PMFTC ilulunsad ang makabagong IQOS ILUMA sa Pilipinas

ni Chit Luna @Brand Zone | October 4, 2023

Inilunsad ng PMFTC Inc., ang lokal na affiliate ng Philip Morris International (PMI), ang IQOS ILUMA—ang pinaka-makabagong teknolohiya ng heated tobacco para bigyan ang mga naninigarilyo sa Pilipinas ng mas mainam na alternatibo sa paninigarilyo.

Ayon sa PMI, ginagamit ng IQOS ILUMA ang bagong Smartcore Induction System para magpainit ng tabako mula sa loob ng TEREA Smartcore sticks. Pinapakawalan ng IQOS ILUMA ang lasa ng totoong tabako nang walang usok, abo at mas kaunting amoy kaysa sa sigarilyo.

Ang bladeless system nito ay hindi nangangailangan ng paglilinis pagkatapos gamitin, at ito ay lumilikha ng mas mainam na karanasan kumpara sa mga nakaraang IQOS devices. Mayroon din ang IQOS ILUMA ng auto-start function na nakikita kapag ang TEREA stick ay ipinasok at awtomatikong nagbubukas ang device.

Ang bagong IQOS ILUMA ay ang pinakabagong henerasyon ng mga IQOS devices at isang bagong karagdagan sa ng mga produktong smoke-free ng PMI, ayon kay PMFTC President Denis Gorkun.

Ito ay bahagi ng pangako ng PMI na patuloy na magsagawa ng siyentipikong pananaliksik para makahanap ng mas mahusay na alternatibo para sa mga nasa hustong gulang na naninigarilyo o gumagamit ng iba pang produktong naglalaman ng nikotina.

“IQOS ILUMA, our most innovative device yet, gives adult smokers a better choice and represents an important leap forward in our efforts to accelerate the end of smoking,” sabi ni Gorkun.

Sinabi naman ni Zulal Roessli, ang pinuno ng smoke-free products division ng PMFTC, na base sa market research ng PMI, ang IQOS ILUMA ay nagbibigay ng mas kasiya-siyang karanasan kumpara sa mga nakaraang henerasyon ng IQOS. Ang pag-aaral ay isinagawa sa Italy at Japan na may kabuuang 714 IQOS users mula Nobyembre 2020 hanggang Marso 2021.

Ayon kay Roessli, nais tiyakin ng PMI na sa pamamagitan ng makabagong tecknolohiya, mas maraming naninigarilyo ang lilipat at aalis sa sigarilyo and hindi na din sila bababalik sa paninigarilyo.

Mabibili ang IQOS ILUMA sa tindahan ng IQOS sa Bonifacio High Street sa BGC, Taguig City simula Oktubre 3, 2023. Mabibili din ito sa iba pang IQOS outlets sa Metro Manila, gayundin sa www.IQOS.com mula Oktubre 11, 2023.

Ang PMFTC ay ang kumbinasyon ng negosyo sa pagitan ng PMI at ng Lucio Tan Group. Inilunsad ng kumpanya ang IQOS sa Pilipinas noong Hunyo 2020 at sa ngayon mahigit 75,000 na mga naninigarilyo sa Pilipinas ang lumipat na mula sa sigarilyo dahil dito. Bahagi ito ng layunin ng PMI para sa smoke-free Philippines.

Noong Nobyembre 2022, ipinakilala ng PMFTC ang mas abot-kayang device nito na tinatawag na BONDS by IQOS.

Ang IQOS at BONDS by IQOS ay gumagamit ng espesyal na idinisenyong tobacco stick na tinatawag na HEETS at BLENDS. Ang parehong mga produkto ay hindi nagsusunog ng tabako. Naglalabas sila ng smoke-free aerosol sa halip na usok.

Ang mga devices na ito ay gumagamit ng sapat na init para makapaglabas ng aerosol na naglalaman ng nikotina at hindi sumusunog sa tabako. Dahil ang tabako ay pinainit at hindi sinusunog, walang usok na lumalabas, at dahil dito, mayroong mas malaking bawas sa antas ng mapaminsala at potensyal na mapanganib na mga kemikal.

Natuklasan ng isang pag-aaral na ang heated tobacco ay nagpabilis sa pagbaba ng benta ng sigarilyo sa Japan. Ipinapakita ng datos na pagkatapos ng pagpapakilala ng heated tobacco sa Japan noong huling bahagi ng 2014, ang benta ng sigarilyo ay bumagsak ng 9.5 porsiyento kada taon mula 2015 hanggang 2018.

Nagbibigay ito ng pagkakataon sa mga bansa tulad ng Pilipinas na tulungan ang milyun-milyong naninigarilyo at bigyan sila ng mabisang alternatibo.

Ilulunsad din ng PMFTC ang ZYN—isang produktong naghahatid ng oral na nikotina at walang usok. Ang ZYN ay ang pinakamabentang nicotine pouch sa United States mula sa Swedish Match na ngayon ay bahagi na din ng PMI.

Sinabi ni Gorkun na ang PMI ay nagsusumikap na maghatid ng smoke-free future sa Pilipinas.

#vape #vaping

Paggamit ng vape hindi humahantong sa paninigarilyo, ayon sa pag-aaral

ni Chit Luna @Brand Zone | September 30, 2023

Walang nakitang palatandaan na ang paggamit ng vape at iba pang alternatibong produkto ay humahantong sa paninigarilyo, ayon sa isang pag-aaral ng mga dalubhasa.

Sinabi ni Prof. Peter Hajek ng Wolfson Institute of Population Health sa Queen Mary University of London at isa sa may akda ng pag-aaral, na ang resulta nito ay nagpapakita ng ang pag-access sa e-cigarette at iba pang smoke-free products ay hindi nagtataguyod ng paninigarilyo.

Sinabi ni Prof. Hajek na sa katunayan ay nakikipagkumpitensya ang mga smoke-free products tulad ng e-cigarette at heated tobacco sa sigarilyo.

Ang pag-aaral ay nag-imbestiga kung ang e-cigarette ay nagsisilbing gateway sa paninigarilyo. Nakita nito na sa halip magtulak sa paninigarilyo, ang mga smoke-free products ay nakikipagkumpitensya laban sa sigarilyo at maaaring mapabilis sa pagtigil ng paninigarilyo. Ang pag-aaral ay inilathala ng Public Health Research at pinondohan ng National Institute for Health and Care Research (NIHR).

Tinanggap naman ng mga consumer group at tobacco harm reduction (THR) advocates sa Pilipinas ang resulta ng pag-aaral. Ayon kay Joey Dulay, presidente ng Philippine E-Cigarette Industry Association, ang pag-aaral ay nagpapakita lamang na ang mga vaper ay hindi nagiging smoker sa kalaunan.

“Sa mga kaedad namin, wala akong nakitang vaper na naging smoker. Sa katunayan, kilala ko ang maraming dating naninigarilyo na ngayon ay gumagamit na ng e-cigarette, na less harmful kaysa sa nasusunog na tabako,” dagdag ni Dulay.

Sinabi ni Dr. Lorenzo Mata ng advocacy group na Quit for Good na ito ang dahilan kung bakit mahalagang itaas ang kamalayan ng mga konsyumer sa malaking pagkakaiba ng panganib sa pagitan ng vape at tradisyonal na sigarilyo.

“Kung igigiit ng mga organisasyon tulad ng World Health Organization na ang mga smoke-free products at ang sigarilyo ay may parehong antas ng panganib, maaring bumalik nga sa paninigarilyo ang mga vapers. Subalit maraming mga Filipino vapers, batay sa kanilang karanasan, ay nakakaalam na ang kanilang ginagamit ay 95-porsiyento na mas mabuti kaysa sigarilyo, ayon na di sa mga siyentipikong pag-aaral sa UK at iba pang mga progresibong bansa sa buong mundo,” sabi ni Dr. Mata.

Sinabi ni Dr. Mata na ang resulta ng pag-aaral ay dapat ding magbigay ng mahalagang input sa mga kalahok sa WHO Framework Convention on Tobacco Control's 10th Conference of Parties na gaganapin sa Panama City sa Nobyembre 20-25, 2023.

"Ang pangunahing argumento ng WHO laban sa mga e-cigarette ay ang mga produktong ito ay nagsisilbing gateway sa paninigarilyo.

Ngunit ang natuklasan ng pag-aaral na ito ay salungat dito. Dapat suriin ng mga bansa ang dogmatiko at hindi siyentipikong posisyon ng WHO bago aprubahan ang mga bagong panukala ng pagbabawal sa mga alternatibong may lubhang maliit na panganib na dulot kumpara sa sigarilyo," sabi ni Dr. Mata.

Sinabi rin ng mga consumer group na ang mga panukala ng WHO FCTC sa COP10 ay kontra sa paninindigan ng mga bansa tulad ng United States, United Kingdom, New Zealand, Canada, Japan, South Korea, Sweden at Pilipinas na kumikilala na ngayon sa konsepto ng tobacco harm reduction.

Inihambing ng pag-aaral ang paggamit at pagbebenta ng vape at paninigarilyo sa mga bansa. Inihambing nito ang United Kingdom at United States kung saan pinapayagan ang paggamit ng vape sa Australia, kung saan ipinagbabawal ang pagbebenta ng mga produktong ito.

Natuklasan ng pag-aaral na ang pagbaba ng paninigarilyo sa Australia ay mas mabagal kaysa sa UK at US.

Sinabi ni Prof. Lion Shahab, co-author ng pag-aaral at co-Director ng UCL Tobacco and Alcohol Grupo ng Pananaliksik, na ang komprehensibong pagsusuri na ito ay nagbibigay ng katiyakan na ang paggamit ng e-cigarette ay hindi nag-aambag sa paninigarilyo.

Ang resulta ay nagmumungkahi na ang e-cigarette ay nakakabawas sa pinsalang dulot ng sigarilyo sa mga bansang pinapayagan ito.

Sinabi naman ni Prof. Brian Ferguson, Direktor ng Public Health Research Program (NIHR), na kailangan pa ng mas maraming pananaliksik sa isyung ito.

#vape #vaping