Ilang oras ikinulong, nagbayad ng P500… BARON, SOBRANG LASING, NAGBALIBAG SA HARAP NG IN-LAWS, INARESTO

ni Ador V. Saluta @Adore Me! | Feb. 25, 2025

Baron Geisler sa Incognito - IG

Ikinagulat ng aktor na si Baron Geisler ang kanyang kumalat na mugshot na kuha umano sa isang police station sa Mandaue City, Cebu nitong Linggo, February 23, 2025.

Inaresto at ikinulong pansamantala ang actor dahil sa pagwawala nang malasing.  

Sa kanyang Facebook (FB) ngayong Lunes, February 24, nagpaliwanag si Baron tungkol sa kanyang pagkaaresto.

Inalmahan ni Baron ang mga ulat mula sa ilang news outlets na wala umanong beripikasyon.  

“Irresponsible journalism” daw ang pagpapakalat ng “misinformation” tungkol sa nangyari sa kanya.

Pahayag ng actor, “Breaking my silence. There’s a lot of misinformation circulating, especially from news outlets that failed to verify the facts before reporting.

“Irresponsible journalism has blown things out of proportion, creating unnecessary confusion.

“I want to make it clear—I’m okay, and I’m seeking legal advice to address this properly.

“To those who continue to stand by me, thank you. Your support means everything. #TruthMatters #Grateful.”

Ayon pa kay Baron, nang kumalat ang mugshot niya sa FB nitong nagdaang araw, ilang netizens ang nag-akalang fake news ito.  

Ayon sa post ng isang netizen, flooded na umano ang kanyang Facebook feed ng shared photos ni Baron na naaresto. Akala ng netizen, fake news ito dahil may post pa raw ang aktor sa Instagram (IG) Story kasama ang misis nito.

Hanggang sa ilang news outlets na sa Cebu ang naglabas ng balita tungkol sa pag-aresto kay Baron.

Ayon sa ulat ng Cebu Daily News, naaresto raw si Baron bandang alas-3:50 ng madaling-araw noong Sabado, February 22, dahil sa “drunkenness”.

Ilang oras daw nanatili sa Canduman Police station ang actor na isa sa mga bida ng seryeng Incognito. 

Ayon naman sa ulat ng iFM 93.9 Cebu, sinabi ni Police Col. Mercy Villaro, ang Public Information officer ng Mandaue City Police Station, kasama raw ni Baron ang kanyang in-laws na nag-iinuman sa kanilang tahanan.

Habang nag-iinuman ay bigla na lamang daw may ibinalibag si Baron, kaya nagpatawag ng pulis ang kanyang in-laws. Bagama’t wala raw nadamay o nasaktan sa nasabing kaguluhan, inaresto pa rin si Baron dahil sa gulo at ilang oras ding na-detain sa Mandaue Police headquarters.

Nakalabas naman daw si Baron matapos magbayad ng penalty, na nagkakahalaga ng P500, dahil sa paglabag sa City Ordinance 11-2008-434 (drunkenness).

---

Noong February 21, kinumpirma ng ABS-CBN na handang-handa na ang network sa pagbabalik ng Pilipinas Got Talent (PGT) Season 7. Sa pagbabalik ng reality-search contest, kasama sina Robi Domingo at Melai Cantiveros bilang mga hosts.  

Bilang mga judges ng programa, magsasama for the first time sina Kathryn Bernardo at Donny Pangilinan, at ang bubuo ng apat na judges ay sina Eugene Domingo at Freddie “FMG” Garcia, na dating president ng ABS-CBN mula 1997 hanggang 2003.

Sa Instagram (IG) nitong Sabado, February 22, 2025, excited na nag-post si Robi ng mga larawan at video na kuha sa photo shoot at taping ng PGT Season 7.  

Proud si Robi sa pagsasama nina Kathryn at Donny at masaya niyang ibinahagi ang behind-the-scene photos at video.  

Isang karangalan para sa kanya na maging bahagi ng PGT, na dati ay pinapanood lang niya.

Ang excitement ni Robi ang dahilan para i-bash siya ng mga fans ni Belle Mariano, kalabtim ni Donny. Sa comments section ng post ni Robi, isang netizen ang nagkomento na may tonong pagbabanta sa TV host.

Kung saka-sakali man daw na pagtambalin sina Kathryn at Donny sa show, sisiguraduhin daw ng netizen na maba-bash nang husto si Robi ng mga tagahanga ng DonBelle—ang bansag sa love team nina Donny at Belle Mariano.

Kaya naman, usap-usapan agad sa online ang posibleng pagpapareha kina Kathryn at Donny sa mga paparating na shows ng Kapamilya matapos silang ipakilala bilang mga bagong judges ng PGT.  

Matatandaang umugong ang tsismis noon sa napabalitang panliligaw diumano ng aktor kay Kathryn matapos maghiwalay ang aktres at ang long-time boyfriend nitong si Daniel Padilla. Matatandaang sinabi rin ni Donny sa panayam na si Kathryn ang gusto niyang makasama, kaya’t ikinabahala ito ng mga fans ni Belle.  

Kaya naman naaalarma ang DonBelle supporters na kung saka-sakaling ipareha si Donny kay Kathryn, paano na ang ka-love team nitong si Belle?

Pero ayon naman sa bulung-bulungan, baka ipareha raw si Belle kay Robbie Jaworski, na bagong winelkam na talent sa Star Magic late last year.  

Tahimik ang kampo ng Star Magic tungkol sa espekulasyong magkakaroon ng mga pagbabago sa mga Kapamilya love teams this 2025, gaya ng Kathryn-Donny o Belle-Robbie.

MU raw sa pag-alis ng 'Pinas, magdyowa na pagbalik… KATHRYN AT ALDEN, MATAGAL MAGSASAMA SA CANADA

ni Nitz Miralles @Bida  | June 14, 2024

Lumipad kahapon pa-Hong Kong (HK) si Alden Richards para simulan na ang shooting ng Hello, Love, Again (HLA) nila ni Kathryn Bernardo. 

Sa TikTok post ni Director Cathy Garcia-Sampana, dumating na sa airport ng HK si Alden at ang caption ay: “Dito na si Ethan!!!” kaya marami ang na-excite.

May mga nalungkot lang dahil hindi magkasabay na umalis ng 'Pinas sina Alden at Kathryn. Wala na kasing eksena sa HK ang aktres. Sunod na lumipad pa-HK sina Jeffrey Tam at Joross Gamboa na kasama pa rin sa HLA.

Pinupuri ang kasipagan ni Alden dahil noong June 12, nasa Davao City siya para sa Independence Day Celebration at para na rin sa promo ng Pulang Araw (PA). 

Kahapon (June 13), nasa HK siya para sa shooting ng HLA. Hindi pa yata tapos ang taping niya ng PA, kaya babalik pa siya bago lumipad pa-Canada para sa shooting nila ni Kathryn.

Anyway, kinikilig ang mga KathDen (Kathryn at Alden) fans na sa shooting ng HLA, matagal magkakasama sina Alden at Kathryn. Ang biruan ng mga fans, mag-MU ang dalawa na magsisimula ng shooting, baka raw pagbalik nila ay couple na sina Alden at Kathryn. 

Mangyari kaya ito?

---

Todo-enjoy bilang single, Tom…

CARLA, TRIP TO JAPAN ANG B-DAY GIFT SA SARILI 

Ang ganda ng birthday message ni Carla Abellana na kaarawan noong June 12 at treat nito sa sarili ang trip to Japan.

Sey nito, “As I turn another year older, not only do I feel a genuine sense of happiness, but I also feel immensely grateful.

"I may not have everything I want and need in life. I struggle often, still worry from time to time (sorry, Lord) and quietly cry every now and then - all of which are fine and completely normal. But it’s truly the simplest of things that give me peace in my heart and help keep me going.

"On my birthday, I am grateful for the space to learn and grow from my mistakes, all

the fan messages and comments I receive, hugs from my nieces, a much bigger bed for my dogs, clean and fresh bed sheets, a warm shower, the breeze in my front porch, beautiful flowers, naps, the warmth of my family, my new home, the sound of my favorite beats, the kindness of strangers, the persons who love me genuinely, waking up each morning, the singsong of the wild birds on my trees, the laughter I share with my best friends, and all the times I kept going.”

Sa huli, ipinagpasalamat ni Carla sa Diyos ang mga sumusuporta at nagdarasal para sa kanya. 

After her vacation, magiging busy si Carla sa promo ng Widows’ War nila ni Bea Alonzo na premiere sa July 1.

---

IPINOST ni Alfred Vargas ang poster ng Pieta na may picture nila ni Nora Aunor at kasama nitong ipinost ang nominations na natanggap ng pelikula at cast sa 40th Star Awards for Movies. 

Sa caption, ramdam ang tuwa ni Alfred bilang aktor at producer.

“13 nominations for Pieta! Thank you, PMPC Star Awards! #grateful #PIETA #PMPCSTARAWARDS.”

Kabilang sa mga nominasyon ay Best Actress (Nora), Best Actor (Alfred), Best Supporting Actress (Gina Alajar) at Best Supporting Actor (Bembol Roco). 

Nominated din ang Pieta na Indie Movie of the Year, si Adolf Alix, Jr. para sa Indie Movie Director of the Year, at si Jerry Gracio para sa Indie Movie Screenwriter of the Year. Isa rin si Nora sa Dekada Awardees.

Dahil sa rami ng nominasyon, mas ganado nito si Alfred sa paghahanda sa special screening ng Pieta this month bilang tribute kay Nora sa pagiging National Artist niya.

Darating ang Superstar sa nasabing special screening.

Kasunod nito ang showing ng movie exclusively sa SM cinemas at may international screenings din para sa mga fans, lalo na sa mga Noranians na nasa ibang bansa.

Ayaw daw ng stress… KRIS, NAKIPAG-BREAK NA NAMAN KAY VG MARC

ni Julie Bonifacio @Winner | November 21, 2023

Officially break na ulit sina Kris Aquino at Batangas Vice-Governor Marc Leviste. ‘Yan ang announcement ni Kris sa kanyang Instagram post kahapon.

Kris shared a video on her Instagram sa pagbisita ng singer na si Angeline Quinto sa TV host/actress sa Amerika. At sa caption ay mababasa ang mga paglilinaw at kumpirmasyon sa latest ganap sa buhay niya.

Sa umpisa ng kanyang caption ay pinasalamatan ni Kris si Angeline sa pagbisita sa kanya kasama ang live-in partner nitong non-showbiz guy na si Nonrev Daquina at anak na si Sylvio.

Natuwa si Kris na inawit ni Angeline ang theme song ng dating morning celebrity talk show niya sa ABS-CBN, ang Kris TV. Si Angeline naman kasi talaga ang kumanta ng theme song ng Kris TV.

“It’s a great feeling to reminisce. That’s the good thing about the past, you get to choose which memories to bring with you,” masayang pag-alala ni Kris.

Pagkatapos ay nilinaw ni Kris ang isang item na lumabas sa isang online newspaper.

“May I clarify something I saw from the @inquirerdotnet feed? It was dated November 9, unfortunately by the time that post came out it was no longer true,” banggit ni Kris.

Pagpapatuloy niya, “A long distance relationship is difficult when undergoing very physically demanding treatments like my methotrexate and my Dupixent.

“But I got my latest blood panel, apart from my very low hemoglobin, all my autoimmune markers are slowly improving.

“The truth is that I chose to lessen the stressors in my life and put my wellbeing first… on November 3, 2023, I initiated our breakup. It was a well thought out decision based on choosing to do what’s best for me now. I’m dealing with so much and my love life isn’t a priority.”

Bukod sa kanyang latest update sa kanyang love life, ibinulgar ni Kris na may mabigat na pinagdaraanan ang kanyang pamilya ngayon.

Ayon pa kay Kris, “To protect my family’s privacy, please allow me to not give details about something that’s weighing heavily in our hearts (if you can pray for my sisters too, in the way you’re praying for me, sobra-sobra ang pasasalamat ko).”

Sa huling bahagi ng mensahe ni Kris ay nagpasalamat siya sa mga patuloy na nagdarasal para sa kanyang agarang paggaling.

“Maraming salamat po, against all odds, I am slowly getting better and by God’s grace, my autoimmune thyroiditis has gone into remission.

“And also because my doctors caught it early enough, my 5th autoimmune, the mixed connective tissue disease which was strongly pointing towards RA (rheumatoid arthritis) or SLE (lupus) in my latest panel seem to not be a present threat.

“From 5, I’m now just battling 3, BUT 1 of them is the main contrabida because it’s life threatening. THANK YOU for your prayers. God really is listening. #grateful”

Iba-iba naman ang comment ng mga followers ni Kris sa kanyang latest IG post. May nalungkot sa breakup issue nila ni Marc, may natuwa sa pagdalw ni Angeline at pagbuti ng health condition ni Kris.