ni Reggee Bonoan @Sheet Matters | August 12, 2023
Masyadong intense ang eksena nina Coco Martin at Lovi Poe sa episode ng FPJ’s Batang Quiapo na umere nitong Huwebes nang gabi dahil hindi nila namalayang nagdikit na ang kanilang mga labi.
Ang kuwento kasi ay kailangan ni Lovi sa karakter na Mokang ng mahigit isang milyong piso para sa operasyon ng tatay niyang si Mang Marsing played by Pen Medina at dahil hindi naman ito kikitain ng dalaga sa pagsasayaw lang sa club, kaya pumayag na siya sa gustong mangyari ni Ramon na ginagampanan ni Christopher de Leon.
Habang magkasama sina Lovi at Christopher nu’ng gabi ay ninakaw naman nina Coco kasama ang mga kaibigan ang malaking halagang ibinayad sa grupo nina Jeffrey Tam as Tiu-Lee at Joonee Gamboa bilang si Angkong mula sa drogang ipina-deliver nila kay Tanggol (Coco).
Kaagad dinala ni Coco ang malaking halaga sa hospital at nag-abot nga sila ni Lovi at sinabing hindi na nito kailangan ang pera dahil bayad na.
Dito na nag-iyakan ang dalawa dahil mahigpit na bilin ni Tanggol, huwag ibebenta ni Mokang ang sarili dahil gagawan niya ng paraan anuman ang mangyari.
Sobrang mahal ni Tanggol si Mokang at mahal din naman siya ng dalaga na hindi lang muna masagot dahil sa amang maysakit at dire-diretsong iyakan ang eksena na walang script at bahala na ang dalawa kung ano ang mga gagawin nila.
Dito na bumigay si Lovi dahil siya ang unang humalik kay Coco at inaming dalang-dala sila sa mga sumunod na nangyari.
Ipinost ni Lovi sa kanyang Instagram kahapon nang hapon ang video ng eksenang nag-iiyakan sila ni Coco at ang caption, “What you would do for love (heartbroken emoji) #FPJsBatangQuiapo.”
Ang komento ng netizen na si @mychristory sa nasabing eksena, “Grabe Lovi! (emojis praying hands) Napakahusay. Legend says, it is all spontaneous.”
Sinagot ng aktres ang komentong ito, “@mychristory Ahh, free flow and trust the process! Super thank you, Christian (heart emojis).”
Sabi naman ni @mikaybhay, “The King of Primetime & The Supreme Actress, everyone!!! (clapping hands).”
Hirit ni @itsmerei143, “Mokang, beke nemen?! May sobra pa sa P1.2 M.”
Sabi rin ni @tina_deriquito, “Wala akong mintis sa panonood ng Batang Quiapo every night.
Pagkagaling namin sa work ng husband ko, pinapanood agad namin ‘yan here in California.”
Mula kay @Berna C. Cosme, “The portrayal of the scene is so touching, ‘di mo mapipigilang maluha sa scene na ‘to, you can feel the pain so much. Nice, Direk Coco and Lovi! Galing n’yo.”
Say ni @Lyn Calderon, “Sobrang ganda! Napaiyak din ako sa eksena!”
Marami rin kaming nabasang kinilig sila sa eksenang ito at the same time, umiiyak sila, tulad ni @Lyn Mercado, “‘Yung luha, unti-unting pumapatak.. Galing nilang dalawa.. At si Tanggol, best man siya, ginawa niya ang lahat.”
Samantala, ilang beses ding paulit-ulit na ipinost ni Lovi sa IG Stories niya ang video nila ni Coco, “Coco and I have been doing free flow scenes.. meaning.. No script. Wherever your heart leads you, do it. And so, at this very moment.. I felt like kissing him. It was their first… but sad kiss. My #Monggol heart is weeping.”
Mula sa produksiyon, “Walang script ‘yung halik. Dalang-dala rin ba kayo sa eksena?
Bukod sa mga eksena sa Batang Quiapo ay may post din ang aktres na nasa London na siya at ang saya-saya nito habang naglalakad na sinusundan ng camera na hindi ipinakita kung sino ang may hawak.