Daniel, may kapalit na… KATHRYN, INAMIN SI ECHO

ni Julie Bonifacio @Winner | February 4, 2024

True ang balita na may mga gustong manulot kay Kathryn Bernardo sa ABS-CBN para i-manage siya after her contract expired last year. At ‘di lang manager ang gusto siyang sulutin kundi pati TV network.

Pero gaya ng sabi ni Kathryn sa exclusive interview sa kanya ni MJ Felipe, her heart daw is set only on ABS-CBN. At never daw niyang in-entertain ang thought na umalis sa ABS-CBN at lumipat sa ibang network/manager.

Once and for all, nilinaw din ni Kathryn ang umuusok na balitang may relasyon sila ni Jericho Rosales.

Ikinuwento ni Kathryn na ang pamangkin ni Jericho na si John Manalo ang kausap niya na mag-jogging. Kasama ni Kathryn si John sa AngTV show noon ng Kapamilya Network. But who knows, it may only be the start ng friendship nila ni Echo.

And only time can tell kung may mabuong something sa kanila later (later o baka now na?!).

Eh, kasi ‘pag iniisip ang timeline ng pag-amin ni Echo ng hiwalayan nila ng misis niya na si Kim Jones at pagkalat sa socmed ng pictures nila, we smell something fishy.

Sa tagal-tagal na panahon at paulit-ulit na pag-usisa kay Echo sa tunay na estado ng relasyon nila ni Kim, all of a sudden ay bigla siyang nagsalita at umaming limang taon na pala silang hiwalay.

Kaya kung totoong sina Kath at Echo, ‘di na kami magugulat. At kung pagbabasehan ang mga nakalipas na karelasyon ni Echo, parang may pattern ng hitsura, ha?

From Kristine Hermosa, (‘wag na nating isama si Angelika dela Cruz na first girlfriend ni Echo sa showbiz) hanggang kay Kim Jones, lahat sila ay lean ang mga katawan.

At kung may niluluto man na project for Kathryn and Echo, puwedeng-puwede silang pagtambalin. It’s about time na i-partner na si Kathryn sa mas mature actors like Echo and Piolo Pascual.

During our live episode kahapon ng #CelebrityBTS na napapanood sa Facebook page ng BULGAR every Saturday, 11 AM, with Ateng Janiz Navida, BULGAR Entertainment Editor, ay napag-usapan namin kung sino ang bet namin na Top 3 actors na puwedeng makasama ni Kathryn sa project.

We chose Echo, Piolo and James Reid, while si Ateng Janiz, mas type niya si Enrique Gil more than James.

Pero ang pinili naman ni Kathryn ay ang Star for All Seasons na si Vilma Santos, at sina Piolo and Echo.

Puwede!

This is it, Xian! VICE KAY KIM: YOU DESERVE THE BEST. YOU DESERVE LOVE

ni Janiz Navida @Showbiz Special | December 13, 2023

Kung sa mainit na balitang hiwalayan ng mag-asawang Sarah Lahbati at Richard Gutierrez ay tipong ang ina ng aktor na si Annabelle Rama nga ang nag-spill the beans, sa inaabangan namang kumpirmasyon sa napabalita ring Kim Chiu-Xian Lim split-up ay tila ang It's Showtime host na si Vice Ganda na ang nagbukas ng bintana at nagpasilip ng liwanag sa mga naguguluhang KimXi fans. 

Sa episode kasi ng It's Showtime kahapon, Martes, may hint nang ibinigay si Vice tungkol sa estado ng puso at love life ngayon ng co-host niyang si Kimmy.

Sa segment ng noontime show na Expecially For You, napag-usapan nila ang tungkol sa dahilan ng paghihiwalay ng contestant at ng ex nito. 

Napansin ni Vice na nanahimik si Kim, kaya biniro niya ito kasunod ang makahulugang linya na, "Maganda ka. Mabuti kang tao. Maganda ang mukha mo. Maganda ang puso mo. YOU DESERVE THE BEST. YOU DESERVE LOVE,” sabay yakap nang mahigpit sa aktres.

Obyus namang pinigil lang ni Kim ang maiyak pero mababasa sa mukha nito ang kalungkutan.

Hmmm… Feeling namin, humahanap na lang talaga si Kim Chiu ng right timing para sa kanyang 'big reveal' sa totoong estado ng relasyon nila ni Xian Lim.

Nakakaloka ang taong 2023, 'no?! Ano kaya'ng meron sa taong ito at maging 'yung mga super-tagal nang magdyowa ay naghiwalay pa?

Maitanong nga kay Maestro Honorio Ong kapag nag-guest sa aming online show every Saturday, 11 AM, sa Facebook page ng BULGAR, ang #CelebrityBTS Bulgaran Na!.

'Di ba naman, Ateng Julie Bonifacio?

SABRINA, 'DI MAGSOSORI SA PAG-AMING NAGING BF SI RICO

ni Julie Bonifacio @Winner | July 16, 2023

Handang harapin ni Sabrina M. ang anumang kasong isasampa laban sa kanya dahil sa pag-amin niya sa naging relasyon nila ng yumaong aktor na si Rico Yan.

Ayon kay Sabrina, “Hindi po ako magpa-public apology according to my lawyers po, kasi alam ko naman po ang katotohanan po.”

'Yan ang official stand ni Sabrima M. na ipinarating niya sa pamamagitan ng aming entertainment editor dito sa BULGAR na si Janice Navida a.k.a. Ateng Janiz.

Nagkaroon ng palitan ng mensahe sina Ateng Janiz at Sabrina via Facebook Messenger kahapon.

Inimbita kasi ni Ateng Janiz si Sabrina na samahan kami sa live episode ng BULGAR’s online talk show na napapanood sa Facebook page ng BULGAR tuwing Sabado, 11 AM-12 NN, ang #CelebrityBTS Bulgaran Na.

Pero kagigising lang daw ni Sabrina nu’ng malapit nang mag-start ang #Celebrity BTS Bulgaran Na. Napuyat yata siya the other night dahil nakipag-meeting siya with her lawyers.

Narito pa ang mensahe ni Sabrina kay Ateng Janiz bilang sagot sa bali-balitang idedemamda siya kapag hindi nagbigay ng public apology.

“Wala pong public apology na magaganap. Kung anumang panakot na ikakaso nila, karapatan nila 'yun at haharapin na lang namin ng mga abogado ko ang isasampa nila.

“Sinabihan na rin po ako ng abogado ko na 'wag nang mag-comment pa. Nag-review na rin kami ng videos sa YouTube para alamin din kung sino ang puwede naming kasuhan,” eksklusibong pahayag ni Sabrina sa BULGAR.