat ang bagong video ng dalawang celebrities na magkasama sa nasabing isla matapos pagpiyestahan ang unang viral kissing video nila.

Ibinunyag ni Ogie Diaz na bumalik si Dom sa Siargao matapos ang block screening ng pelikula ni Kathryn Bernardo na Hello, Love, Again kung saan isa sa mga dumalo ang ex-BF ni Bea Alonzo.

Sa pinakabagong episode ng Showbiz Updates nitong Lunes, ibinahagi ni Ogie ang natuklasan mula sa kanyang source. 

"Ayon sa aking source, hindi ko alam kung totoo ito, pero ngayong Nobyembre 18, nasa Siargao ulit si Dominic Roque," ani Ogie. 

Naiwan daw doon si Sue, na matagal nang naroroon simula pa noong Oktubre.

Sa kabila ng mga kontrobersiya ay tahimik lang sina Dominic at Sue hinggil sa kanilang isyu.

Sa pag-ingay ng pangalan ng dalawa ay naglabas ng paglilinaw ang ex ni Sue na si Mayor Javi Benitez para kumpirmahin na apat na buwan na silang hiwalay ng aktres.

Dumarami naman ang sumusuporta kina Dominic at Sue sakali mang maging sila dahil ayon sa kanilang mga followers ay pareho naman silang single at pareho ring deserve na lumigaya.

---

'Wag na raw magpauto uli, mister, may iba nang nabuntis… XIAN GAZA KAY AI AI: AFTER KANG GAMITIN, INIWAN KA NU'NG SENIOR CITIZEN KA NA

Xian Albert Gaza at Ai Ai Delas Alas - FB

May open letter si Christian Daza para kay Ai Ai delas Alas na naka-post sa kanyang Facebook account.

Ito ang letter ni Gaza para sa komedyanang aktres:

"Madam, may nabuntis na pong iba ‘yung asawa mo. Wait mo na lang na i-reveal ‘yung bata next year. Ganyan po talaga ang buhay, matapos kang gamitin para umasenso sa life at magkaroon ng green card sa US, iniwan ka na lang basta-basta noong ikaw ay senior citizen na. Ayaw na po niya sa matanda kaya ngayon ay ipinagpalit ka sa mas bata. Ang importante po ay naging masaya ka sa piling niya for the last 10 years. Time will heal you, Madam.

Huwag ka na pong magpauto ulit, ha? Enjoy-in mo na lang po ‘yung buhay single mo. Fling-fling na lang. Tikim-tikim na lang. Huwag ka na pong magpagamit ulit sa mga kaedad namin dahil pera lang po ang habol namin sa matatanda. Sayang lang po ‘yung feelings, pera at oras na ii-invest n’yo sa amin. Praying for you, Madam Ai Ai, and God bless po sa bagong chapter ng iyong buhay. -- Xian Gaza"

Ang reaksiyon ni Ai Ai sa open letter ni Gaza, "Christian Albert Gaza PM mo naman ako, ‘di ako maka-comment sa page mo, eh, hehehe."

Samantala, wala pa ring pahayag ang mister ni Ai Ai delas Alas na si Gerald Sibayan na nakipaghiwalay daw sa komedyana dahil ‘di na siya masaya at gustong magkaroon ng anak. 

---

Nag-celebrate ang former Bb. Pilipinas 2020 na si Rabiya Mateo ng kanyang 28th birthday kamakailan.

Ani Rabiya sa kanyang Instagram page, "Feeling blessed at 28! Cheers to the amazing years of my life."  

Aniya pa, "Learning, growing, and improving." 

Oo nga naman, bukod sa may career, masaya pa ang love life ni Rabiya at mukhang going stronger naman sila ng Kapuso actor na si Jeric Gonzales. 

Mariel, sinabihan pang deserve nila… SEN. ROBIN, NA-BOO SA CONCERT NG BINI

ni Nitz Miralles @Bida | Nov. 21, 2024

BINI concert - Robin at Mariel / Circulated / Instagram

Sumugod pa talaga ang ilang mga netizens sa Instagram (IG) account ni Mariel Padilla para sabihing deserve nilang ma-boo.

Na-boo kasi si Senator Robin Padilla sa concert ng BINI noong November 18 sa Smart Araneta Coliseum. Isa-isang in-acknowledge ng members ng BINI ang mga celebrities na nanood ng concert nila at nang mabanggit si Robin, nag-boo ang mga tao.

Tanong ng ibang mga netizens, ano raw ba ang kasalanan ni Robin para ma-boo? Kasalanan ba nito kung nanood siya ng concert na siguro naman, bumili sila ng tiket at hindi complimentary. 

Kasamang nabanggit ang pangalan ni Mariel, kaya kasama siya sa comment na, “Deserve n’yo po ma-boo.”

Kasama pa naman nina Robin at Mariel na nanood ng concert ang mga anak na sina Isabella at Gabriella na mabuti at mga bata pa at hindi alam kung para saan ang ingay na narinig.

Walang sumisisi sa BINI dahil binasa lang naman nila ang list ng mga nanood at hindi rin nila ma-control ang reaction ng audience. Suhestiyon ng ibang mga netizens, ‘wag na lang i-acknowledge ang mga VIP at celebrities sa mga concert para maiwasan na may ma-boo.

Kasama palang na-boo ang grupong BGYO na mag-iisip ka kung ano ang kasalanan nila sa tao o may kasalanan sila sa BINI at iginanti lang sila ng audience.

---

Habang todo-promote ng TV… 

HEART NADULAS SA BAHAY, SIKO NAPURUHAN

Heart Evangelista - IG

Newsmaker talaga si Heart Evangelista dahil ‘yung video ng pagkadulas niya habang nag-a-unboxing nang ine-endorse na Cherry TV ay umabot na sa 2.3 million ang views sa Instagram (IG). Success na sana ang unboxing ni Heart sa 55 inches TV, tumayo siya sa likod ng TV, humakbang at bigla na lang siyang natumba.

Nagkagulo ang mga kasama sa bahay ni Heart, may sumigaw at may sumugod sa kanya para tulungan siyang makatayo.

Ang right elbow nito ang inireklamo na itinukod daw niya nang siya’y matumba.

Ang ikinatawa ng mga followers niya, idinaan sa tawa ni Heart ang nangyari sa kanya na kahit nasaktan, nakangiti pa rin ito. 

Lalong natawa ang mga followers nito sa IG sa comment na, “Lintik! Bumili kayo ng TV!”

Siguradong tuwang-tuwa kay Heart ang mga taga-Cherry dahil sa blooper na ‘yun ng aktres, marami ang mapapabili ng brand ng television. 

May nag-comment naman na hindi pa nadulas o natapilok si Heart na high heeled o killer shoes ang suot. Kung kailan nasa bahay lang siya at tsinelas ang suot, saka naman siya nadulas.

In fairness, pati ang pet dog ni Heart na si Panda, lumapit sa fur mom niya nang makitang natumba ito. Mabuti na lang at walang grabeng nangyari kay Heart Evangelista at nagtatanungan pa kung paano at bakit siya nadulas?

---

Chloe, sapul daw… 

AI AI: NANAY ANG NAGTUTURO SA ANAK NA MAGING MABUTING ASAWA

Moving on si Ai Ai delas Alas  after nilang maghiwalay ng asawang si Gerald Sibayan. Busy siya sa kanyang Balik-Ganda at Balik-Fitness program at bukod sa workout, may dance lesson pa siya.

Sey niya, “Mahabang proseso pero pipilitin kong maging mabilis at produktibo... hindi lamang para sa ‘kin, kundi sa iba pang kagaya kong may pinagdadaanan. Laban lang, i-Zumba natin ‘yan #loveyourself, #movingforward.”

May post sa Instagram (IG) si Ai Ai na ang sabi: “Nanay ang nagtuturo sa anak na maging mabuting asawa.”  

Sinang-ayunan ito ni Ai Ai, “Tama nga naman, so mga anak, alam na this,” at naka-tag ang mga anak niyang sina Sancho at Nicolo.

Akala yata ng mga followers ni Ai Ai, si Chloe San Jose ang kanyang sine-shade dahil ang daming nagbanggit sa pangalan ng girlfriend ni Carlos Yulo. 

Mabuti rin at wala pang nagta-tag kay Chloe dahil baka sumagot ito at sagutin siya ng anak ni Ai Ai na si Sophia delas Alas.

600k nawalan ng kuryente sa US dahil sa bagyo

ni Eli San Miguel @Overseas News | Nov. 21, 2024

Photo: "Bomb cyclone" - Eastside Fire and Rescue / AP

Isang malakas na bagyo ang tumama sa estado ng Washington nitong Miyerkules, na nag-iwan ng daan-daang libong tao na walang kuryente, umabala sa pagbiyahe, at nagresulta sa hindi bababa sa dalawang pagkamatay.

Isang babae ang namatay noong Martes nang mabagsakan ng puno ang isang kampo ng mga walang bahay sa Lynnwood, hilaga ng Seattle.

Isa pang babae ang nasawi malapit sa Seattle nang mabagsakan ng puno ang kanyang bahay. Dalawang tao naman ang nasugatan nang mabagsakan ng puno ang kanilang trailer sa Maple Valley, timog-silangan ng Seattle.

Mayroon ang bagyo ng mga hangin na umaabot sa 50 mph (80 km/h) at mga bugso ng hangin na umabot ng 70 mph (110 kph).

Iniwan nito ang mahigit 600,000 na tahanan at negosyo na walang kuryente sa Washington, timog-kanlurang Oregon, at Hilagang California, ayon sa Poweroutage.us.

Tinatawag na "bomb cyclone" ang bagyo dahil sa mabilis nitong paglakas, at inaasahang mananatili sa Hilagang California sa mga susunod na araw.