May matinding pinagdaanan… INDAY GARUTAY, UMAMING NAGPA-PSYCHIATRIST

ni Julie Bonifacio - @Winner | October 17, 2021

Born and raised pala ang komedyanteng si Inday Garutay, na ang tunay na pangalan ay Christopher Borja, sa San Juan.

Dahil d’yan, gusto niya na makatulong sa kanyang mga kadistrito sa San Juan. And the best way na matulungan sila ni Inday ay ang pagtakbo niya ulit as a public servant sa San Juan.

Isa sa mga plataporma ni Inday sa kanyang pagtakbo bilang konsehal ay ang magkaroon ng guidance counselor sa bawat barangay sa kanilang lugar para mapangalagaan ang mental health ng kanyang mga kadistrito.

Based on her personal experience kaya napili ito ni Inday na bigyan ng pansin sa kanilang lugar.

Nakausap namin si Inday sa online show na #CelebrityBTS BULGARAN NA sa Facebook page ng BULGAR kahapon, Sabado.

Inamin niyang minsan na rin siyang nag-consult sa psychiatrist nang may matindi siyang pinagdaanan, kaya nakikita niyang malaking tulong ang guidance counselor sa mga barangay para magbigay ng professional help sa mga nagdadaan sa depression and mental health problem.

The night before ng aming tsikahan ni Ateng Janiz Navida kay Inday sa #CelebrityBTS BULGARAN NA ay kasama raw niya ang tatakbong muli bilang senador na si Jinggoy Estrada.

Kabilang si Inday under Jinggoy and former President Joseph ‘Erap’ Estrada’s political party, ang Partido ng Masang Pilipino (PMP).

And speaking of former Senator Jinggoy, proud siya sa naging accomplishments niya noon sa Senado.

“The Senate records will bear witness to my performance as a senator,” lahad ni former Sen. Jinggoy.

Habang siya ay nanunungkulan sa Senado, nakapag-akda si Sen. Jinggoy Estrada ng 617 bills at mga batas na naglalayong matulungan ang mga kababayan nating biktima ng kahirapan.

Nariyan ang ilang batas na nagsagip sa mga inabusong OFWs sa Middle East, pati na rin ang Kasambahay Law na nagpatibay ng mga karapatan at seguridad ng mga kasambahay.

Pinalawig din ni Sen. Jinggoy ang mga batas kaugnay ng Public Employment Service (PES) at Special Program for the Employment of Students (SPES) na pinakinabangan ng ating mga kabataan.

Bukod pa riyan ay mayroon din siyang mga naipasang pag-amyenda sa Labor Code at marami pang iba.

Nagpakita naman ng pagsuporta ang mga netizens sa pagtakbong muli ni Jinggoy sa Senado.

“My family supports Jinggoy Estrada.”

“Go Senator Jinggoy, gawa ka naman ng batas para sa mga OFWs na overage na, 'yung magandang benepisyo para sa mga active at non-active OFWs. Thank you po, Mr. Senator, we will support you.”

So, 'yun.

'Di raw nagselos kay Kris noon… SIGAW NG MISIS NI ALVIN: ANG DAMING LALAKI,

BA'T KA MAGHAHABOL SA AYAW SA 'YO!

ni Julie Bonifacio - @Winner | October 11, 2021

After more than 30 years ay nakausap namin uli ang misis ni Alvin ‘The Captain’ Patrimonio na si Cindy Conwi kahit via Zoom lang as our special guest ni Ateng Janiz Navida sa online show ng BULGAR sa Facebook na live every Saturday morning, ang #CelebrityBTS BULGARAN NA.

Happily married pa rin sila ni Alvin after 32 years. Parang kailan lang nu’ng maganap ang controversial wedding nila sa Malabon at the height ng career ni Alvin as one of top PBA players noong late '80s.

And not to forget, Alvin is being linked to Kris Aquino that time kung saan ang kanyang yumaong ina na si Cory Aquino ang presidente ng bansa.

Kuwento ni Cindy during our interview with her sa #CelebrityBTS BULGARAN NA, preggy daw siya that time kaya they both decided to get married kahit wala pa siya sa tamang edad.

Tinanong ni Ateng Janiz si Cindy kung pinagselosan ba niya si Kris noon.

“I think the whole country knows that. The whole country sensationalized ‘yung news and it stuck with us. But ano naman, we learned to live with it. Pero it doesn’t matter actually ‘yung nangyari in the past, basta kami pa rin hanggang ngayon. Thirty-two years going strong and it doesn’t really matter kung ano ‘yung belief of others.

“But ang masasabi ko lang, kung naging ganoon nga ang nangyari, I wouldn’t be here kung totoo ‘yung mga lumabas dati, I wouldn’t be hanging around.

“Saka ang dami-dami naman d’yang lalaki, why would you settle for someone who doesn’t want you, ‘di ba?

“Ibig kong sabihin, kung hindi ako ang pinili ni Alvin, there was no competition anyway. In the first place, kami na ni Alvin ever since. Bago pa siya dumating sa Pilipinas, kami na ni Alvin. So, she knew very well. And uhm, if we ended our relationship dahil gusto niya sa iba, then ‘yun nga, that’s what I mean, hindi kami ngayon,” lahad pa ni Cindy.

Sa ngayon ay may apo na sina Cindy at Alvin, si Athena. Anak siya ng tennis player na si Clarisse.

Next week ay ikakasal naman ang panganay nilang anak and former The Killer Bride star na si Angelo Patrimonio sa kanyang model fianceè na si Jasmone Maierhofer.

Tsika ni Cindy, isang San Miguel poultry farm ang regalo ni Alvin sa kanyang soon-to-be-groom son.

And two weeks before Angelo’s wedding, nag-file ng kanyang COC si Alvin for mayor ng Cainta.

Mismong ang incumbent mayor ng Cainta na si Johnielle Keith Pasion Nieto, popularly known in Cainta, Rizal as ‘Mayor Kit’ ang nag-alok kay Alvin na humalili sa kanyang posisyon.

Early 2000 pa lang daw ay kinukumbinse na si Alvin ng gobernador ng Cainta na tumakbong mayor ng tinaguriang isa sa pinakamayamang municipalities sa bansa. But only now that finally ay tinanggap na ni Alvin ang hamon to lead the people of Cainta.

Kuwento pa ni Cindy, wala siyang ginawa sa bahay kundi magluto nang magluto dahil doon nagmi-meeting si Alvin at ang mga tatakbong konsehal niya which includes Kapamilya star Arci Muñoz.

So, there.

Ipinakita raw agad ang tunay na kulay… RITA KAY YORME ISKO: ANG LAKAS NG TAMA MO!

ni Janiz Navida @Showbiz Special | October 11, 2021

Ano kaya ang nararamdaman ngayon ni Manila Mayor Isko Moreno na 'yun sanang inaasahan niyang mga kasamahan sa industriya ng pelikula na susuporta sa kanya sa pagtakbong pangulo sa 2022 ay sila pang bumabanat ngayon sa kanya at isinusuka siya?

Nagsimula nga kasi ito nang banatan ni Yorme Isko ang kalaban niya sa pagka-pangulo sa 2022 na si VP Leni Robredo sa kanyang huling speech, kung saan sinabihan niyang "Fake leader with fake color is fake character," ang bise-presidente.

Isa ang aktres na si Ms. Rita Avila sa mga hindi nagustuhan ang banat ni Yorme Isko kay VP Leni, at talagang hindi ito nakatiis kaya ipinost ang saloobin sa kanyang Instagram account.

Caption ng kanyang IG post kung saan makikitang ini-repost niya ang naging pahayag ni Yorme Isko against VP Leni, "Ang babaw Yorme. 'Yan lang ang kaya mong isipin at sabihin? Kung hindi mo makita ang buti sa mga sinabi ni VP, kakahiya ka naman. "Maganda nga ang sinabi tungkol sa 'yo ni VP Leni. At ikaw din, maganda sinabi mo sa kanya nu'ng nakaraan. After a few days, ganyan ka na? Gollum lang? Paiba-iba ng mukha at sinasabi?

"At yellowtards pa talaga, ha? Ako nga, ayoko 'pag tinatawag ang mga DDS ng Dutertards kasi 'di naman dapat magpakababa ng pagkatao by calling them that just bec. DDS sila. Tao pa din sila.

"Pasensya na, ha? Pero salamat sa pagpapakita mo ng kulay. #mayoriskomoreno #dds #VPLeni #DapatSiLeni TALAGA."

Kasunod na ipinost ni Ms. Rita ang iba't ibang reaksiyon-comments ng mga netizens kaugnay ng kanyang unang post tungkol kay Yorme.

Caption naman niya rito: "Klarong-klaro naman mga Pilipino. Mayor Isko Moreno, aga mo namang pinahamak ang sarili mo. Pero salamat dahil nalaman agad namin ang pagkatao mo. "Buti talaga na 'di ako ang lumabas na nanay mo sa pelikula mo. Mahal ko ang direktor pero 'di talaga maganda ang kutob ko sa 'yo.

"Ipinagtanggol pa kita nu'ng siraan ka ng pangulo tungkol sa bold photos mo. Meron ka namang nagawang tama, kaso mas malakas ang tama mo.

"Pasensha na ulit. Sa tama at tutoo lang ako. #truecolors #mayoriskomoreno"

At isa pa uling larawan ni Mayor Isko habang nag-i-speech at nakasulat ang pagtawag nito ng "fake leader" kay VP Leni ang ipinost ni Ms. Rita Avila.

Caption ng post, "Ang tunay na ginto ay kumikinang. Ang tinubog lang ay lumalabas ang tunay na kulay.

"Sabi mo, fake si VP Leni. Wala pa s'yang nagawang kasinungalingan at papalit-palit ng mukha.

"Sabi mo, ang Otso Deretso ay inidoro, eh, kasama mo sa partylist si Samira Gutoc.

"OK, I have no more question, your Honor. #mayorisko #twofaced #rude #disrespectful sabi nga ng marami ay #trapo"

Wow, ang tapang ni Ms. Rita, ha?! Wooooooh!

In fairness sa aktres, kung ang mga tulad siguro niya ang tatakbo sa 2022, eh, finally, magkakaroon na tayo ng malinis na sistema ng gobyerno.

What do you think, mga Ka-Bulgar?

O, siya, samahan n'yo si Ateng Janiz mamayang 3 PM sa ating daily chikahan sa #CelebrityBTS Bulgaran Now online show na mapapanood sa BULGAR Facebook page.

Kaya i-like na ang aming BULGAR FB page para hindi kayo mahuli sa latest at ma-notify kayo agad-agad tuwing kami ay magla-livestream.

So, kitakits, ha?!