6 namuo ang dugo... Johnson & Johnson vaccine, stop

ni Mary Gutierrez Almirañez | April 14, 2021

Inirekomenda ng U.S Food and Drug Administration (FDA) at Centers for Disease Control and Prevention (CDC) na ihinto muna ang pagbabakuna kontra COVID-19 gamit ang Johnson & Johnson ng Janssen Pharmaceuticals dahil sa iniulat na blood clot sa 6 na nabakunahan nito.

Ayon sa tweet ng U.S FDA kagabi, “Today FDA and @CDCgov issued a statement regarding the Johnson & Johnson #COVID19 vaccine. We are recommending a pause in the use of this vaccine out of an abundance of caution.”

Dagdag pa nila, "Until that process is complete, we are recommending this pause. This is important to ensure that the health care provider community is aware of the potential for these adverse events and can plan due to the unique treatment required with this type of blood clot."

Base sa huling tala, mahigit 6.8 milyong indibidwal na ang nabakunahan ng Johnson & Johnson COVID-19 vaccines, kung saan ang anim na nakaranas ng severe blood clot ay mga babaeng nasa edad 18 hanggang 48-anyos. Naranasan nila ang pamumuo ng dugo makalipas ang 6 hanggang 13 araw matapos silang mabakunahan ng unang dose.

Batay din sa lumabas na statement ng mga eksperto, “In these cases, a type of blood clot called cerebral venous sinus thrombosis (CVST) was seen in combination with low levels of blood platelets (thrombocytopenia)… Usually, an anticoagulant drug called herapin is used to treat blood clots. In these setting, administration of herapin may be dangerous, and alternative treatments need to be given.”

Ngayong Miyerkules ay makikipag-meeting ang U.S FDA sa Advisory Committee on Immunization Practices (ACIP) upang mapag-usapan ang tungkol sa nadiskubreng adverse event sa nasabing bakuna.

Matatandaang nauna nang ipinahinto ang pagbabakuna ng AstraZeneca dahil sa blood clot na kumitil sa buhay ng 29 indibidwal matapos mabakunahan nito.

Samantala, inaasahan namang mapipirmahan ngayong linggo ang supply agreement at emergency use authorization (EUA) ng Johnson & Johnson upang mai-deliver sa ‘Pinas ang 6 milyong doses nito.

‘Pinas, tumanggap ng 100 ventilators galing US

ni Ronalyn Seminiano Reonico | August 29, 2020

Tumanggap ang Pilipinas ng 100 new ventilators galing sa United States para sa pakikibaka ng bansa laban sa COVID-19 pandemic.

Si US Ambassador Sung Kim ang nag-turn over ng mga ventilators kay Executive Secretary Salvador Medialdea nitong Biyernes. Naroon din si Health Secretary Francisco Duque III.

Post pa ni Kim sa Twitter, "Proud to deliver 100 brand-new, state-of-the-art ventilators to Philippine government. Part of our strong support for Philippines’ #COVID19 response, these life-saving ventilators were made specifically for our #FriendsPartnersAllies.

Nagpasalamat din si Duque sa US at aniya, “Thank you to the US Government through USAID, its Misssion Director Lawrence Hardy II and U.S. Ambassador Sung Kim for your generous donation to the Philippines. 100 brand-new and state-of-the-art ventilators and accompanying supplies are on their way to our COVID19 hospitals.”

Pinakamalaking testing lab, inagurahan ng Red Cross

ni Lolet Abania | June 28, 2020

Pinasinayaan ng Philippine Red Cross ang pinakamalaking covid-19 testing laboratory sa bansa, na may kapasidad na magsagawa ng 14,000 tests araw-araw, ayon kay Chairman at Sen. Richard Gordon.

Ayon kay Gordon, makakapag-test na ng higit pa sa 22,000 samples ang Red Cross sa Metro Manila dahil sa Port Area Molecular Laboratory na ito.

“We have finally inaugurated the Philippine Red Cross – Port Area Molecular Laboratory, the largest #COVID19 testing lab in the country, which has a capability of 14,000 tests per day. With this expansion, the Philippine Red Cross now has a capacity to test 22,000 samples a day in Metro Manila, which is the epicenter of the COVID-19 pandemic in the Philippines,” sabi ni Gordon.

Gayundin, ayon sa Department of Health, umabot na sa 16,000 output sa isinasagawang national daily testing. Nananatili pa rin ang Metro Manila na mayroong pinakamataas na kaso na may case positivity rate na 6.8 percent, kung saan anim sa 100 katao na na-test sa covid-19 ay nagpositibo.

Naitalang lagpas na sa 34,000 ang kaso ng coronavirus sa bansa, 1,236 ang namatay at 9,430 ang nakarekober.