Misis, 'di siya ang No. 1 priority… ICE, TANGGAP NA MAY IBANG NAGPAPASAYA KAY LIZA

ni Julie Bonifacio - @Winner | July 11, 2022

Nahirapang sagutin ng outgoing Film Development Council of the Philippines chairperson and CEO na si Liza Diño ang tanong kung paano niya kinumpirma sa kanyang staff na may bagong appointee na para sa posisyon niya sa kanilang ahensiya.

“Doon ako nahirapan. Siguro, kaya rin ako nasa FDCP, it’s because of my team. Sobrang ahhh… sila ang naging pamilya ko for almost six years,” pahayag ni Chair Liza sa exclusive guesting niya sa #CelebrityBTS Bulgaran Na sa Facebook page ng BULGAR last Saturday with Ateng Janice Navida and yours truly as hosts.

Sabi nga raw sa kanya ng partner niya na si Ice Seguerra nu’ng sinabi ni Chair Liza na bakit siya naiiyak sa pag-alis sa FDCP, “But Love, you were married to FDCP. Minsan nga, mas priority mo ‘yan kesa sa amin. Hindi ‘yan trabaho sa ‘yo, mahal mo ‘yan. Kaya of course, you'll gonna be sad.”

Feeling ni Chair Liza, kung meron daw siyang hindi nagawa during her term, 'yun ay wala siyang Plan B, which means if ever 'di na nga siya mananatili as the head of FDCP for the new government.

Ipinatawag din pala si Chair Liza sa Malacañang at doon, nagkausap sila nu’ng in-charge sa appointment para sa kapalit niya as FDCP chair.

“In-official na nga ng Malacañang, pero wala pa raw memo na nanggagaling from Malacañang. At manunumpa na si Kuya Pip pero sa amin, hindi namin alam.

“Kaya ayun, talagang nakakabigla. Wala kaming formal communication. So, that night, I need to do a video kasi grabe na ‘yung mga naglalabasan, ‘di ba? ‘Yung iba, nalulungkot, of course. ‘Yung iba, nagpa-panic kasi nga, may mga partnership. May mga plano na mabibinbin.

“So, I had to assure everyone because as a leader, it’s not about yourself. Kung ano 'yung personal kong pinagdaraanan, hindi siya importante. Meron kang responsibility. I have to tell everyone na tanggap ko siya. I just need to process. Kailangan ko lang ayusin kung ano ‘yung next step. Nandoon na ako agad. Gusto kong maging maayos.

“The next day, ipinatawag ako ng Malacañang first thing in the morning. I had a meeting with our Office of the Executive Secretary."

Super apologetic daw ang OES kay Chair Liza.

“Napakaganda ng usapan namin. From their end, ang plano talaga, they are planning to reach out for me. Kaya wala pang official na nanggagaling from Malacañang. Kasi wala pa ring appointment paper si Kuya Pip, kaya ano ang ilalabas nila?"

Nagawa naman daw linawin sa kanya ng OES ang mga bagay-bagay.

“I just needed that clear. Talaga rin namang sa charter ng FDCP, uh, while my position is fixed three years, so, hindi ako kasama sa co-terminus, tanggal, etc.. 'Yung unang lumabas na executive order, hindi talaga ako kasama roon kasi fixed term ako.

“Pero sa RA 9167 which creates the FDCP law, nakalagay doon that the chairperson has a term of three years unless removed by the president. So, in-exercise ng ating president 'yung kanyang prerogative para mamili ng bagong head ng FDCP. At hindi natin puwedeng tanggalin sa kanya 'yun dahil karapatan po niya ‘yun who wants to be with him. So, I respect that.”

Ang unang-unang naisip daw ni Chair Liza ay bumawi — right after ng transition niya ng post to Kuya Pip — sa kanyang pamilya.

“Nu’ng nagsimula ako sa FDCP, si Amara (her only daughter), ang liit pa. Ngayon, mas matangkad na siya sa akin.

“As a mother, you will always feel guilty, kasi bawat oras na hindi mo naibibigay sa anak mo ay oras na nalu-lose mo para subaybayan ‘yung growth niya. Kahit na sobrang ganda ng relationship namin ni Amara, alam ko, meron akong pagkukulang.”

Sa kabila ng pag-amin ni Chair ng pagkukulang niya kay Amara, super all-out naman ang support ng kanyang unica hija sa kanya.

May sagot din si Chair Liza sa question na na-identify na niya sa akin tungkol sa pagkakaroon nila ng baby ni Ice.

“Well, sana, makasama siya (sa mangyayari sa kanya now that she’s not that busy anymore after FDCP). Feeling ko, ayaw ko na siyang banggitin. Feeling ko, kapag pinag-uusapan, hindi natutuloy. Kung mangyayari, mangyayari. Pero feeling ko, kakayanin ko talaga to become a full-time wife,” lahad ni Chair Liza.

At kung meron man siyang top favorite or proudest siya sa na-achieve niya sa FDCP, 'yun ay ang Pista ng Pelikulang Pilipino na karamihan sa mga pelikulang nakasali ay nanalo sa mga international filmfests. Also, ang mabigyan ng chance na mag-shine ang regional local filmmakers to make it big.

Pagbubulgar pa ni Chair Liza, from a little than 40 staff members ay umabot na sila to almost 200 with a budget na kung dati ay P78 million lang, ngayon ay P278 M na, na ayon pa nga sa kanya ay budget para lang sa isang South Korean film.

Ini-reveal din niya na ang next big project sana niya for 2023 kung 'di siya pinalitan sa FDCP ay may initials na BTS (tulad ng show namin), ang “Be the Next South Korea.”

Anyway, prangka naman si Chair Liza sa pag-aming gusto pa rin niyang mag-work sa government. And if given a chance to ask or choose kung saang departamento ng gobyerno, feel daw niya, magiging effective siya to work sa Department of Tourism.

So, there.

Pinalitan bilang FDCP Chairman... TIRSO, NAG-SORRY KAY LIZA

ni Julie Bonifacio - @Winner | July 10, 2022

Eksklusibong inilahad ni Film Development Council of the Philippines (FDCP) Chairperson Liza Diño-Seguerra ang buong kaganapan sa transition-brouhaha ng kanyang ahensiya sa guesting niya kahapon sa #CelebrityBTS Bulgaran Na! with yours truly and BULGAR’s entertainment editor na si Ateng Janice Navida na napapanood sa Facebook page ng BULGAR every Saturday, 11 AM to 12 NN.

It was revealed na parang last to know na papalitan na siya sa kanyang posisyon ay mismong si Chair Liza.

Monday night when she received a text message asking her if true na may pumalit na sa kanya.

Nasa opisina raw siya nu’ng may magsabi na ang aktor na si Tirso Cruz III na ang itinalaga bilang bagong FDCP chair.

Nagmi-meeting sila nu'n para sa gagawin nilang pagdiriwang ng Philippine Film Industry month.

“I will accept kung sinuman kasi prerogative talaga ng president ‘yan. Pero I wanna manifest that, I am also seeking, I am also manifesting my intention to complete my term. Kasi nga, ang dami pang puwedeng gawin,” paliwanag niya.

Until na-confirm na nga ni Chair na nanumpa na si Kuya Pipo as the new FDCP chair nu'ng Martes.

Naisip daw ni Chair Liza na mag-reach out kay Kuya Pip para masagot ang mga nagtatanong tungkol sa balita at kunin ang kanyang reaksiyon.

“Nag-reach out ako. Sabi ko, ‘Teka, magri-reach out po ako kay Kuya Pip.’ Kasi kilala ko siya. Hahaha! So, sa akin, napakadali. Wala naman akong balak na… kung hindi para sa akin, hindi para sa akin.

“So, nag-message ako. Sabi ko, ‘Dear Kuya Pip. Kumusta na kayo? Just wanna ask you something.’

“I didn’t even tell it’s about FDCP. Sabi ko lang, I hope I can call,” kuwento ni Chair Liza.

Naikuwento rin ni Chair Liza na tinawagan siya ni Kuya Pipo and apologized to her sa kung anumang dahilan.

“But siguro, he’s also experiencing his own ano, saka nu’ng nag-usap kami, sinabi niya ‘yun, he apologized. Sobrang nakakatuwa.”

Kinumusta namin si Chair after na ma-confirm niya ang mga bagay-bagay.

“I’m okay, I’m better than the first time that I heard it. Kasi 'di ba, iba 'yung feeling ng shocked, eh, ‘di ba?” umpisa niya.

Dugtong pa niya, “Iba ‘yung parang biglaan siya. Of course, it’s normal to… na i-process nang maayos ‘yung nangyari. Pero I’m more better now. Super busy.”

Ipinatawag daw si Chair Liza sa Malacañang at doon nilinaw ng mga tao ni P-BBM ang estado niya sa FDCP at kung paano ang transition ng pag-upo ng bagong mamumuno sa ahensiya.

Siyempre, may pabor at hindi sa pag-alis kay Chair sa FDCP. D'yan pa lang, pansin ng iba na may “paghahati” na sa film industry. And how ironic daw kung kailan may binubuo siyang event para sa pagsasama-sama at pagkakaisa ng industriya, saka naman may “pagkakampi-kampihan.”

“I hope that it will not divide the industry. Kasi as it is, you know, struggling pa rin tayo na makahanap ng communality,” diin niya.

It must always our goal daw to unite the industry, magkaroon ng common goal.

Isang masasabing achievement na nagawa ni Chair Liza sa goal niya to unite the industry ay ang pagtutulungan ng indie films community at ng mainstream movies.

Marami pang tsika si Chair Liza sa aming interbyu sa kanya sa #CelebrityBTS Bulgaran Na sa Facebook page at YouTube channel ng BULGAR.

Ninang pa raw sa kasal, pero dahil kay BBM… TONI, DEDMA SA PINAGDARAANANG SAKIT NI KRIS

ni Julie Bonifacio - @Winner | June 7, 2022

Pagkatapos ng last post ni Kris Aquino sa kanyang social media accounts sa tunay na lagay ng kanyang kalusugan at mga treatment na kailangan niyang pagdaanan, ibinulgar ni Robin Padilla ang naging bahagi ng TV host-actress sa pagiging number one niya sa ranking ng mga nanalong senador.

Ini-reveal din ni Robin na ipinagluluto pala ng pagkain ng misis niyang si Mariel Padilla si Kris. At kahit mahirap mag-intake ng solid food si Kris, ipinapaalam pa rin daw nito kung gaano niya ina-appreciate pati na ng pamilya niya ang ipinapadalang pagkain nina Robin at Mariel sa kanya.

Sa dami ng celebrity friends ni Kris, especially nu'ng namamayagpag siya sa showbiz, we wonder kung marami rin ang nakaalala sa kanya gaya nina Robin and Mariel.

Sa comment section ng “pamamaalam” post ni Kris sa kanyang Instagram, may nagbanggit ng pangalan ni Toni Gonzaga na ikinukumpara kay Anne Curtis na nag-post ng “Big hug ate (Kris)…praying for your recovery.”

Comment ng netizen, “Mabuti pa 'tong si Anne Curtis, 'di nakakalimot. Pero may tuluyan nang na-AMNESIA girl, si TONI @celestinegonzaga @cathygonzaga @mommypinty mga KAKAPAL ANG LIPS... kadiri pa Christian.”

May sumagot na netizen sa comment na ‘to at dinepensahan 'di lang si Toni kundi pati na ang sister niyang si Alex Gonzaga.

“Bakit kailangan mong idamay or banggitin at ikumpara 'yung magkapatid na Gonzaga? Maalala man nila or hindi, wala ka nang pakialam du'n.”

Hirit pa ng basher ni Toni, “Ninang nina @celestinegonzaga at @paulsoriano1017 si Kris Aquino. Pero nasilaw 'yung mag-asawa ng talent fee ni BBM, eh, tax evader 'yung sinuportahan nila. Kapal, nakalimot talaga sila kay Kris."

Sabi naman ng isang netizen, “As far as I know, 'yung Amanpulo honeymoon trip nila, gift ni Kris.... Oo nga 'noh, why cannot extend messages to Kris? Anyways, hayaan na natin, ganu'n talaga ang life!”

Anyway, nakarating na marahil si Kris sa Houston, USA kung saan nandoon ang mga kakailanganin niyang gamot for more or less two years na treatment.

And if ever nga na nakaalis na sa bansa si Kris, she did it very quietly.

---

Finally, ipapalabas na ang mala-sci-fi action movie ng international award-winning actress na si Jhassy Busran, ang Genius Teens on June 25.

Nabanggit sa amin ni Jhassy ang tungkol sa kanyang first superhero film last year when she appeared sa #CelebrityBTS Bulgaran Na online show ng BULGAR.

Nag-shoot si Jhassy for Genius Teens during the COVID-19 pandemic. Tamang-tama

naman dahil bukas na rin ang mga sinehan kaya mas exciting panoorin ang Genius Teen sa big screen.

Gagampanan ni Jhassy ang character ni Xerox sa movie. Si Xerox ay isang simpleng estudyante na may telekinetic power. May pagka-Eleven ng Stranger Things US series pala ang role ni Jhassy sa Genius Teens, hah?

“'Yung sa role itself naman po, I think you have to watch it kasi marami talaga kayong aabangan dito sa movie na 'to, ‘yung versatility ko po, at very different po ito with my other movie and short film po,” pahayag ni Jhassy.

“Nu’ng shinoot po ‘yung Genius Teens, nasa gitna ng pandemya kaya po mahirap siya in terms of mga health protocols na need sundin. We have to wear face mask, face shields all the time. 'Di kami puwedeng lumabas ng room 'pag 'di namin eksena. Sobrang hirap po like makipag-socialize with your co-actors,” kuwento ni Jhassy.

Ang Italian director na si Paolo Bertola ang nagdirek ng Genius Teens. Kasama ni Jhassy sa movie sina Bamboo B., Cassie Kim, Ernest Magtalas and many more.

“What excites me is the possible reaction of the viewers. We really did a lot of work here so I hope they’ll like and support it,” sabi niya.

Jhassy won two international acting awards para sa first short film niya titled Pugon with

veteran actor Soliman Cruz sa direksiyon ni Gabby Ramos.

Napanalunan ni Jhassy not just the Best Actress trophy kundi ang jury’s Best of the Best Award sa Manhattan International Film Festival this year para sa performance niya sa Pugon.

On the said short film, pinarangalan din si Jhassy bilang Best Child Actress sa Gully International Film Festival & Awards in India.

Huling napanood sa big screen si Jhassy sa kauna-unahang pelikula na naipalabas sa mga sinehan after almost two years due to COVID-19 pandemic, ang Caught In The Act directed by Perry Escaño bilang isa sa mga official entries sa 2021 Metro Manila Film Festival.

Samantala, katatapos lang daw ng school ni Jhassy. Consistent honor student siya sa kanilang school and last school year, siya ang salutatorian sa class nila.

“I can now focus more on my career. May mga aabangan pa po kayo sa 'kin kaya sana, mahintay n'yo po at suportahan n'yo po ako,” hiling ni Jhassy.

Again, showing na ang Genius Teens sa mga sinehan on June 25.