ni Nitz Miralles @Bida | Jan. 21, 2025
Heart Evangelista is turning 40 years old on February 14, 2025 at sa kanyang birthday, nangako itong maghihinay-hinay na sa paggastos.
Sinabi ito ni Heart sa last Saturday’s episode ng Heart World (HW).
“‘Di naman sa ‘di ako gagastos,” paunang sabi ni Heart.
“I know how it feels na magtrabaho, kumayod talaga dahil gusto ko nito kasi I’m lucky, privileged ako na ‘di naman ako naging breadwinner in a sense sa pamilya ko. Pero, ibig sabihin, lahat ng mayroon ako, lahat ng suot ko, pinagtrabahuhan ko, as in talagang pinagpuyatan ko, talagang pinilit ko ‘yan para mabili lahat ng meron ako,” pahayag ni Heart.
Nabanggit din ni Heart na ngayong nagkakaedad na siya, mas na-realize na niya kung ano ang mas importante at hindi ang material things.
“But now as I get older, I really feel tired. Iba na talaga ‘yung dating sa ‘kin, kahit Fashion Week,” sabi pa nito.
Naikuwento ni Heart na minsan siyang hinimatay dahil napagod sa dami siguro ng mga dinaluhang fashion shows.
Aniya, “Hinimatay na ‘ko sa Fashion Week kasi alam ko na nagsa-suffer na ‘yung health ko over and beyond just to get the bag, just to get the jacket. These ridiculous things na ginagamit ko naman sa trabaho ko but I will not use that anymore to justify.”
Dagdag pa nito, “I will review talaga, hihigpitan ko ‘yung belt ko ‘pag gumagastos ako,” pangako ni Heart.
Sa isyu na ginagamit niya ang pera ng husband niyang si Senate President Chiz Escudero dahil iniisip ng tao na ginagastusan siya ng asawa, si Chiz na ang nagsabing may prenup agreement sila ni Heart.
Paliwanag niya, “Kahit na may prenup kami, sa dulo, pareho pa rin ‘yun. Kasi kung meron s’ya at wala ako, eh, di s’ya ang magpupuno nu’n. Kung wala s’ya at meron ako, eh, di ako rin naman ang magpupuno.”
MAY post si Direk Mark Reyes ng photo nila ni Barbie Forteza at ang caption, nagpapahiwatig na si Barbie ang magbibida sa remake ng Moments of Love: On Borrowed Time. Ito ‘yung hit movie ng GMA Films na pinagbidahan nina Iza Calzado, Karylle at
Dingdong Dantes at may special role si Ms. Gloria Romero.
Si Mark ang director ng original movie at siya rin ang magdidirek ng remake na mukhang si Barbie nga ang gaganap sa role na ginampanan ni Iza sa original movie.
Ang caption ni Direk Mark, “Time has brought us back together again since #thehalfsistersgma. Looking forward to the “moments” when we get to work together again. See you soon, Barbie doll!”
May mga nag-react agad na dapat si David Licauco ang leading man ni Barbie at gaganap sa role na ginampanan ni Dingdong. Sana raw, BarDa movie ito dahil bagay na bagay kina Barbie at David ang pelikula.
Dahil busy pa ang mga fans sa pangangalampag sa GMA Pictures na dapat ang BarDa ang magbida, hindi pa nila naiisip kung sino ang bagay sa mga Kapuso stars para sa role ni Karylle. Also, kung sino ang gusto nila na gumanap sa role na ginampanan ni Ms. Gloria.
Kapag si Barbie na nga ang magbibida sa remake ng Moments of Love, second movie niya ito for this year. Ginawa rin niya ang horror movie na P77 na this year din ang playdate. Okay na ang fans na wala munang TV project si Barbie para mag-focus sa movies.
NAKAKUHA ng larawan si Ruru Madrid sa taas ng tulay na ang background ay ang billboard ng Lolong: Bayani ng Bayan (LBNB). Simple lang ang caption ni Ruru at pinaabangan ang world premiere ng bago niyang series sa GMA-7 na nagsimula kagabi.
Kahapon din, bago ang pilot ng Lolong, spotted sina Ruru, Shaira Diaz at Martin del Rosario sa Five Star Terminal sa Cubao to promote the series. Kasama nila si Dakila (ang buwaya) na kahit ang malaking bunganga lang ng buwaya ang dinala, enjoy magpakuha ng picture ang mga tao.
Ang sipag mag-promote ni Ruru sa bago niyang series at inamin nitong pressured siyang gumawa ng serye na tatatak sa puso ng mga Pinoy.
“Pressured ako hindi sa kompetisyon or kung anuman. Kumbaga, pressure na makagawa ka ng isang programang tatatak sa puso ng sambayanang Pilipino,” ani Ruru Madrid.
