ni Vinia Vivar @Frankly Speaking | July 24, 2024
Proud na proud si JK Labajo sa pagkapanalo ng girlfriend niyang si Dia Mate bilang Miss Reina Hispanoamericana sa katatapos lang na Miss World Philippines 2024.
Nag-post ng sweet tribute and message si JK for Dia sa kanyang Instagram (IG) account at parang siya nga ang nanalo sa sobrang pagka-proud.
“I have seen how you’ve gone through all the challenges and difficulties of the pageantry world with grace and elegance and I couldn’t be any prouder,” simula ni JK.
“You have been my queen since day one and the only difference now is that you’re wearing the crown that you so deserve. This is just the beginning,” patuloy niya.
Aniya pa sa kanyang mensahe, ang girlfriend daw ang nagpaliwanag ng kanyang mundo.
“To my sweet baby with the kindest heart and a smile that lights up my world, congratulations! I love you,” aniya.
Sumagot naman ang beauty queen ng, “I love you.”
Matatandaang last April nang magkaroon ng ‘hard launch’ si JK sa kanyang bagong girlfriend nang i-post niya ang larawan nito at humihingi ng tulong sa kanyang mga fans na iboto ito sa Miss Universe Philippines (MUPH).
“Hey, it’s me. Please vote for the beautiful bebe Ms. Cavite through the MUPH app, thank you,” ang caption ng aktor/singer.
Samantala, kinantiyawan ng ilang mga netizens si JK Labajo dahil beauty queen na naman daw ang girlfriend nito after Maureen Wroblewitz.
Congratulations, Dia Mate for winning Miss Reina Hispanoamericana!
FIRST BABY NINA RIA AT ZANJOE, BOY
IT’S a boy for Zanjoe Marudo and Ria Atayde!
Base sa post ni Ria at ng ilan nilang kaibigan, tila nagkaroon na ng gender reveal party ang mag-asawa.
Sa Instagram (IG) post ni Liza Dino ay kinumpirma niyang lalaki ang first baby na ipinagbubuntis ni Ria.
“It’s a boy for our baby sister Sophia Atayde (baby bottle emoji).
Patay, ka-birth month ni Ice ang magiging baby mo, good luck! Hahaha. Love you, Sis! (red heart emoji),” caption ni Liza sa larawan nila ni Ria na kuha sa party.
Sa IG Story naman ni Ria ay ini-repost niya ang mga posts ng kanyang mga kaibigan during the party.
Caption ng isa niyang friend, “We can’t wait for playdates with Baby Z.”
Binati rin ang mag-asawa ng mga netizens at kapwa celebrities sa comment section.
SINAGOT ni Herlene Budol ang mga namba-bash sa kanya dahil sa pagkakadapa niya sa stage habang rumarampa sa GMA Gala 2024 nitong Saturday.
Pinagtawanan at binash kasi nang bonggang-bongga ng mga tao si Hipon Girl at sinabihan na naman ng “t**ga.” May nagsabi pang baka sinadya niyang magpakadapa para maging agaw-eksena at pag-usapan.
Sa kanyang X (dating Twitter) account ay nagbigay ng mensahe si Herlene sa mga netizens.
Ini-repost ng beauty queen ang viral video ng pagkakadapa niya na ibinahagi ng isang netizen na may caption na, “Shutang ina, nahulog si Herlene Budol sa #GMAGala2024.”
Mensahe ni Herlene, “Sa buhay kapag nadapa ka, bumangon ka. Hangga’t may buhay, may pag-asa. Walang susuko para sa pamilya.”
Kasunod niyang tweet ay pinagsabihan niya ang mga netizens na hindi raw dapat pinagtatawanan kapag nadadapa.
“‘Pag nadapa, ‘di pinagtatawanan. Accident always happened! Sa palagay n’yo ba, gusto ko madapa? lahat ng tao nadadapa, naaksidente. Ang importante safe at ‘di nasugatan.
#GMAGala2024,” sey ni Herlene Budol.
